Сезона на даноци и корпоративно избегнување на истите

Во 2016 две-третини од профитите што американските мултинационални компании ги имаат направено вон САД се наоѓаат во 6 држави, за кои е карактеристично што имаат ниски или непостоечки даночни стапки. По многу зборување околу ова и протекување на документи за оф-шор компании, последниот обид за прибирање на овие даноци во САД е да им се даде повластена даночна стапка.

Главната фора на која легално се префрлаат парите е исплата на интелектуални права, дали за лого, формула, технологија или што и да е што компанијата го има заштитено.

Пример, компанијата од САД (Гугл, Најк, фармацевтски компании...) правата на користење на своето лого го префрла на компанија од Кајмански острови. Островската компанија потоа на мајката компанија и наплаќа за користење на логото сума која најчесто е горе-долу иста колку профитот. Парите стигаат на сметка на компанијата која се наоѓа во земја без даноци, а во државата со даноци нема профит кој би можел да биде оданочен.

Најуспешни во ова, по енормната количина пари што ја имаат на страна, е Епл, кој во 2017 на сметки вон САД има „паркирано“ речиси 270 милијарди долари.