Заклучокот на анализата на црниот пазар за хакери е дека периодов бизнисот одлично оди и дека никогаш не било поевтино да се украде нечиј идентитет, и ништо од тоа не е вештачко туку се базира на регуларна понуда и побарувачка.

За Гугл сè се развиваше по план со зезалицата за 1-ви април, се додека во текот на денот не им се нафрлија повеќе луѓе кои тврдеа дека денес биле отпуштени од работа заради шегата на Гугл.

Бордот на компанијата е подготвен да го продаде главниот бизнис на Јаху за 10 милијарди долари, а во исто време Микрософт е подготвен да му даде пари на кој и да е што е заинтересиран за купување.

Почетното чувство е дека каква било дебата по социјални медиуми помага само за дополнително закоравување на ставовите, односно дека луѓето сакаат да кажат што мислат, а секое контрирање само им ги засилува ставовите.

По прилично многу драмење, минатата година конечно со оддишка беше прогласена конечната победа на нет неутралноста. Работата беше завршена - никој никогаш нема да смее да приоретизира брзина и проток на сообраќај. Излезе дека наместо како пораз, противниците на нет неутралност ова многу повеќе го сфатија како опомена дека не се потрудиле доволно.

Во неделата се објави информацијата дека 4 извршни директори на Твитер и еден од менаџерите на Вајн си заминуваат од компанијата. ЦЕО-то Џек Дорси на Твитер објави дека директорите "избрале" да си заминат.

На 4-ти февруари студентот Марк Зукерберг го пушта сајтот thefacebook.com исклучиво само за неговите колеги од Харвард. Во септември 2006-та тој го прави достапен за цел САД. Во август минатата година Фејсбук објави дека стигнале до 1 милијарда корисници на ден. Ајде сега назад во 2004-та.

Тоа што секој за себе мисли дека е експерт чиј глас заслужува да биде слушнат, всушност само го прави побезначаен гласот на сите други. Меѓутоа ова е логичната завршница на демократизацијата на културата и ужасниот култ на инклузивност, кој инсистира дека сите мора да егзистираат под истиот чадор на корпоративна регулатива и мандат кој диктира како треба да се изразуваме и однесуваме, пишува Брет Истон Елис во текстот за Њујорк Тајмс.

Гугл лани успеал да блокира 780 милиони таканаречени 'лоши реклами', што е пораст од 50% во однос на претходната година. Настрадале и 25.000 мобилни апликации кои ловеле несакани и случајни кликови.

Еден од најголемите сајтови за детска порнографија речиси две недели бил управуван од ФБИ, и им овозможувал на илјадници посетители да симнуваат фотографии и видеа од владините сервери во предградијата на Вашингтон.

Скот Галовеј е професор по Маркетинг и бренд стратегија на њујоршката Стерн школа за бизнис. Во декември 2014-та човекот храбро предвидува дека акциите на Амазон ќе почнат стрмоглаво да паѓаат. Од тој момент до декември 2015-та вредноста на акциите на Амазон се зголемува за два пати. Без разлика на тоа, човекот знае што збори.

Фејсбук морал да го смени алгоритмот кој одредува што им се прикажува на луѓето заради едно многу мало малцинство корисници: оние кои го користат Фејсбук како да е меил.

Тоа што правото на гнев на интернет е незауздено, не значи и дека тоа секогаш е неоправдано. Вон политичарите, ова се дел од цивилите кои годинава го навлекоа гневот на онлајн граѓанството.

Казахстан го прави она што одамна е "мрачен предмет на желбите" на многу властодршци. Во шифрираната интернет комуникација меѓу две страни, да се отвори простор и за трета. Погодете која.

Еден од главните аргументи околу пиратеријата што активно беше игнориран од крстоносците против неа, е дека таа им овозможува на луѓето да гледаат што сакаат, кога сакаат и каде сакаат. Токму ова е носечката филозофија зад сите стриминг сервиси, кои (таму кај што ги има) почнаа да ја потиснуваат пиратеријата.

Гугл Венчурс годинава ќе ја заврши со инвестиции од 2,4 милијарди долари, во компании за кои не ни помислуваш дека би можеле да бидат поврзани со Гугл, како Убер, Медиум или ТјунИн.

Данци собираат 1.100 свои сограѓани (инаку како нација секогаш во врв на оние листине за среќа, задоволство од живот и слични хепи енд термини) и половина од нив ги замолуваат, во научни цели, под итно да престанат да користат Фејсбук.

Трансакциите на Алибаба ја надминаа границата од 9 милијарди долари во рок од првите 12 часа од попустите на Денот на самците. Само во првите 8 минути по почетокот на попустот купена е стока во износ од 1 милијарда долари. Првиот час го затвориле со 3,9 милијарди долари.

Донекаде слична приказна со познатата сказна на Ханс Кристијан Андерсен, со тоа што овде девојчето не замрзнува на улица.

Првиот човек на Фејсбук оди да разговара со студентите од Индискиот институт за технологија општо околу социјалната мрежа и нивното искуство со неа. Добар дел од разговорот го минува во правдање - да и мене ме вадат од такт нотификациите за игрици.

Апликацијата која крајно успешно го одржуваше сонот за кој сакаш филм или серија во секое време и сето тоа беспари (и нелегално), е комплетно укината. Овој пат не ни наштети полицијата, сами се спукале.

Основачите на Гугл речиси 12 години немаат прозборено со новинари, не затоа што им се нешто лути, туку затоа што со последниот муабет ќе го упропастеле веројатно најголемиот проект на компанијата.

Сметката на Фејсбук за корпоративен данок во Британија за 2014-та, изнесува нешто помалку од 360.000 денари (околу 5.800 евра). За споредба, британски работник со просечна плата од 35.550 евра годишно, плаќа 7.235 евра за данок и осигурување.