Велигденските пости поминаа, па раат можеме да го објавиме постов за книга исклучиво посветена на рецепти со сланина. Ја ставаат и во благо.

Колку и да звучи бизарно, војните, кризите и природните катастрофи можат да предизвикаат позитивни уметнички придвижувања во националните книжевности и во уметноста воопшто, што заради квалитетите изродени од маката и катарзичниот карактер на пишувањето, што заради перверзната опседнатост со трагичното и ужасното на читателите од други контексти.

Тригодишно дете кое тежи 63 кила, човек кој се фрла со падобран од Ајфеловата кула и се забива во земја, Пигмеец во луд танц...ова е само дел од необичната архива на британскиот огранок на славната филмска компанија, која сега е достапна на Јутјуб.

Рашмор, Ројал Тененбаумс, Фантастичниот г-дин Фокс, Хотелот Гранд Будимпешта - во сите овие филмови на Андерсон има наративни и естетски елементи кои се повторуваат и стануваат негов режисерски печат.

Нобеловецот, автор на „Сто години самотија", почина денес, 17.04 во неговиот дом во Мексико сити. 

Ви пренесуваме дел од музичката критика на Мухарем Баздуљ за новиот албум на Спрингстин во белградско Време, не само затоа што албумот ни се допаѓа, туку пред сè затоа што текстот е одлична илустрација како некој кој вообичаено се занимава со книжевност ги лови токму таквите - книжевни - моменти и кога станува збор за музиката.

Дизајнерката Емили Пулен (мислевме дека е асоцијација на Амели Пулен, ама вистинско име е) од 2008 на нејзин блог собира фотографии на кои луѓе позираат со корици од книги, така за нивните тела да се вградат во дизајнот, и да го надополнат.

Утро е, среде лето, а паднал снег, тежок и мокар. Плачат вџашените градини. Го бележам тоа и молчам, свикнав на секакви чуда.

На Станфордската енциклопедија по филозофија ѝ се потребни 28.250 зборови за да го објасни концептот на релативизам. На Џенис Карерас му е доволен само еден цртеж.

Деновиве голем број медиуми ја пренесоа веста за настапот на нашиот Благој Нацоски во необична продукција на Вердиевиот „Фалстаф" во Сао Паоло, Бразил. Ние, како секогаш имаме нешто повеќе - како си помина екипата по премиерата. Ти иде да затвориш кафана и да им нарачаш една од Тома Здраковиќ.

Вчера (14.4) беше доделена Пулицеровата во неколку уметнички категории. Очекувано, наградата за белетристика ја однесе Дона Тарт за „Трнарче" (Goldfinch). Жирито во оваа категорија годинава се утепа од читање, бидејќи вкупниот број страници на трите книги кои влегоа во најтесниот избор е 2,000.

Помеѓу 130 новооткриени документи на ЦИА се наоѓаат и меморандуми кои зборуваат за вмешаноста на оваа агенција во печатењето и диструбицијата на славниот руски роман, кој бил забранет во СССР.

Mинатата недела во Рокенрол куќата на славните влегоа Питер Габриел, Кет Стивенс, Кис и Нирвана. Медиумите кои го одбележаа настанот не пропуштија да спомнат дека некогашната група на Кобејн била дел од „гранџ" - поджанр на алтернативниот рок. За други пак актуелизирањето на овој термин беше повод да потсетат на големата измама поврзана со него.

Има различни начини да се реагира на суштински баналните семрежни расправии. Ретко кој од нив е толку софистициран како овој.

Даниеле Трофе дизајнира еколошки издржан мебел, кој не само што е инспириран од природата, туку користи и такви, природни материјали. Нејзиниот последен проект е наречен Mush-lume, и претставува лампа изработена од печурки.

Во пресрет на денешното јадење книги во Пепер (облечете се топло), ви претставуваме мешавина на храна, наука и уметност. Скенови се, ама не на похован мозок.

Вчера на 81 година во Белград почина писателката и академик, за чии дела се вели дека го сочувале од заборавот исчезнатото српско граѓанство.

Прв пат го забележавме Том Голд преку неговото стрипче за улицата на која растел Вејтс. И кога би требало да се одлучиме помеѓу него и, на пример, xkcd на Рандал Манро, тоа навистина би бил тежок избор. За среќа никој не го бара тоа од нас.

За најтврдокорните фанови на некој бенд или музичар посетата на местото каде е сликана корицата на некој нивен албум е рамна на аџилак. Благодарение на Гугл сега не мора да се малтретирате по авиони за да можете да кажете дека сте биле таму.

Во новата книга „Скршена алелуја: рокенрол, покајание и животот на Леонард Коен" од Лиле Либовиц има една луда епизода. Во неа, на почетокот на својата кариера, тогаш речиси непознатиот кантавтор свири за една благородна и софистицирана публика во - психијатриска болница.

Добредојдовте во новата Букбокс рубрика, во која твитерџии гледаат филм и коментираат за него. Како за прв пат формиравме „работна група", која би сакале да ја прошириме со вас.

Вака гласи прашањето на кое одговара познатиот астрофизичар и водител на новата серија „Космос", продолжение на онаа на Саган од 1980. 

„120 дена Содома" се опишува како едно од најперверзните дела на 18. век - оргии, педофилија, некрофилија и - последно но не и најмалку важно - eпизода на секс со лебед. Па сепак, Французите го сметаат за свое национално богатство, и сега се среќни што тоа од Швајцарија конечно се враќа дома.

Одамна не ми дошло уште во првата реченица да напишам: Ова е баш убава книга.
Барико, по образование пола филозоф, пола музичар, стана познат по неговиот краток роман „Свила".