Еден од изненадувачките факти околу интернетот е дека интернетот не е само Фејсбук. Уште поизненадувачки е дека на интернет има сајтови кои стручно се бават со - наука. Екипата на Лајв саенс состави сопствен список од научни веб-страни кои секој ден ги посетуваат и читаат.

За малку да го олабават притисокот дека компанијата е виновна за половина од сите проблеми во општеството, како и заради борба чисто против „малвер и фишинг измами“, Гугл минатата година има блокирано 3,2 милијарди реклами.

Писмо од Славорум, веб-сајт и Фејсбук страна кои, главно со хумор, се занимаваат со животот, културата и суб-културите на Словените, слично како што ние тоа го правиме во македонштина/балканштина. Објаснуваат како добиле прво 3, па 7, па 30 дена забрана на Фејсбук. Нема зезање со левица.

За годинава Нетфликс планира снимање на речиси 700 оригинални серии, вклучувајќи и 80 кои ќе бидат снимани во САД, плус 80 филмови.

Експериментот во кој вестите добија посебен таб и беа иселени од њуз-фидот ќе биде прекинат од Фејсбук по сериозната опозиција и критики на темата. За почеток експериментот беше спроведен врз публиката од 6 држави.

Во 72 земји во развој годинава ќе биде укината програмата на Википедија која дозволуваше сурфањето на бесплатната енциклопедија да не се брои во месечниот лимит за мобилен интернет.

Го знаете она кога ќе ви текне да тркнете до некој сајт да ѕирнете што има или да утепате време. По новите регулативи на ЕУ тоа ќе биде тешко,бидејќи пред да ви се отвори сајтот, ќе треба да се изнакликате формулари за давање согласност дека ви се јасни работите.

Укинувањето на нет-неутралноста може да се гледа и како момент за помирување со реалноста: интернетот, од инфраструктура до апликации, не е изграден за нас (за потрошувачот).

Горе-долу стандардна канцелариска столица деновиве на Амазон беше понудена за 1 милион долари. Склопувањето на столицата чини дополнителни 85,49 долари.

За седум години војна во Сирија загинаа стотици илјади луѓе, се раселија и домот го загубија десетици милиони луѓе. Тоа што војната изгледа како да привршува, не значи дека на овие десетици милиони раселени и бегалци што било им е решено.

По сè што му накалемија за и околу изборот на Трамп, Зукерберг одлучи дека решението на проблемот не е во тоа подобро да се контролира содржината што се објавува, не е да се води контрола кој што содржина рекламира, не е да се внимава на насилство и малтретирање на Фејсбук (по идеолошки или какви било други основи), туку да го намали бројот на вести од медиумите што стигаат до нивните фанови.

Правејќи анализа на експозето на Њујорк тајмс околу лажните Твитер следбеници и индустријата што ги продава истите, поентата на Иан Богост од Атлантик е дека се додека Твитер твојата вредност ја мери со суви бројки, секој следбеник врши работа без разлика дали е лажен или не.

Моментално во Берлин и во Есен над 1.000 луѓе по цел ден ги чешлаат содржините објавени на Фејсбук, и ги требат најодвратните или по која било основа недозволени текстови, видеа и слики што се постираат таму. Сведоштвото на еден поранешен вработен во овие центри Сидојче цајтунг го објавува под горниот наслов.

Благодарејќи на упорноста на Гугл да прошверцува некаков вид на следење во своите производи или апдејти, и тоа да го објасни дека е за твое добро или за поквалитетно искуство со мобилниот, компанијата има повеќе податоци за своите корисници отколку што тие мислат или сакаат да веруваат. Овие податоци можат да се користат за подобро рекламирање, ама подеднакво и ако им затребаат на властите.

Во 2014, кога излегува Анимал амбишн, Куртис Џексон ака Фифти цент, дозволува новиот албум да биде купуван и со биткоин. Во тоа време вредноста на биткоинот е неколку стотини долари.

Бидејќи се под константнa и сè поголема бламажа дека се главен канализационен одвод за лажни вести и црна пропаганда, Фејсбук мора да покаже дека нешто прави со тој проблем. Генијалците смислиле - анкета. Со вкупно две прашања. 

Сржта на технологијата на која се базираат крипто-валутите, блокчејн, е во анонимноста на нивниот сопственик, односно сите трансакции се јавни ама се поврзани само со електронски адреси, а не со име, презиме, матичен или даночен број. И ова е значаен дел од привлечноста на блокчејн технологијата.

Со тоа што 70 од глобалното копање биткоин отпаѓа на Кина, таа е најважната земјата за секојдневното функционирање и цена на крипто-валутата. Од ваква позиција Кина има намера да го укине копањето биткоин кај нив дома.

Во нешто што наликува на сценарио од следната сезона на Black Mirror откриено е дека Фејсбук знае како да те следи користејќи ја прашината на камерата на твојот смартфон.

Британските парламентарци и останатите вработени во британскиот парламент на секои 9 минути имале обид да гледаат порно на своето работно место, покажуваат новите бројки од тамошниот законодавен дом. Нивната верзија е дека ова не било намерно.

Овој „криминал“ со години главно беше резервиран за апликации што со часови седат вклучени на вашиот компјутер (здраво Ми-торент) кои собирајќи делови од процесорската моќ на милиони свои корисници, копаа биткоин за своја сметка. Есенва криптоџекинг стана крајно популарен и за веб-страните.

Хром моментално е најпопуларниот браусер на која било група уреди, десктоп, лаптоп, таблет или мобилни. И ако на почетокот на ширењето на својата доминација Гугл гледаше да ги следи веб-стандардите, моментално неговите услуги ги игнорираат овие стандарди и ги тераат луѓето да користат Хром. Нешто слично како Микрософт и ИЕ6 во 2000-те.

Од 1-ви јануари во Германија почнува да важи законот со кој социјалните мрежи се одговорни ако во рок од 24 часа не отстранат говор на омраза, лажни вести и нелегален материјал од своите платформи. И тоа по 50 милиони евра одговорни за секој ваков пост.

Чамат Палихапитија е меѓу најраните вработени на Фејсбук, а подоцна станува и директор во компанијата, пред да одлучи дека има доволно пари за да ја напушти и да оформи сопствен инвестициски фонд. Денес не само што е разочаран од тоа во што се претворил Фејсбук туку и искрено е уплашен.