Глобалната мрежа за копање биткоини троши струја колку цела Унгарија. Тоа станува растечки еко- проблем а обвноивливите извори на енергија не би можеле да ги решат проблемите кои ги предизвикува, и во потрошувачката на струја и во зголемувањето на електронскиот отпад.

ВД градоначалник на едно место во Флорида е уапсен и однесен во притвор, неполн месец откако го замени претходниот градоначалник, кој беше уапсен.

Нема многу во оваа вест, освен ова што го ставивме во насловот а ни се чини како некоја напушена космичка иронија вредна за споделување.

Би-би-си вонредната вест за гласањето за брегзит ја објави како „спектакуларен пораз за Тереза Меј“. За разлика од нив, европските медиуми само сакаат да заврши сето ова.

Се знаеше дека загадениот воздух убива но сега е утврдено дека убива двојно повеќе отколку што претходно се проценуваше. Главниот убиец има пречник од 2,5 микрометри.

Конзервативци од разни провиниенции долго време тврдат дека антропогените климатски промени (оние кои се предизвикани од човечкиот фактор)  се плод на политичка дисторзија на климатските науки. Оваа аргументација добива неочекуван сојузник, во ко-основачот на Гринпис, доктор Патрик Мур, кој оценува дека се работи за кампања на страв која се одржува со дебели државни грантови.

Жената што на грб го навлече гневот на сопствената партија, Илхан Омар, заради коментари околу Израел сега му се сврте на убедливо најобожуваниот лик кај Демократите, за гревовите од неговиот мандат.

До сега во портфолиото од првиот мандат од владеењето на Макрон има: критика од О.Н. за користење на претерана сила против демонстрантите, предлагање серија закони за потиснување на демонстрациите, растурање дисидентски мрежи, промовирање „официјална вистина“ и потиснување на содржините на социјалните медиуми.

Жители на еден од побогатите делови на Менхетен тужат локален секс-шоп затоа што домот им е поплавен од што локалот има работа.

На хемискиот концерн кој пред некое време беше купен од германски Баер не му е првпат да седнува на обвинителна клупа. Но овојпат случајот е битен бидејќи може да се користи како правен преседан кој ќе ослободи лавина од 9.300 тужби.

Веќе следната година би можеле да бидат воведени револуционерни промени во европскиот сообраќај. Се предвидуваат задолжителни цртни кутии, звучни предупредувања за пречекорување на брзината, системи за автоматско кочење и детекција на пешаци и велосипедисти. Сам да не си правиш технички преглед, таа лекција им нема влезено во радар.  

Една вест од Омаха, Небраска, пред едно 110 години, вели дека анти-грчки немири го вознемириле градот. Расистичките немири се вообичаени за тоа време, но првенствено против црнечката популација (повеќе за тоа во романот и филмот "Регтајм"). Само што, населенито на Омаха и не правело голема разлика меѓу Грци и црнци.

Електраните на јаглен во западен Балкан се сериозен здравствен и економски проблем за цела Европа. Мртвите се бројат во илјадници, штетите во милијарди евра. 16 балкански термо-електрани, во една година испуштаат сулфур диоксид повеќе од сите 250 термо-електрани во ЕУ.

Уште е рано ама и сега изгледа дека за идните историчари 2016 ќе биде почеток на нов циклус во меѓународната историја. Лошата вест е што овие циклуси во просек знаат да траат по 30 години.

И покрај претстареноста на ликовите, веста е тазе а во неа ќерката на личниот секретар на Мао се побуни против намерата на кинеските власти да го погребаат татко и на место за одделено за највисоките кинески функционери.

"Не можеш да знаеш кој каква и колкава улога има во животот на твоето дете додека не ги запознаеш и неговите дигитални пријатели," вели еден татко чиј сериозно хендикепиран син починал, а тој и мајката немале идеја дека за него свеќи се палат во цела Европа.

Анти-муслиманските предрасуди изминатиов период ја заменија имиграцијата како главна основа за раст на крајната десница во Британија. Моментално барем една третина од жителите на британскиот остров веруваат дека Исламот е закана за британскиот начин на живот.

Без разлика што двете држави немаат никаква сличност во однос на пари и моќ, ЕУ имаше слична стратегија за справување и со двете. Со таа разлика што за Грците, планот остана во фиока.

Меѓународниот совет за чист транспорт (ICCT) ја проверувал цената на набавката, горивото и даночните трошоци на најпродаваното европско возило, Голфот на Фолскваген, во сите негови варијатни: електрика, хибрид, плин и дизел варијанта. Во рамка од 4 години, електричниот Голф испаѓа најевтин во пет европски земји.

Марк Галеоти е автор и експерт на тема руска политика и криминал, чија главна порака од сета таа експертиза е дека Западот комплетно погрешно го има протолкувано Путин како и комплетна Русија.

Потребно е историчари да излезат на телевизија и да објаснат што се случува, затоа што кога беше економската криза само економисти беа интервјуирани на ТВ, а ова се токму истите луѓе кои не видоа дека кризата надоаѓа, порачува историчарот кој направи организаторите на Светскиот економски форум да се пишман што воопшто го поканија.

Група феминистки и академици ја предупредуваат шкотската влада дека нивното „месечарење“ кон пообемни права за трансродовите лица води кон „значителна ерозија на женските права“.

Човекот кој ги организира вечерите на Путин со лидери како Џорџ Буш помладиот, на своето резиме има и раководење со некои од најексклузивните ресторани во Русија, како и раководење со Агенцијата за истражување на интернет, исто така позната и како „фабрика за тролови“ која се вмеша во американските избори во 2016.

Ако до пред некое време сиромашната арапско-африканска тајфа која наспроти сите шанси успева да стигне до европските брегови беше осудувана и презирана од арогантнатa Европа како носител на болести и криминал, сега на истиот список непожелни истата оваа Европа ги надена и ултра богаташите од овие, или кои било, краишта.