Напишан во 1956, „Балет на лепрозните“ ќе биде издадена заедно со други кратки раскази и радио драма од почетокот на кариерата на Коен.

Кога ќе се каже „поп ѕвезда“ обично пред очи доаѓаат Боуви, Принс, Адел. Соло изведувачот и композитор, познат по своите мелодии и стихови, е столбот на популарната музика. Прв, или меѓу првите такви во светот бил човек чие име денес е подзаборавено.

Учествуваат на аудиции. Плаќаат даноци уште од првата година. Добиваат критики за своите улоги. И не ги бркаат од сет кога ќе ги наполнат пелените. Штета што најверојатно нема ни да се сеќаваат на овие искуства. 

Селото се вика Дафен, се наоѓа во јужна Кина, и повеќе од 20 години е во центарот на глобалната трговија со уметнички репродукции. Според уметниците, најевтини, затоа што се наводно најлесни за правење, се делата на Ван Гог, а најскапи се нео-класицистите.

Kога пред неколку години една 81-годишна госпоѓа успеа да се искачи на 26-метарски столб и да изведе акробатска точка, сето тоа без сигурносна мрежа, многумина се прашаа - од каде искрсна оваа жена? Она што тие не го знаеа е дека нејзината дотогашна кариера траела цели седум децении, и дека таа е меѓу ретките преживеани од нејзиното семејство, чии членови често страдале од падови при изведба на слични точки. Преживеале, и старост дочекале само оние кои по пат се откажале. Освен Карла. 

Матеј е „наше дете“, растен во Скопје, образуван во САД, денес со своја продуцентска куќа во Лос Анѓелес. Најнова вест поврзана со неговата работа е вклучување на песната Аbout That Time во изведба на THEY., продуцирана од негова страна, во саундтракот на најпопуларната Нетфликс серија во моментов, Inventing Anna. Повод да му поставиме неколку прашања, за неговите музички вкусови, разликата помеѓу сцените на Балканот и во Америка, и што е она што му недостасува од татковината.

Денешниот датум е двојно редок, не само затоа што може да се чита исто нанапред како и наназад, туку и нагоре и надолу. Во 21 век има 29 палиндромски денови во европскиот формат на ден-месец-година. Првиот беше на 10 февруари 2001, а последниот ден ќе падне (да сме здрави-живи) на 29 февруари 2092. 

Најчесто се спомнува во контекст на ментално здравје и обидите да не се одложуваат обврските. Иако звучи неповрзано, овој ефект се користи и во телевизискиот бизнис, создавајќи ни чувство на „недовршеност“ ако не ја изгледаме серијата или програмата до крај, прекинувајќи ја со доволно возбудливи „клифхенгери“.

Нова студија на поствоено истражување во САД, кога стотици луѓе намерно биле заразувани со жолтица, е шокантно но и значајно за ерата на ковид. Траело цели триесет години, а вклучувало припадници на стигматизирани групи - затвореници, ментално болни и оние кои не сакале да одат во војска. 

Царските архиви во Токио содржат различни медицински совети за долговечност. Меѓу нив и такви кои имаат врска со суптилната уметност на спалната соба. Запомнете го бројот десет.

Фразата која се состои од седум ноти е користена во бројни поп и џез мелодии. Но може да се најде и на почудни места, како во класични дела, поп и рап хитови. Како кога некоја говорна фраза ќе фати корен и луѓето ја употребуваат дури и несвесно, така и „лик“-от изгледа дека е насекаде.

На египетската и другите древни цивилизации гледаме како на култури на надлуѓе, кои немаат голема врска со нашите актуелни и секојдневни предизвици. Освен ако не сте од оние кои сметаат дека станувало збор за вонземјани, Еѓипјаните биле во голема мерка како нас. Требало да работат, а понекогаш едноставно не им бил денот.

Откако беше купена од Њујорк Тајмс за дебела сума, мега-популарната зборовна сложувалка ги исфрли „неподобните“ од своите редови. Со ова само се потврди дека промени во слободниот концепт по продажбата сепак ќе има, иако оние кои го критикуваа потегот тогаш повеќе мислеа на реклами и спонзорства.

Новица Никиќ за вработените и за посетителите на белградскиот театар Атеље 212 е легендарен лик. Во бифето поминал цели 45 години, и не се сеќава на полошо време од ова со коронава. Плус, кај се видело актери да пијат цедени сокови. 

Вториот роман од серијата за Шерлок Холмс, „Знакот на четворката“, објавен во 1890, почнува со тоа како големиот детектив отпакува поткожна игла од својот несесер, си го поткрева ракавот и се подготвува да си стави инекција. „Кокаин“, му вели тој на љубопитниот доктор Вотсон, „седумпроцентен раствор. Сакаш?“. Така станува најпознатиот фиктивен лик - корисник на оваа дрога.

Христијанска религиска заедница со потекло од Велика Британија, била позната по тоа што доживувала епизоди на „тресење“ по целото тело од верски занес во текот на проповедите. Пристигнале во САД во 1774, и не биле пречекани со ентузијазам. Една од причините било нивното отфрлање на бракот и телесните задоволства воопшто.

Доколку користите каква и да е апликација за слушање музика, алгоритамот за кратко време почнува да ви го учи вкусот, па во еден момент изгледа како тој/таа/тоа да ве познава повеќе од некои реални луѓе. Но дали групирањето на одредени бендови и жанрови навистина го отсликува нашиот карактер? Дали психолог би можел да направи проценка на типот на личноста само врз основа на плеј-листа?

„Рачно правена“ е веројатно намерна игра на зборови во наслов на книга на Лиза З. Сигел од 2020, која се рекламира како „прва историја на американската ракотворена и домашно изработена порнографија“. А не дека нема таква и кај нас. 

Истото она што ги тера луѓето да се јавуваат на отворените телефонски линии во телевизиските програми каде дури и водителот ги слуша со половина уво, ги тера и постојано да коментираат под туѓи постови, без оглед на темата. Некои луѓе едноставно се чувствуваат обврзани да имаат став и мислења за сите горливи прашања, и нив да ги искажат во форма на неконструктивно мрчење.

Од амбалажа за благца до пакетчиња нудли, професор Канг Донг-ван собира отпад кој се трупа на брегот на Јужна Кореја, а морето го носи од онаа Северната. Притоа, она што го наоѓа разбива стереотипи, но и укажува на еколошки и други проблеми за кои малку се зборува кога се во прашање овие две земји.

Бабичка од Чикаго била спасена од 17-часовно заложништво откако полицијата била алармирана врз основа на една загрижувачка околност: жената не го испратила на ќерка си својот дневен резултат на играта, нешто што никогаш не пропуштала да го стори. 

Станавме резистентни на толку честите изјави за крајот на светот, кој до сега требаше сто пати да исчезне, сосе нас во него. Но разликата помеѓу ваквите предупредувања денес, и оние од минатото, е што порано јазот помеѓу оние кои се повикувале на натприродни сили и оние кои сметале дека апокалипсата ќе се должи исклучиво на човекот не бил толку голем. Напротив - во групата на првите имало и големи научници.

Новиот филм на мексиканскиот режисер со Бредли Купер, Кејт Бланшет и Руни Мара црпи од два извора: крими роман од 1946 и првиот филм снимен според неа од 1947. Вистинските кошмари на авторот на книгата се убедливо преточени во „ноар“ приказна, која во реалниот живот завршила подеднакво мистериозно.

Се вика „Кампања за Северна Африка“ и е единствена игра во својот жанр, а тоа е - ептен долга. Не само што ако се игра два пати неделно по три часа би биле потребни дваесет години за да се заврши, туку со оглед на димензиите на таблата, и тоа што е за десет играчи, работата си бара и да се изнајми цела кафана.