Фејсбук има донирано за кампањите на 46 од 55-те членови на конгресниот комитет што следната недела ќе го сослушува Марк Зукерберг околу целото нарушување приватност што го прави неговата платформа.

Една од главните основи на незаменливоста на Фејсбук, и покрај целото гнасење од него, е што тој не остави со што да биде заменет.

Големиот подвиг што Фејсбук го презема по актуелизирањето на неговата улога во изборите во САД и брегзит, е да не им дозволи на огласувачите да користат податоци од трети страни за таргетирање на своите реклами на Фејсбук. Значи и понатаму ќе можат да користат вакви податоци, само тие ќе треба да доаѓаат од Фејсбук, а не од други компании што се занимаваат со собирање лични податоци.

Иако начините на кои се користат личните податоци на интернет корисниците се далеку од поимливи како за обичниот така и за напредниот корисник, во одбрана на големите социјални мрежи и пребарувачи треба да се каже дека тие најчесто нудат преглед на податоците што ги имаат за вас. Од време на време може да проверите.

Годинава на закупување реклами на интернет ќе бидат потрошени 40 милијарди долари повеќе отколку на закупување реклами на телевизија. 2017 беше прва година во историјата кога на интернет беа потрошени повеќе пари на реклами отколку на телевизија. Прва година во светот.

Ништо од она што се случува со Фејсбук не оди во корист на вредноста на акциите на компанијата (без разлика дали закажано или не, продажбата на акции од Фејсбук од страна на Марк Зукерберг ни најмалку не помогна), она што може да ја влоши целата работа е ако големите компании престанат да купуваат реклами на социјалната мрежа, а почнаа да се откажуваат.

Додека сезоната за лов на Фејсбук и понатаму е во најголем ек како никогаш до сега, се продолжува со лепењето на „застарени дела“ на социјалната мрежа. Овој пат, тоа е дека тие ги собирале сите информации за испратени и примени пораки, и телефонски разговори од твојот смартфон.

Ако има книга за врски што несвесно е напишана за Фејсбук, тоа е „Too Good to Leave, Too Bad to Stay“, пишува Мери Елизабет Вилијамс во Салун, опишувајќи ја својата токсична врска и проблемите со раскинување со најголемата социјална мрежа.

На Фејсбук во секој момент активно роварат илјадници апликации од надворешни компании чија единствена задача е да соберат што е можно повеќе лични податоци од корисниците на социјалната мрежа, за истите, најчесто, повторно да бидат искористени на Фејсбук. Гревот на Кембриџ аналитика е што овие податоци ги искористи во корист на брегзит и Трамп.

Во ни најмалку коректен потег ЦЕО-то и основач на Фејсбук, Зукерберг на две недели пред да избие целиот скандал и револт против неговата платформа, продал 1,14 милиони свои акции во компанијата (вредност од околу 200 милиони долари). И тоа се само од овие две недели.

На 25-ти мај во ЕУ на сила стапува новиот закон кој го ограничува начинот на кој се собираат и на кој се ракува со личните податоци на интернет. Насловот му е ГДПР (General Data Protection Regulation) а целта му е интернет корисниците многу јасно да разбираат и да се согласни околу собирањето податоци за нив.

Апликацијата за енкриптирани пораки го изгуби случајот и пред Врховниот суд на Русија, во кој се обидуваше да ги оневозможи безбедносните служби во земјата да имаат пристап до пораките на нивните корисници.

Зачетокот на цивилизациската промена е дело на тим од 5 луѓе што за 3 часа програмирање успеа да направи Вордпрес плагин.

Откако Гардијан објави репортажа за тоа како Кембриџ аналитика ги искористил легално достапните податоци од Фејсбук во корист на кампањата за брегзит а потоа и за Доналд Трамп, реакцијата на Фејсбук беше да ја суспендира Кембриџ аналитика.

Еден од изненадувачките факти околу интернетот е дека интернетот не е само Фејсбук. Уште поизненадувачки е дека на интернет има сајтови кои стручно се бават со - наука. Екипата на Лајв саенс состави сопствен список од научни веб-страни кои секој ден ги посетуваат и читаат.

За малку да го олабават притисокот дека компанијата е виновна за половина од сите проблеми во општеството, како и заради борба чисто против „малвер и фишинг измами“, Гугл минатата година има блокирано 3,2 милијарди реклами.

Писмо од Славорум, веб-сајт и Фејсбук страна кои, главно со хумор, се занимаваат со животот, културата и суб-културите на Словените, слично како што ние тоа го правиме во македонштина/балканштина. Објаснуваат како добиле прво 3, па 7, па 30 дена забрана на Фејсбук. Нема зезање со левица.

За годинава Нетфликс планира снимање на речиси 700 оригинални серии, вклучувајќи и 80 кои ќе бидат снимани во САД, плус 80 филмови.

Експериментот во кој вестите добија посебен таб и беа иселени од њуз-фидот ќе биде прекинат од Фејсбук по сериозната опозиција и критики на темата. За почеток експериментот беше спроведен врз публиката од 6 држави.

Во 72 земји во развој годинава ќе биде укината програмата на Википедија која дозволуваше сурфањето на бесплатната енциклопедија да не се брои во месечниот лимит за мобилен интернет.

Го знаете она кога ќе ви текне да тркнете до некој сајт да ѕирнете што има или да утепате време. По новите регулативи на ЕУ тоа ќе биде тешко,бидејќи пред да ви се отвори сајтот, ќе треба да се изнакликате формулари за давање согласност дека ви се јасни работите.

Укинувањето на нет-неутралноста може да се гледа и како момент за помирување со реалноста: интернетот, од инфраструктура до апликации, не е изграден за нас (за потрошувачот).

Горе-долу стандардна канцелариска столица деновиве на Амазон беше понудена за 1 милион долари. Склопувањето на столицата чини дополнителни 85,49 долари.

За седум години војна во Сирија загинаа стотици илјади луѓе, се раселија и домот го загубија десетици милиони луѓе. Тоа што војната изгледа како да привршува, не значи дека на овие десетици милиони раселени и бегалци што било им е решено.