Ако се држи до ветувањата, Трамп наскоро треба да тргне во најавената војна против транс -идеологијата и непоправливите гревови кои ги прави кон деца и млади нудејќи им „лесен“ излез од сите нивни младешки збунетости и дилеми велејќи им дека се наоѓаат во погрешно тело. „Ќе барам Конгресот да донесе закон по кој државата признава два пола: машки и женски и тие полови се од раѓање“, порача Трамп.

Освен што најави запирање на војните во Украина и Блискиот исток, најголемото очекување од Трамп е враќање на слободата на говорот која се потиснуваше и цензурираше под маската на борба против лажни информации, во што учествуваа и државите и големите социјални платформи и цел еко-систем од невладини и слични дебело платени никаквеци. Ќе има пиштење- вриштење.

"Многу луѓе уште не ми веруваат дека Демократите ќе сторат сè за да ме уништат ако победат на 5-ти ноември“, пиша Илон Маск на својата платформа нудејќи пример за тоа како корпоративните медиуми сериозно се бават со прашањето дали тој може да биде депортиран од САД. Искусниот Ким Дотком му нафрли: "Ќе завршиш во Гулаг затоа што рискираш сè за нас. Ти благодарам.“

Извесен Дејвид Голдстон е именуван за канцелар на Одделот „вредност за пари“ кој за задача има да го советува британското министерство за финансии што се паметно потрошени пари а што е залуден и непотребен трошок. Така доаѓаме до платата на Голдстон. 

Иако ланската година беше рекордна по запленетиот кокаин во европските пристаништа, се очекува оваа година за крим-полицијата да биде далеку понеуспешна. Причина за тоа е што криумчарските банди во меѓувреме нашле начин како да им ја отежнат работата на полицајците и развиле нови методи заради кои речиси е невозможно кокаинот да биде откриен.

Новинарска истрага на францускиот весник „Ле Монд“ покажа дека тајните локации и движењата на американскиот претседател Џо Бајден, претседателските ривали Доналд Трамп и Камала Харис и други светски лидери може лесно да се следат на интернет преку фитнес апликација што ја користат нивните телохранители. Страва.

Светската банка е една од оние глобални финансиски гиганти кои влеваат стравопочит не само во поглед на моќта, туку и заради сериозноста со која ги решаваат светските проблеми. Но, финансиска ревизија на нивното климатско портфолио покажува доста арабаџиски однос - не е јасно каде завршиле меѓу 24 и 41 милијарда долари.

Канаѓанец со секакви ментални проблеми помислувал на смрт за да си ги прекине маките. Во таа земја е легализирано асистирано умирање, но за болести кои се неизлечиви и безнадежни. Докторите кои решавале за неговиот случај, дале дозвола за еутаназија, заклучувајќи дека на човекот не му е добро после трите ковид вакцинации.

Фондацијата за индивидуални права и изразување (FIRE) и Институтот NORC на Универзитетот во Чикаго спроведоа истражување на 1.022 потенцијални гласачи на претстојните претседателски избори во САД. Резултатите покажуваат дека слободата на говорот е второто најважно прашање за гласачите на овие избори, поважно од здравствената заштита, имиграцијата, криминалот и оружјето.

Лани имаше голем скок на глобалните температури во „најтоплата година досега“ што беше следено и со соодветен скок во климатскиот алармизам. Меѓутоа, скорешен труд на метеоролошката служба на ЕУ, Коперник, покажува дека затоплувањето било поттикнато од силна и природно настаната осцилација, но и дека скокот не е без преседан бидејќи малку поголем скок се има случено во 1976-77 година.

Рик Приор, претставник на англискиот полициски синдикат неодамна дал интервју во кое обелоденил дека во последно време, негови колеги сè почесто избегнуваат да се ангажираат во случаи во кои се вклучени припадниците на етничките малцинства, од страв дека би можеле да бидат етикетирани како „дискриминаторски“. Го суспендирале. Заради дискриминација.

Англискиот премиер и надлежниот министер за здравство се убедени дека можат да гио намалат притисокот врз преоптоварениот здравствен систем во земјата така што на милиони Британци ќе им дадат бесплатна помош за слабеење во вид на популарниот Оземпик. Идејата им има две фази: прво дебелите да ослабат а потоа да се впрегнат на работа.   

Земјата станува жртва на својот успех во развојот на обновливите енергии, особено во искористувањето на сонцето за производство на струја. Секоја трета куќа во Австралија има систем на соларни панели кои уште во 2018 година биле монтирани по шест панели секоја минута. Малку по малку, сега е тоа многу.

На германските улици и патишта има сè повеќе автомобили. И покрај соништата во врска со амбициозната „зелена транзиција“ во мобилноста, бројот на автомобили расте побрзо од населението на Германија. Во последно време, бројот на новорегистрирани коли сепак е во благ пад, особено кај електричните.

Разни групи и кругови, некои од нив многу моќни, богати и влијателни, со години внесуваат страв од растечката светска популација и нејзиниот наводен катастрофален учинок врз планетата и нејзините ресурси. „Не се преправајте дека ви е до климата ако планирате дете“, неодамна порача Гардијан. Глупости.

„Нелегални дроги“ е многу добро дефинирана категорија во Европската Унија. „Говорот на омраза“, од друга страна, не е. Сепак, блокот ги спојува овие две категории заедно за да може да напне уште еден бран притисоци врз главните социјални платформи и да бара повеќе податоци од нив.

Од мигрантската популација од 53.000 Албанци кои се наоѓаат во Велика Британија, над 1.200 се во затвор. Анализа на Телеграф на бројот на затвореници по националност обелоденува дека Албанците од Албанија се на врвот на листата која содржи луѓе од 130 држави. Погодете кои се втори?

Чернобил се памети не толку по бројот на жртвите колку по начинот на кој државата реагираше на несреќата - многу лаги, владина неспособност и заедничко чувство на луѓето дека империјата е само сенилна конструкција која веќе нема вистинска поента. Начинот на кој САД реагира не ураганот кој зема меѓу 200 и илјада животи, морничаво потсетува на сето тоа.

Бројот на неписмени луѓе во Шведска зимава ќе надмине 800.000 а нема да помине долго време кога се очекува земјата да брои еден милион неписмени луѓе. Причините се гледаат во масовната имиграција иако тоа сè уште е табу тема за официјалните институции. Од што не успеваат да ги описменат децата за девет, задолжителни ќе бидат десет години школо.

Американска брачна двојка ја тужела компанијата Убер за сообраќајка која им била приредена додека се возеле во нивно возило. Апелација застанала на страна на компанијата - со сето она што го предвидува и бара Убер, самите се имаат согласено кога притиснале „прифаќам“ на „условите за користење“ на нивната апликација.

Кога пред десет години енергетскиот гигант Дракс со седиште во Британија почна да отвора фабрики за производство на пелети во Северна Америка, ветуваа стотици милиони долари инвестиции во локалната економија, вработувања на локално население, зголемување на уделот на чиста енергија... Ништо од тоа. Напротив.

Додека водата во шишиња е проблем заради непотребната количина микропластика што ја внесуваме, уште поголем проблем за планетава и човештвото е што на глобално ниво секоја минута се употребуваат по 1 милион пластични шишиња за вода.

Уште еден сексуален предатор и силувач од „најмаргинализираната“ заедница повторно нападна. Се работи за на Алекс „Лекси“ Секер, маж со брада толку бујна што ирански ајатолах може да му позавиди. Па сепак, последниот наслов на Би БиСи околу оваа приказна гласеше „Транс жена осудена на шест години за силување“.

Секоја година во Њујорк се состануваат хуманитарци, филантропи и бироктрати, презадоволни од себе и својот удел во борбата против сиромаштијата. Реалноста функционира малку поинаку. Навистина ќе дадат пари, ама откако од сумата ќе ги одземат огромните трошоци на нивните експерти кои ја проценувале состојбата и се запознавале со ситуацијата.