Bookbox › Набрзинка

Почина легендарната актерка Меги Смит

27 септември 2024

Славната британска актерка Меги Смит почина денес на 89-годишна возраст. Таа е единствената Британка која има добиено Оскар за најдобра главна и за најдобра споредна улога.
Најмладата публика денес ја знае како строгата, но правична професорка Мегонагал во серијалот филмови за „Хари Потер“. Забележително беше и нејзиното учество во серијата „Опатијата Даунтаун“.
На 23-годишна возраст играла во „Отело“ со Лоренс Оливие, и за таа улога е номинирана за Оскар. Четири години подоцна ја освоила статуетката за главна улога во филмот „Најдобрите години на госпоѓица Џин Броди“, а потоа и во „Смртта на Нил“ според романот на Агата Кристи. Имаше титула лејди.

17 февруари 2025

Оваа недела, 16 февруари, во културниот центар Лабораториум се одржа Државното првенство во популарната друштвена игра „Катан“, организирано од „Гоблин друштвени игри“.
На првенството учествуваа 64 натпреварувачи, со амбиција да станат државен првак и да ја претставуваат Македонија на Светското првенство коешто ќе се одржи во Штутгарт (Германија) од 4-6 април.
Победникот на државното првенство и претставник на светското првенство во друштвената игра Катан за 2025 е Давид Јанев, којшто постигна одлични успеси од коло фазите, па се до финалето.

Види претходно:
„Катан“ - игра за цел живот од Бенџамин Блекнер
Букбокс интервју со победникот од 2023
Почина Клаус Тојбер, креаторот на „Катан“ (2023)

17 февруари 2025

Ватиканскиот трилер „Конклава“ на германскиот режисер Едвард Бергер со Ралф Фајнс во главната улога ја освои наградата за најдобар филм на 78-то доделување на наградите на Британската академија за филмска и телевизиска уметност (БАФТА) вчера вечер (16.02) во Лондон.
Американецот Брејди Корбет вечерва ја освои наградата за најдобар режисер за филмот „Бруталист“, тричасовна приказна за архитект кој го преживеал холокаустот, кој го игра Адриен Броди.
Броди ја освои наградата за најдобар актер, а наградата БАФТА за најдобра актерка и припадна на актерката Мики Медисон (на фотографијата, EPA Images) за нејзината улога во филмот „Анора“.
Мјузиклот „Емилија Перез“, кој беше еден од фаворитите, освои две награди – за најдобар странски филм и за најдобра споредна женска улога, која припадна на актерката Зои Салдана.