За некого преводот е сиромашкиот братучед на литературата, нужно зло, па дури и богохулие. За други, преводот е мост за меѓукултурно разбирање и креативно толкување. Нова книга ги истражува обете страни на медалата.

Ако сте многу на компјутер (а кој не е?), знаете - тоа знае да биде тешка физичка работа. Боли врат, се кочат прсти, се фаќа половина, се мати пред очи. Некои ја сфатиле опасноста од долго седење многу пред појавата на компјутерите, и смислиле решение. Што викаат, лекот е пет пари ама кој да го применува...

Додека не беа обелоденети, некои комбинации на зборови на Гугл транслејт во „преводи“ даваа резултати кои делуваат ко извадени од некоја света книга. Што е работата со алгоритмиве?

Во науката за сексот многу повеќе внимание е посветено на чинот на имањето секс - кога, каде, со кого - отколку на тоа што луѓето мислат за него. Еден истражувач одлучил малку да се позанимава со темата, и по спроведување на најголемиот проект посветен на сексуалните фантазии, издал книга во врска со тоа.

„Што бе, Сачмо почнале да го ставаат врз цигари?“ - се изненадив кога на кафанска маса го видов тутунот на другар ми. „Не бе, налепница е, сами ги правиме“, ми вика тој.

Однапред се извинуваме за последиците што може да ги искусите од гледањето на овие видеа. Ама (спојлер) има ли поубаво од звук на рака што минува по плишана прекривка?

Судската одлука за повлекување на новата книга на Мураками од штандовите на меѓународниот саем во Хонг-Конг, како и нејзино обележување како „непристојна“ во библиотеките и книжарниците, предизвикува остри реакции. 

Дали е можно етички да се убиваат животни и да се јаде нивното месо? Ова е прашањето кое една новинарка се обидела да го одговори работејќи како касапски чирак на мала семејна фарма и кланица во Франција. Потоа напишала и книга.

Насловот на книгата е „Сабрина“, и е трилер-дистопија во која се истражува исчезнувањето на една млада жена. Навиваме за неа на непрочитано, заради поддршка на медиумот на графичкиот роман, кого многумина неправедно го потценуваат.

После бавно јадење и бавно мислење, доаѓа бавно гледање. Го воведува британски музеј, кој од посетителите бара да стојат пред секоја слика барем триесет минути.

Познатиот 77-годишен еволутивен биолог, атеист и автор на бестселери, Ричард Докинс, пред некој ден твитна слика како седи на клупа во парк уживајќи во сончев ден во Англија. Баш фина сцена, која може да се искористи за испраќање на некоја таква порака. Но не и за него.

Британски професор по психологија како зафрканција сака да тестира теорија дека политичарите од десницата си го бришат газот со лева рака, а оние од левицата со десна. Едно „предаторско“ научно списание навистина го објавува текстот, кој можеби и не е такво срање какво што изгледа.

Во интервју за Гардијан американскиот писател зборува за новата книга, различните облици на екстремизам и зошто тоа што ги загубил скоро сите пари е „некако фино“.

Летото некако традиционално се поврзува со време за читање, а можеби тоа е навика од детството, кога единствената обврска за време на распустот беше да се прочитаат лектирите. И тоа не беше лоша работа, и се уште не е.

Низ средиштето на Папуа Нова Гвинеја минува планински масив, со тешко достапни долини меѓу планините, покриени со шуми. Тоа е терен изолиран со милениуми, што довело до тоа населението кое живее тука да развие различни јазици и култури. Еден од тие јазици има посебна функција

Универзитетот во Манчестер реновирал една од зградите, и на ѕидот ја испишал песната „Товарот на белиот човек“ од Радјард Киплинг. Студентите се организирале и ја замениле со друга.

Не се мисли (само) на оние кои имаат најмногу секс, туку и на оние кои најмногу мислат на него. И притоа, барем во книжевноста, тоа главно не е на арно.

Голем број трговци со книги на Амазон се обидуваат да си ја продадат робата што поевтино - логиката вели дека спуштањето на цената во услови на компетитивен пазар ја зголемува продажбата. Ама некои други имаат поинаков, контраинтуитивен пристап.

Старо правило, на кое често се заборава, е дека секое екстремно растегнување на дискурс во една насока, предизвикува реакција во спротивната.

Филип Хам е најпознат по високи функции во големи телекомуникациски компании. Бил и директор на Амазон за Германија и Франција. Пред четири години го напуштил бизнис секторот за да се посвети на уметноста. Сега влегува во филмските води и снима своја верзија на „Фауст“.

На јутјуб каналот #FoodFilms на Дејвид Ма минатата година почна серија видеа во кои упатства за подготвување на вообичаени јадења се спојуваат со специфичен визуелен стил на некој од познатите режисер. До сега има четири, и сите се супер.

Насловот е „Вжештена тајна“ и е толку детално разработен материјал што веднаш по него би можел да се сними долгометражен филм.

Натпреварот помеѓу Хрватска и Франција беше на кратко прекинат од четворица „натрапници“ кои протрчаа по теренот. Иако камерите не го пренесуваа инцидентот во живо, многу брзо се дозна кој стои зад нив.

Споредбите за некого се можеби претерани. Но ставањето едни покрај други на славни сликарски дела на религиски теми и на фудбалски фотографии, макар и само на ниво на композиција, дава интересни резултати.