Има неколку причини зошто овој текст ни се допадна. Едно е што читањето туѓ патепис е каква-таква, психолошка компензација за неможноста да се патува, во случајов по Медитеранот, на луксузен брод. 

Студентите по архитектура од Универзитетот Беркли, Калифорнија, одлучиле глупите но слатки мачиња кои масовно се лајкуваат и шеруваат, мудро да ги искористат за архитектонско образование на мачкољубивата публика.

Повеќе од триесет години по премиерата на „Разјарениот бик", почнуваат подготовките за негово продолжение. Де Ниро е престар за улогата, ама па вие сте можеби таман.

На денешен ден, 8. април 1971. во Лондон е одржан првиот Меѓународен конгрес на Ромите. На него е усвоена Декларацијата за правата на Ромите, а песната „Џелем џелем" е прогласена за нивна химна. Еве неколку верзии од неа.

Добитникот на Нобеловата за литература, германскиот писател Гинтер Грас, не престанува да бранува во политичките води. Откако по шест децении го обелодени своето учество во единиците на СС трупите, што беше повод за иницијативи големата награда да му се одземе, сега низ стихови го критикува Израел, но и актуелната германска политика кон оваа земја.

Вест за самоубиство на стар човек, и тоа направено од финансиски очај, ако се развие вон рамките на ваквиот тажен факт, има тенденција да прерасне во патетична приказна за жртвата наспроти системот и за светската неправда. Од друга страна...

Пред да го прочитате освртот за книгата која денес ја претставуваме, чисто за да знаете дали се однесува на вас, направете го следниов тест. Запишете си на колку прашања сте одговориле со „точно".

Во мега-интервју, од кое пренесуваме дел, Предраг Луциќ ја раскажува историјата на култниот Ферал Трибјун, еден од најбитните рокенрол проекти на сите времиња на овие простори. Бунт во чист облик, жестоко рокање и ролање, придвижено од страна на неколку клинци од сплитските улици. Едноставно, опасно добра приказна..

Некој се помачил и направил избор на наслови и/или корици на книги, и ги нарекол ’најлоши’.

Тука ќе ви раскажеме ако сме гледале добар филм, или ќе се обидеме да ви заштедиме време ако тој не чини. За вкусовите нели не се расправа, ама па да не е тој, што ли би збореле?

Рок-иконата Пети Смит својот нов албум „Банга", кој ќе излезе на 5. јуни, го нарече по кучето на Понтиј Пилат од култниот роман на Булгаков, „Мајсторот и Маргарита".

Новиот албум на Џонс се вика "Spirit in the Room" (Дух во собата), и треба да се појави на 21. мај

Грците ја обновија иницијативата за враќање на рељефите од Партенон, со отворено писмо до Дејвид Камерон. Познатиот британски комичар и писател се придружува кон идејата.

Кои би биле трите песни кои би сакале да ги чуете за последно, ако ви кажат дека набргу ќе го загубите слухот?

Студентите од катедрата по етнологија и антропологија на УКИМ снимија неколку кратки филмчиња, кои ќе бидат промовирани во среда од 18 часот во ГЕМ.

Едно време мислевме да ве зезнеме со некој книжевен пранк - пример дека уште необјавена, автобиографијата на Боки 13 е веќе номинирана за следниот Букер. Или дека во Македонија се снима верзија на „Господарот на прстените" со Сашко Коцев во улогата на Гандалф. Наместо тоа, трибјут на еден од најголемите југословенски комичари, роден на сосема соодветен датум.

Серијата стрипчиња Peanuts на Чарлс Шулц, иако прв пат објавена во '60-тите, останува една од омилените од овој жанр, веројатно затоа што е толку едноставна и „точна" што нема што ниту да ù се одземе, ниту да ù се додаде.

Фронтменот на „Хладно пиво" за тоа зошто не пее, а не ни мисли на некој друг јазик освен на неговиот. Твојот јазик е оној на кој сонуваш и на кој пцуеш, оној кого го сакаш, кој и да е тој.

Денов нè затече со неговиот намуртен лик, па решивме да му го возвратиме ударот - кој тебе со пролетен дожд, ти нему со француска шансона.

Деновиве почнаа да се појавуваат „компромитирачки" информации за Хемингвеј, главно во форма на до сега непознати преписки помеѓу него и негови блиски пријатели, кои го прикажуваат во сосема спротивна светлина од онаа на мачо писателот - алкохоличар, со камено срце.

На нова изложба во Музејот на современа уметност во Сиднеј можете да влезете само како од мајка родени. И неа да ја разгледувате со авторот, кој е исто така гол.

Основачот на Комунистичката партија на Италија, во текот на својот живот (1891-1937) не издал ниту една книга, а постхумно објавените текстови главно ги пишувал во затвор. Неговиот неодамна објавен текст против интелектуалната индиферентност во магазинот „Бука" нè потсети на овој неоправдано запоставен автор.

Можеби, исто како и јас, сте сомничави кога странец пишува за Македонија. И со право – низ земјава во последниве години поминаа толку истражувачи кои академски и финансиски профитираа од нашата историја, култура и политички превирања, што не стигнавме ни кафе да им свариме, а тие веќе објавија книги за македонската „вистина", на кои случајно налетуваме на Амазон.

Книгата на Итало Калвино, „Ако една зимска ноќ еден патник", е роман во кој еден читател (токму вие) се обидува да купи и да го прочита романот на Итало Калвино, „Ако една зимска ноќ..". Во еден пасус од првото поглавје се наведени следниве типови книги на кои наидувате, додека ја барате онаа на Калвино.