Конгресот на Ел Салвадор го изгласа законот со кој биткоин ќе биде признаен како платежно средство во земјата, со што стана првата држава во светот која формално прифатила дигитална валута.
Целата тајна е да заработуваш пари, а на нив да не платиш данок, и тоа се постигнува со стратегија во три чекори: купи, позајми, умри. И за сето ова да им успее неопходни се благонаклонети банки.
Човекот што ги има веројатно најразорните твитови за берзата и за криптовалутите веќе неколку години има обврска некој да му прегледува дел од твитовите пред да ги објави и да направи општ хаос.
Ирската филијала на Микрософт минатата година имала профит од 315 милијарди долари, меѓутоа не платила ни долар данок на корпорации затоа што по документи е „резидент“ на Бермудските острови.
Некој приметил дека новите шишиња на сокови кои ги полни Књаз Милош, наместо досегашните 0,5 литри, имаат 0,475 милилитри сок. Компанијата вика дека со новиот дизајн и стариот волумен од 0,5, соковите не би ги собрало во витрините. Хехе.
На 17 години Вики Сарфати влегува во брак со маж кој ќе стане најбогатиот банкар на светот. Пет децении подоцна, таа и нејзините деца се чувари богатството на Сафра градено повеќе од 180 години од три генерации на четири континенти.
Тоа што пред една година го правеше обичниот народ по супермаркетите со тоалет хартија, брашно и средства за дезинфекција, денес на светскиот пазар го прават најголемите глобални корпорации од секоја можна индустрија.
Прво порасна побарувачката на сè и сешто, па пораснаа цените на суровините, и сега пораснаа цените на производителите во Кина. Збирниот заклучок од ова е дека светска инфлација најверојатно нема да има.
Ако некогаш сте на мисла дека сте ја згрешиле професијата што сте ја избрале, дозволете да го ескалираме јадежот - тазе банкари добиваат по 40.000 долари бонус за да не си одат од банката што има пари да им даде 40.000 долари бонус.
Во некои поранешни години Бил Гејтс со неизмерна тага објаснуваше како има толку многу пари што не може да ги потроши ни со упорно донирање на милиони долари. Оваа мака на Бил во претстојниот период колку толку ќе биде олеснета благодарејќи на разводот од сопругата Мелинда.
Истите овие компании што на Западот се во постојана трка по „освестеност“ и политичка коректност, во Кина од страв да не ги антагонизираат тамошните власти и прифатија заложничко размислување.
5 милијарди долари главно не е сума која важи за некое дно, но во пресметките на корпоративна Америка Веризон ги продаде двете компании за само 1% од највисока вредност што некогаш ја достигнале.
Тужбата на Амазон во која се тврди дека пристрасноста на Трамп е причина зошто тие го изгубиле 10 милијарди долари тешкиот тендер за Пентагон, ја мина и последната пречка за да може да влезе во суд.
Заради тромесечје со „сите петки“ по предметот исполнети очекувања, првиот човек на Тесла се квалификуваше за збогатување во износ од 11 милијарди долари.
Што ќе се случи ако грчка компанија кога работи во Македонија изрази загриженост за правата на Грците во нашата земја? Нормално, Заев и Димитров уште еднаш би ни го смениле уставот само за да им направат ќеиф. Во Кина е поинаку.
Заради неспособност да дојде до „сигурна стратегија“ за да осигури навремена испорака на вакцини на членките на Унијата, ЕУ одлучи да поднесе тужба против АстраЗенека.
Кинеската групација за е-трговија е казнета со 2,8 милијарди долари, што берзите го протолкуваа како сигнал дека владата веќе нема да ја замара најголемата кинеска компанија.
Третиот по богатство човек во светот моментално поседува речиси 1.000 километри квадратни обработливо земјиште (сите 10 општини на Скопје се неполни 600 километри квадратни секакво земјиште).
Американската министерка за финансии, Џенет Јелен, предлага воведување на глобален минимален корпоративен данок како САД би можеле да наплатат некоја пара од своите корпорации за финансирање на претстојните огромни расходи.
