Во 2013-та, речиси две години по инцидентот, претставниците на Универзитетот ги ангажираат СЕО консултантите Невинс енд асошиејст на 6-месечен рок по цена од 15.000 долари месечно. Нивна задача е од интернет пребарувачите да се отстранат сите ставки поврзани со инцидентот и да се поправи онлајн репутацијата на Универзитетот. Ова е првата од повеќе вакви компании што Универзитетот ги ангажира.
Информацијата за зделката ја објавува весникот Сакраменто Би по прегледување на финансиските документи на Универзитетот. Според нив сумата од 175.000 долари е минимумот за кој можат да потврдат дека е платен за оваа услуга.
"Бројките на Универзитетот Калифорнија, Дејвис покажуваат дека буџетот за стратешки комуникации им се зголемил од 2,93 милиони долари во 2009-та на 5,47 милиони долари во 2015-та," објавува весникот, појаснувајќи дека од оваа ставка од буџетот се платени консултантите за СЕО.
