- Струмичката библиотека започна иновативен проект насловен „Библиотека на тркала“, во кој се вклучени волонтери. Тие со електрични велосипеди разнесуваат книги до повозрасни, болни и изнемоштени лица, како и лица со хендикеп.
- Целта на проектот е да ги направи книгите достапни за сите читатели, особено за лицата кои немаат можност физички да ги посетат просториите на библиотеката. „Библиотека на тркала“ не само што ја поттикнува љубовта кон книгите, туку и ја зголемува свеста за важноста на библиотеките во современото општество.
- Десетици граѓани од Струмица и регионот досега станаа корисници на оваа бесплатна услуга. Тие претходно се јавуваат и нарачуваат книги за читање при што добиваат информација кога ќе им биде доставена книгата. Волонтерите потоа со велосипедот „велко“ ги доставуваат книгите.
- Дали е чудно да се каже антропологинка, етнологинка или гинекологинка? Одговорите на овие и многу други прашања ќе бидат во фокусот на дискусијата „Од каде сега феминативи?“, што ќе се одржи на 4 јуни (четврток) во Лабораториум со почеток во 19 часот.
- Иницијативата „Зборци“ организира отворена дискусија посветена на феминативите и нивната улога во современиот македонски јазик. Настанот ќе отвори разговор за тоа колку сме подготвени да ги менуваме јазичните навики и како зборовите влијаат врз начинот на кој ја разбираме и обликуваме реалноста.
- На настанот ќе се обратат проф. д-р Симон Саздов од Филолошкиот факултет „Блаже Конески“, етнологинката и антропологинка Јана Коцевска и македонистката и лекторка Татјана Б. Ефтимоска. Организаторите најавуваат отворен разговор во кој публиката ќе има можност активно да се вклучи и да придонесе кон дебатата за јазикот, родот и општествените промени.
- Филмот „Фјорд“ од романскиот режисер Кристијан Мунџиу ја освои Златната палма вечерва на 79-от Меѓународен филмски фестивал во Кан, објавија француските медиуми. Мунџиу ја доби својата прва Златна палма во 2007 година за филмот „4 месеци, 3 недели и 2 дена“.
- Гран при наградата ја освои продукцијата „Минотаур“ од рускиот режисер во егзил Андреј Звјагинцев, додека наградата на жирито ја доби филмот; „Сонуваната авантура“ во режија на Валеско Гризебах.
- Наградата за најдобар режисер им припадна на Хавиер Калво и Хавиер Амбрози за филмот „Црната топка“ (La Bola Negra), како и на Павел Павликовски за филмот „Татковина“.
- Претседател на жирито оваа година беше јужнокорејскиот режисер Парк Чан Вук, а во жирито беа американската актерка Деми Мур (Мур) и кинеската режисерка Клое Жао.
