Речиси 40% од работните места кои денес постојат ширум светот би можеле да бидат погодени од развојот на вештачката интелигенција. Таквиот тренд веројатно уште повеќе ќе ја продлабочи нееднаквоста, предвидува Меѓународниот монетарен фонд. Можеби оние што поседуваат само ум и вештини ќе бидат загрозени, но затоа капиталот трие раце.

И корпусот теории на заговор не може да остане на старите добри, „Земјата е рамна,“ „Плавооките луѓе се по потекло од Марс“ или „Ковачевски е од Харвард“. И на тоа поле се потребни новитети, особено кога постојат медиуми што се спремни да ги бустаат. Во случајов, Фокс њуз кој на секој начин пробува да ја пополни дупката во рејтингот која се направи со заминувањето на Такер Карлсон.

Мексиканците се демографски најпотентната група во САД и се очекува следната деценија да ги претекнат црнците. Што заради зголемената миграција, што заради мексиканските шефови како Енрике Олвера, Аарон Санчез, Сандовал и други кои ја популаризираа мексиканската кујна, да прашаш во Америка за мексикански ресторан е како кај нас да прашаш дали во близина има кладилница. 

Автори, креатори и медиумски величини како што е Њујорк тајмс веќе ја тужат вештачката интелигенција дека бесправно го користи нивниот труд заштитен со авторски права, за после да им се курчи на луѓе колку е паметна. ОпенАИ признава дека е така ама замолува авторските содржини да можат да се користат бесплатно барем за обука.

Поглаварот на римокатоличката црква одамна го смета сурогат мајчинството за нехумана практика која е понижувачка и за мајката и за детето. Пред некоја година ја нарече „матка на изнајмување.“ Франциско бара глобална забрана на оваа практика и порачува дека е жално едно дете да постои на основа на комерицјален договор.

Американски новинар решил да пресмета колкав е неговиот личен придонес кон војната и страдањата во Газа. Тргнал од данокот што ќе го плати и да смета колкав е тоа дел од американските пари што се слеваат во израелската држава. Не му испадна некоја голема сума но и толку не му се дава за да страдаат цивили и деца. Така доаѓа до потешкото прашање на кое, за жал, не наоѓа одговор.

Користејќи сателитски снимки и вештачка интелигенција, истражувачи ја мапираа човечката активност на море со поголема прецизност од кога било досега. Се обелодени огромна индустриска активност што претходно не беше детектирана, од сомнителни  риболовни операции до експлозија на енергетски сектор во водите.

На времето, кога беше јак, некогашниот њујоршки градоначалник Руди Џулијани, великодушно се откажа од пензијата која му следуваше, препуштајќи ги парите на градот кој го водеше. Сега кога е рикавела и мораше да прогласи личен банкрот, поштено се кае што дигнал раце од таа добивк, која досега ќе му донесеше околу половина милион долари.  

Џон Клиз им има нагазено на нерв на разни носители на модерното време кое тој прецизно го опиша: „Живееме во време на шупци“. Кансел културата ја надитри со тоа што самиот се откажа од себе (што мора други да те откажуваат?) а со транс-лобито се справи кога им кажа дека сака да е камбоџанска полицајка. Овојпат од него се тригерна големо парче публика - фановите на Трамп. Големо чудо.

2023 година му зададе неколку фини шлаканици на разбудениот капитализам и бизарниот тренд корпорации да им држат лекции на обичните луѓе за „социјалната правда“, климатските промени и другите псевдо-прогресивни каузи. Бад Лајт, Викторија Сикрет, Унилевер и многу други компании почувствуваа дека купувачите гласаат со своите паричници и сменија плоча.

Во 2019 година, екологот Томас Кроутер предизвика глобален тренд за садење дрвја за да се компензираат емисиите на јаглерод. Четири години подоцна, некогаш главниот научен советник за „кампањата за трилион дрвја“ на Обединетите нации се пишмани и апелира до еко-лидерите да се откажат од идеите за масовно садење дрвја.

Бразил троши 13% од целиот свој бруто домашен производ на плати и пензии за државни службеници. Огромен апарат од прилично неефикасни и неретко корумпирани лица кои живеат на државен трошок. Притоа, како и овде, глумат незаменливи, демек извршуваат сериозни државни, градски и управни задачи и операции. Како и овде, не се ни свесни дека во врат им диши ЧетГПТ.

Украинците и Русите во последно време имаат многу малку допирни точки, но една руска телевизиска серија создаде чудна конекција меѓу двата народа. И во двете земји, публиката ја голта серијата, ама и во двете земји, бирократите сакаат да ја забранат. Наша реакција: штом и Украина и Русија сакаат да забранат нешто, тоа мора да се види.

На интернет протече снимка од млад дечко кој се снимал како се буфта во официјалните простори на американскиот Сенат по што брзо отказ од позицијата помошник на еден сенатор. Ок, младост, лудост. Она што ни е поинтересно; дечкото пробува да се позиционира како жртва во целиот случај. А други го јачаат дека тоа неговото било бунтовништво.

После нуклеарната катастрофа се веруваше дека тоа ќе остане трајна црна дупка за живот од секаков вид. Но во последните децении, флората и фауната покажаа извонредна виталност за обновување, а на некои видови им оди и подобро отколку кога таму живееја луѓе. Сега прават и алкохоли од локално одгледан мастраф. Не се радиоактивни, освен ако не претераш, ама тогаш сите ракии се радиоактивни.    

Време е е Боб Гелдоф, Боно и другите прочуени англиски хуманитарци уште еднаш да ја запеат "Do They Know It's Christmas". Овојпат не за Етиопија или слична земја за жалење туку за по дома. Соберете го вкупниот број на жители на Битола, Куманово, Велес, Кавадарци, Кочани, Охрид и Струга, ќе добиете приближен број на оние во Англија кои овој Божиќ нема да го дочекаат со сигурен покрив над глава.

Турција е на пат да ѝ го заземе на Франција второто место како најпожелна дестинација за одмор во  Европа. Причините не лежат во баклавите, ашурињата и другите делиции на турската кујна, ниту во некои новооткриени природни убавини и културни наследства на земјата. Во Турција се оди по здравје.

Кога Хенри Кисинџер почина во цветот на својата старост на 100 години, западните лидери се наредија да го оплачат и да потсетат каков великан изгуби светот. За Џорџ Дуплове Буш тој беше „еден од најубедливите гласови во меѓународната политика“. Тони Блер го нарече „уметник на дипломатијата“ а Борис Џонсон „гигант на дипломатијата и миротворец“. Миротворец?

Сите го слушнале она дека „со парите не можеш да ја купиш среќата,“ па сепак, секој би сакал тоа да го провери на сопствен пример. Една друга гачка вика дека парите не може да ти купат среќа, ама па со нив можеш да ја ренташ. Миленијалците се најубедени дека најсигурен пат до среќата се парите.

Тексашки тинк-тенк (Фондација за јавна политика на Тексас) неодамна излезе со извештај за сите скриени трошоци кои постојат во поседување електричен автомобил, со кои тоа решение излегува значајно поскапо од имање стандардна кола со мотор со внатрешно согорување. Па да ги стават Теслите на плин, ако не?

Пет недели пред да наполни сто години, почина Чарли Мангер, финансиска легенда, со децении десна рака на Ворен Бафет со кого еднаш гоdишно одговараа на прашања, настан што беше познат како „Вудсток за капиталисти.“ Во бакет листата му остана да фати туна од сто кила, а јапиевци да чујат што мисли тој за фамозната ЕБИТДА.

Модерна ангажирала поранешен агент на ФБИ за да ги профилира и за потребата на компанијата да изготвува извештаи за „високоризични“ познати личности - вклучувајќи ги Новак Ѓоковиќ, Илон Маск и Расел Бренд. Зошто и во кој поглед се тие високоризични лица? Затоа што беа критични кон задолжителноста на ковид вакцините.

Некогаш е обратно: патот до добрите намери е поплочен со пекол. Европската комисија проба да избутка благороден закон за заштита на деца од сексуални злоутреби онлајн: во нивно име предложија сите интернет пораки на граѓани на ЕУ да бидат бидат чешлани од Брисел и мрежа невладини кои се бават со темата. И попат заработуваат од набавка на потребниот софтвер.

Иако на глобалниот плебс со години му се наметнува колективна вина околу климатската криза и иднината на планетава, во државните и меѓународните политики поврзани со темата тешко се прелеваат фактите. Еве еден: најбогатите еден процент на светов трујат исто колку долните две третини од светската популација.