Bookbox › Набрзинка

Програма на „Маалски фестивал 3.0“

26 септември 2024

Третото издание на „Маалски фестивал“ годинава ќе се случува на 27, 28 и 29 септември (петок, сабота и недела). За време на фестивалот, во просториите на КСП „Центар – Јадро“ и во Мобилно – монтажната галерија во Парк на Франкофонија, ќе бидат изведени голем број на улични уметнички акции.
Официјално, третото издание на Маалски ќе започне со изложбата „Пет години КСП Центар – Јадро“ во 20 часот. По изложбата, во Паркот на Франкофонија ќе настапи дуото Букршлиев-Томевски, по што ќе следува македонскиот бенд „Мојра“, а по нив со слободна музичка импровизација ќе се претстави квартетот Спировски/Новковски/Танасковски/Џорлев.
Вториот фестивалски ден ќе започне и Работилницата за изработка на чуднозвучни инструменти под водство на музичарот Виктор Танасковски и уметникот Владимир Лукаш.
Богатата програма вклучува и Работилница за знаковен јазик, маалски базар и саем на книги, раскажување маалски приказни, предавање за уметноста на слушање музика дома, мал концерт на џез хорот „Артизан“ и проекција на ретро студентски филмови.

Целата програма на линкот.

извор

Уметница, етнологинка - дискусија за феминитивите во Лабораториум

3 јуни 2026

Дали е чудно да се каже антропологинка, етнологинка или гинекологинка? Одговорите на овие и многу други прашања ќе бидат во фокусот на дискусијата „Од каде сега феминативи?“, што ќе се одржи на 4 јуни (четврток) во Лабораториум со почеток во 19 часот.
Иницијативата „Зборци“ организира отворена дискусија посветена на феминативите и нивната улога во современиот македонски јазик. Настанот ќе отвори разговор за тоа колку сме подготвени да ги менуваме јазичните навики и како зборовите влијаат врз начинот на кој ја разбираме и обликуваме реалноста.
На настанот ќе се обратат проф. д-р Симон Саздов од Филолошкиот факултет „Блаже Конески“, етнологинката и антропологинка Јана Коцевска и македонистката и лекторка Татјана Б. Ефтимоска. Организаторите најавуваат отворен разговор во кој публиката ќе има можност активно да се вклучи и да придонесе кон дебатата за јазикот, родот и општествените промени.

извор

Сите наградени на Кан 2026

23 мај 2026

Филмот „Фјорд“ од романскиот режисер Кристијан Мунџиу ја освои Златната палма вечерва на 79-от Меѓународен филмски фестивал во Кан, објавија француските медиуми. Мунџиу ја доби својата прва Златна палма во 2007 година за филмот „4 месеци, 3 недели и 2 дена“.
Гран при наградата ја освои продукцијата „Минотаур“ од рускиот режисер во егзил Андреј Звјагинцев, додека наградата на жирито ја доби филмот; „Сонуваната авантура“ во режија на Валеско Гризебах.
Наградата за најдобар режисер им припадна на Хавиер Калво и Хавиер Амбрози за филмот „Црната топка“ (La Bola Negra), како и на Павел Павликовски за филмот „Татковина“.
Претседател на жирито оваа година беше јужнокорејскиот режисер Парк Чан Вук, а во жирито беа американската актерка Деми Мур (Мур) и кинеската режисерка Клое Жао.

извор