Кога Американците масовно купуваа камери за да ги заштитат своите домови од кражби ретко помислувале дека ќе дојде ден кога камерите ќе може да бидат злоупотребени против нив. Сега ги кршат овие шпионски очи кај комшиите или самите ги му ги враќаат на Амазон поради ризикот од нова технологија, невино промовирана како систем за барање изгубени миленичиња.

Германскиот агрохемиски гигант Баер ќе плати 7,25 милијарди долари за да затвори десетици илјади тужби од луѓе што добиле рак од глифосатите во „Раундап“. Со оваа сума ќе ги покрие сите тужби до 2057 година. Ова му е како осигурување од многу поголема казна од случај пред Врховниот суд. А, адвокатите ги тешат пациентите со рак дека барем ќе добијат некаква отштета.

Милионски буџети и доверливи стратешки медиумски програми покажуваат како Британија настојува да го наметне своето влијание врз Западен Балкан. Протечени документи прегледани од RT Investigations откриваат сложена организациска структура за обликување на медиумските екосистеми и ширење пропаганда под знамето на слободата на печатот.

Во Украина тајно е формирана ескадрила од нови ловци ф-16 во која се вклучени пилоти од САД и Холандија. Тие ги обучуваат своите украински колеги да ги користат напредните системи за извидување и лоцирање непријателски цели, но и имаат активна улога во одбраната на Киев од речиси секојдневните напади од руски ракети и беспилотни летала. 

Како последица на најстрогите еколошки регулативи во САД, Калифорнија е принудена да увезува дури и американски бензин. „Златната држава“ ги затвора своите рафинерии и нема мрежа од цевководи, па американското гориво патува илјадници милји со танкери, за да биде регистрирано како увоз од Бахамите, по многу повисока цена на бензинските пумпи.

Холандските власти најдоа суптилен начин како да им грабаат пари на граѓаните за да ја полнат празната државна каса. Пратениците го одобрија контроверзниот закон за данок од 36% за нереализирани капитални добивки од заштеди и дигитални средства што оствариле приноси, дури и ако сопствениците не ги продале и реално не оствариле добивка. 

Масовната амнестија за половина милион нелегални мигранти што ја објави премиерот Санчез одекна како повик за нова инвазија врз брегот на Шпанија. Иако не се опфатени со условите, новодојдените мигранти се убедени дека кога-тогаш ќе бидат легализирани. Мадрид сега бара од европските партнери да преземат дел од товарот.

Хилари Клинтон ја разбранува Минхенската безбедносна конференција откако го сврте наопаку својот став за миграцијата. Кога му беше противник на Доналд Трамп остро ги напаѓаше неговите политики за изградба на ѕидови. Сега признава дека политиката за отворени граници отишла предалеку и дека ги дестабилизира земјите што примаат мигранти.

Поранешниот пратеник од Тексас, Рон Пол, порача дека американскиот економски поредок се темели на „измама“ вкоренета  во 1971 година кога државата реши да се откаже од поврзаноста на валутата со поддршката во злато. Американскиот политички ветеран кој наполни 90 години проценува дека сегашниот систем се ближи кон својот крај но сепак верува дека политиката може да се поврзе со моралот. 

Франција се реши да ги намали своите цели за изградба на ветерници и сончеви електрани и да гради нови нуклеарни реактори, наместо да затвора активни. Иако Макрон првично беше против нуклеарните реактори, сега вели дека тие се клучни за стабилноста на енергетската мрежа и дека ќе го намалат ризикот од голем курцшлус, како оној лани во Шпанија.

Администрацијата на Трамп ќе потроши близу 40 милијарди долари за да купи големи магацини и да ги пренамени во центри за притвор на десетици илјади имигранти пред да бидат протерани од САД. Проширувањето на капацитетите на 92.600 кревети најавува засилување на операциите на Службата за имиграција за приведувања на лица со нелегален престој.

Доктор што присуствувал на обдукцијата на телото на Џефри Епстин повика на нова истрага за да се утврди вистинската причина за смртта на осудениот педофил во затвор во 2019 година. Докторот уште тогаш проценил дека достапните докази укажуваат на смрт од давење, а не на самоубиство со бесење, но тоа било исфрлено од официјалниот извештај.

Додека Европската Унија е распната помеѓу иницијативите за федерализација и ризикот од распаѓање, нејзините лидери не се охрабруваат да изберат ниту една насока и пропаѓаат во јазот, предупредува Јанис Варуфакис. Главниот проблем на ЕУ, според него, е што ги федерализирала парите во монолитна Централна банка, без да се федерализира самата.

Француската влада ги повикува граѓаните повеќе да јадат помфрит отколку месо. Во нова национална стратегија им објаснува дека со постењето ќе бидат поздрави, а во исто време ќе ја спасат планетата од штетните гасови од прехранбената индустрија. Успешноста на стратегијата на Париз најмногу ќе зависи од тоа како земјоделците ќе ги „сварат“ овие препораки.

Канцеларот Мерц ја префрла одговорноста за економскиот пад на Германија врз работниците. Биле мрзи, работеле со скратено работно време и земале многу боледувања. Но, пораката да се угледаат на Грците не само што е навреда за традиционално трудољубивите и продуктивни Германци, туку може да биде ризичен политички потег спроти регионалните избори.

Десничарски партии и политичари во Германија, Белгија и Франција повикуваат на формирање специјални полициски единици што би се фокусирале на проблемот со нелегалната миграција. Во обид да ги запрат овие иницијативи пред да пуштат корен, либералите ги изедначуваат со американската служба за миграција, чии агенти неодамна убија две лица.

Милијардерот Илон Маск предупредува дека САД со ова темпо на трошење нема да можат да го отплатат својот астрономски долг. Единствениот спас од сигурен банкрот им е да го зголемат својот БДП со поагресивно прифаќање на вештачката интелигенција и роботите. Како порачано за новата армија роботи кон која се пренасочува неговата компанија Тесла.

Швајцарците во јуни на референдум ќе се определат дали да го ограничат бројот на жители на 10 милиони до 2050 година. Причините за иницијативата се јасни. За една година преку отворените граници со ЕУ пристигнале 180.000 мигранти, кои ја преоптоваруваат инфраструктурата и го загрозуваат идентитетот. Дури 40% од Швајцарците денес се со потекло од други земји.

Нафтеното богатство на Норвешка ѝ помогна да го изгради својот бренд на глобална хуманитарна и дипломатска сила, пример за просперитетна држава во која се почитуваат законите и во која нема корупција. Објавените документи за Џефри Епстин го разбија сето ова и ја симнаа маската зад која норвешката елита криела лаги, мито и корупција.

На мигранти што оставиле сè и пристигнале во Германија заради попристоен живот, полесно им е да платат неколку илјади евра некој друг да им го положи тестот, отколку самите да го научат јазикот на земјата што ги прифатила и им дала шанса за просперитет. Полицијата разби мрежа за лажно полагање испити по германски, проширена низ целата земја.

Европската комисија смислила план како да ја прими Украина за членка веќе во идната година. Европската Унија е во толку голем зорт од Русија, што би прифатила во свое членство земја која е во војна, која нема ни дефинирана територија, ама затоа има корупција до врвот на државата. Другите кандидати нека чекаат со години во реформи и политички блокади.

САД повеќе нема да го признаваат научното откритие кое го поттикна глобалниот бран политики за „нето нула“ емисии на стакленички гасови. Обама го употреби наодот за да воведе строги мерки за чадењето од возилата и електраните. Поништувањето би можело да им скрати трошоци од над 1.000 милијарди долари на граѓаните и на бизнисите.

Шведската полиција доби широки овластувања за да се справи со уличниот терор и пресметките меѓу бандите со мигрантско потекло. Доби ингеренции и за претреси на малолетниците кои сè почесто беа користени во тие пресметки. Либералите запомагаа дека сето тоа е грозно и дека не ѝ личи на Шведска. Две години подоцна мора да признаат: Па ова функционирало!

На Западот се случува бунт против фамозните „нето-нула емисии“, поттикнат од неодржливите економски трошоци на преамбициозните и агресивно наметнувани таргети. Накратко, луѓето се уморни и од растечките сметки за струја и од хистериите околу климата. Политичките класи стануваат свесни дека се бара преголема жртва денес, за некој далечен и немерлив ќар.