Фармацевтската компанија реши да се „оддалечи“ од не-профитниот модел околу вакцината што го практикуваше за време на пандемијата, и потпиша прв договор за продавање на вакцината по цена со пресметан профит.

Во истиот правец во кој тргна цената на јагленот и природниот гас, се движи и цената на нафтата а очекувањата Банката на Америка се дека таа ќе стигне до 120 долари, и сето ова го објаснуваат како последица на борбата против загадувањето.

Во 2016 Калифорнија целосно ја легализира марихуаната меѓу другото и со намера да се создаде една напредна легална регулирана индустрија за одгледување и продажба на марихуана во сите нејзини форми. 5 години подоцна, процената е дека 80-90 проценти од продажбата на марихуана е на пазарот на црно.

Американски молови кои потклекнаа поради е-комерцијата и пандемијата, добиваат нови функции и намени, како магацини и дистрибутивни центри на Амазон. Експерти проценуваат дека 50% од дуќаните базирани во молови, трајно ќе затворат до крајот на годинава.

Како што кампањата на Ши Џинпинг за прераспределување на профитите почна да добива на сила, така кинеските богаташи почнаа да се стишуваат, бришејќи ги своите профили од социјалните мрежи и префрлајќи ги парите на сигурно.

Соочени со опасност дебело да платат отштета и да им изгори цела фирма, Џонсон и Џонсон се реши на еден потег многу познат на балканските транзициони арамии. Ја подели фирмата на два дела и опасниот дел го однесе во банкрот.

Личните богатства на некои од водечките имиња во фармацевтската индустрија пораснаа главно заради скокот на акциите на нивните компании, што се базира на добрата продажба на вакцини низ светот.

Поранешниот советник на Белата куќа, еден од главните преговарачи за мир на Блискиот исток и првиот зет во куќата на Трампови, Џаред Кушнер, е на пат да обезбеди масовно финансирање од Саудиска Арабија.

Се работи за 89% од акциите кои се во посед на најбогатите 10% од населението. Останатите 11% од акциите се распоредени кај овие другите небитни 90% од населението.

Експерти предвидуваат дека во не толку далечна иднина, вашите интернет навики би можеле да решаваат за вашиот личен кредитен рејтинг односно да одредуваат колкав кредит и по која каматна стапка може да ви се даде.

За петдневна терапија со молнупиравир, новиот лек кој се смета за голем напредок во лечење ковид-19, американската влада треба да му плати на Мерк 712 долари. И ова е „цена како за вас“ без разлика што работата на молнупиравир беше финансирана од буџетот на САД.

Идејата е стара десетина години но се враќа секогаш кога Конгресот е заглавен во меѓупартиски клинч околу долговите. Вадиш една кованица од еден трилион долари, ја депонираш во резервите и одеднаш имаш покритие за сè што ти треба.

Американската воена индустрија и нивните контрактори се единствените профитери во црната дупка наречена Авганистан. Во некои периоди имале повеќе контрактори отколку војници на терен (за да обезбедуваат војска дојдена да обезбедува). А каналот воена индустрија - политика, отворен три прста, во двата правца.

Додека се подготвува да почне со производство на целосно електрични возила, Ферари реши да ја ангажира дизајнерската легенда на Епл и човекот кој стои зад некои од најпрепознатливите дизајни на компанијата, Џони Ајв.

Теоријата што ја тестира проектот е дека мајмун со затворени очи да фрла пикадо во извештај од берза ќе има добри резултати како и човек што професионално се занимава со трговија на акции. И така излезе.

Компанијата има стотици илјади станови низ Кина, има и илјадници Кинези кои уплатиле стан кај нив и чекаат, ама има и долг од над 300 милијарди долари, и крајниот исход од сето е многу блиску до банкрот.

Иако единствено понеразумно од ова е Порнхаб да забрани порно, Онлифанс објави дека излегува од бизнисот со порнографија и од 1-ви октомври целосно забранува порно на својата платформа.

Германската компанија се провери уште еднаш и излезе во јавност со официјално зголемување на парите што очекува да ги заработи од продажба на вакцини, плус најави дека ќе почне да ја тестира информационата РНК технологија во борба против рак.

Со супер наслов (Rice, Rice, Baby), британски Гардијан пренесува за еден адет од „новотo нормално“ меѓу Јапонците кои добиле бебе. Гордите родители на блиските им праќаат вреќички со ориз кои тежат исто колку новороденчето и доаѓаат со фотографија од него, за пријателите и членовите на пошироката фамилијата да можат да го земат во раце „малото“ и да го „осетат“ во време на пандемија.

Во историјата на капитализмот не е видено најголемите светски компании да растат онолку колку што последниве неколку години растат технолошките гиганти.

Амазон повторно го заврши кварталот со над 100 милијарди долари (113 поточно), по што инстантно падна вредноста на неговите акции на берзата заради разочарување што приходите биле само толку.

На џиновскиот карго брод му требаа четири месеци за конечно да стигне од Египет до својата дестинација во Ротердам.

Првата фаза од зближувањето на Амазон со криптовалутите е воведување на биткоин плаќања во својата продавница, втората фаза е воведување на сопствена криптовалута, Амазон коин, за која уште од сега се стравува дека ќе може да биде злоупотребена од компанијата и да се користи за исплата на вработени, нешто слично на бонови од Силекс.

Во 2009 пар патики од соработката меѓу Луи Витон и Канје Вест во регуларна продажба чинеа 960 долари. Нешто повеќе од десет години подоцна, истиот овој пар се продава за 10.000 долари.