Шарените од БЛМ ги толерираа додека демолираа градови, ама затоа на овие што ги симпатишат камионџиите им пуштија коњица. Не беше бадијала, успеаа да прегазат  - баба. Истовремено, нивното МНР твиташе во одбрана на протестните права во Куба. Неверојатни времиња за живеење.

Вон сите очекувања, на неколку дена пред 15-годишницата на власт, претседателот Гурбангули Бердимухамедов објави вонредни претседателски избори во Туркменистан на кои ќе се кандидира син му.

Директорка за комуникации во министерство од регионалната влада во Онтарио останала без работа откако ѝ бил откриен смртен грев: дала 100 долари за камионџиите.

500.000 Италијанци постари од 50 години остануваат без работа, односно им се забранува пристап до работното место доколку не приложат доказ за вакцинираност, откако стапи на сила една од најригорозните анти-ковид мерки на светот. Италија денес е вакцинирана 88% а смртноста не била толку висока од пролетта 2020 година.

Како и сите други, и изненадувачки големо мнозинство од демократите, побарале истрага против Хилари Клинтон, на анкета правена дури и пред да се објави последниот извештај на Дурам за Хилари и хакирањето на Трамп.

Законот од 1980-те кој е наследник на многу постариот Закон за воени мерки ќе биде употребен за прв пат во историјата на Канада и тоа против луѓето кои со мирни блокади го изразуваат своето противење на владините ковид мерки.

Во обид да се извади конекција меѓу Трамп и Русија, кампањата на Хилари ангажирала и платила американски ИТ експерти за хакирање и следење на серверите што ги користи Доналд Трамп, прво во кулата Трамп (каде што е неговата канцеларија) а потоа и во Белата куќа.

Швајцарските власти објавија оглас за волонтери што би сакале да тестираат еден нов затвор што се отвора во Цирих. Претходно искуство не било предуслов на огласот.

Анализа на тоа до што доведе некогаш клучниот слоган на американските протести за дефундирање на полицијата, еквивалент на овдешниот „Нема правда, нема мир.“ Сега таму размислуваат како полицијата да се „рефундира.“ Овде е поинаку, овде дојде правда.

Канадските камионџии дојдоа и од крајот на јануари ја имаат опседнато Отава (меѓу другите градови) во својата борба против задолжителното вакцинирање. Полицијата константно се труди да ги избрка камионџиите, локалци константно се трудат да ги поддржат камионџиите.

На Борис Џонсон периодов му се собраа доволно негативни поени во јавност што дури и дел од неговите сакаат да го „кенселнат“ од премиерската позиција, а нему пак не му се остава Даунинг стрит 10.

Богатите жители на њујоршки Хемптонс се жалат дека нивните блесаво богати соседи немаат никаков осет со тоа приватните хеликоптери и авиони, и константно им го одмилуваат престојот дур се таму.

Руските граѓани од 1. февруари преку веб-страна можат да одберат кој хектар (10.000 метри квадратни) од арктичката зона на Русија сакаат да го поседуваат. Освен државјанство, единствен предуслов е да се спакуваат и вистински да заминат таму.

Запад не престанува да проценува и да опишува како ќе изгледа војната во Украина. А прогнозите се лоши за Украина, Киев, Зеленски и најмногу - како и во секоја војна - за цивилите. Би имало 50.000 жртви и милионски бегалски бран.

Инспирирани од канадското движење, европски камионџии планираат да го реплицираат „Конвојот на слободата“ во своите земји, собирајќи се во главните градови на државите во кои живеат. А потоа сите заедно да кинисаат на Брисел.

Исходот од американската акција во Сирија е мртов главен лидер на ИСИС, ал-Кураши, соборен американски хеликоптер и уште десетина мртви цивили меѓу кои жени и деца.

Регионални власти во Канада најавија повлекување од серијата рестрикции со кои се планираше да се спречува новиот бран на пандемијата. Квебек и уште четири провинции планираат да олабават со замислените мерки, откако протестот на камионџиите и нивниот „Конвој на слободата“стана пошироко движење за враќање на граѓанските слободи и нормалноста.

По линија на посиромашниот попушта, Ротердам одлучи да демолира еден постоен мост за јахтата на Џеф Безос да може да излезе од пристаништето во градот.

Портпаролот на кинеското министерство за надворешни работи не ја престанува својата кампања на тролање на американските власти и општо западот, главно со мемиња и клипови што наликуваат како да се симнати од екс-Ју Вибер и Фејсбук групи.

Цела њујоршка полиција излезе и наредена рамо до рамо како фаланга по тамошните авении се поздрави со Џејсон Ривера, еден од двајцата полицајци кои беа убиени дур решаваа пријава за семејно насилство во Харлем.

Сижето од телефонскиот разговор е: Бајден не може да го убеди украинскиот претседател дека Русија во секој момент ќе нападне, Зеленски не може да го убеди американскиот претседател дека работите не се толку црни како што тоа нему му изгледа.

Канадските камионџии го минаа Онтарио и продолжија кон Отава, решени да ја блокираат Владата додека не им бидат вратени слободите, односно не се укине задолжителноста на вакцините за сите кои ја минуваат границата. Многу ги има.

На Британија и на ЕУ не може целосно да им се верува во судирот со Русија бидејќи и двете страни се „толку многу компромитирани со руски пари“, е предупредувањето од американскиот ЦАП.

Пандемиските мерки што беа воведени за намалување на страдањата на германскиот народ, ја чинат германската економија околу 350 милијарди евра, проценува Германскиот Економски Институт (IW) од Келн.