Како и вообичаено сопствениците на Амазон стор картичка добиваат попуст и за овој производ, па нив столицата ќе ги чини 999.960 долари. За членовите на Амазон прајм следува и бесплатен превоз.
Производот има и добри рецензии, па еден корисник пишува дека столицата вредела што ги дал и двата бубрези за нејзе, додека друг пишува дека е „одлична зделка“ додавајќи „не можам да се оттргнам од столицата уште од денот кога ја купив. Порано имав куќа, сопруга и кола, сè продадов за да го купам ова. Тотално вредеше.“
Иако се уште не е јасно како канцелариското столче од Хјуманскејл достигнало милионска сума, Амазон ја коригирал цената откако бил известен за пропустот. По ново, цената е 1.361 долар.
Ни на производителот на столицата не му е јасно од каде нивниот продукт се нашол на Амазон, бидејќи тие не ставаат свои производи на сајтот. Најскапата столица од Хјуманскејл чини 3.174 долари.
