Bookbox

Нова поставка во лондонски театар на помалку познат драмски текст на Оскар Вајлд е инспирирана од приказната за 22-годишна руска револуционерка и атентаторка од крајот на 19 век.

Денес често се зборува за тешкотиите на наоѓањето љубов, за предизвиците на љубовните врски и бракови, за невозвратените чувства. Но истите овие теми ги обработувале и старите Грци и Римјани – и многу од нивните размислувања сè уште звучат актуелно.

А што ако тоа е тоа?

Митологијата на пропуштеното претпоставува дека некаде постои „правилна“ верзија на животот — паралелен тек во кој направивме подобри избори, стекнавме подлабоки искуства, тргнавме по „оптималниот“ пат низ лавиринтот од можности. Тоа е магиско размислување преправено во амбиција. Тоа е верување дека животот е тест со точни одговори.

Супер-анархист, а не супер-херој: Супермен на почетокот бил „насилен социјалист“

На 11 јули е најавена премиера на нов филм за суперхеројот на Ди-си комикс. Иако денес е познат како ултимативниот американски господин Најс Гај, во 1930-тите тој не почнал на тој начин. 

Од нашиот специјален известувач: „Гленгери“ на Бродвеј

„Ти си среќен човек“ - му велам на Илија, кога ми кажува дека ќе ја гледа претставата правена според култен филм, во која ни помалку ни повеќе играат Бил Бур, Киран Калкин, Боб Оденкирк. Точно да седат на сцена и да ќутат би било супер, а камоли да ни ја раскажат приказната за отровот на капитализмот, капнат на раната на средната класа, која сонува за живот по овој живот...таму некаде Гленгерово.  

По премиерата на панкерскиот „Фалстаф“

Деновиве голем број медиуми ја пренесоа веста за настапот на нашиот Благој Нацоски во необична продукција на Вердиевиот „Фалстаф" во Сао Паоло, Бразил. Ние, како секогаш имаме нешто повеќе - како си помина екипата по премиерата. Ти иде да затвориш кафана и да им нарачаш една од Тома Здраковиќ.

Доделени Пулицеровите награди за уметност 2014

Вчера (14.4) беше доделена Пулицеровата во неколку уметнички категории. Очекувано, наградата за белетристика ја однесе Дона Тарт за „Трнарче" (Goldfinch). Жирито во оваа категорија годинава се утепа од читање, бидејќи вкупниот број страници на трите книги кои влегоа во најтесниот избор е 2,000.

„Доктор Живаго" како специјално оружје на ЦИА

Помеѓу 130 новооткриени документи на ЦИА се наоѓаат и меморандуми кои зборуваат за вмешаноста на оваа агенција во печатењето и диструбицијата на славниот руски роман, кој бил забранет во СССР.

Измислениот „гранџ" сленг

Mинатата недела во Рокенрол куќата на славните влегоа Питер Габриел, Кет Стивенс, Кис и Нирвана. Медиумите кои го одбележаа настанот не пропуштија да спомнат дека некогашната група на Кобејн била дел од „гранџ" - поджанр на алтернативниот рок. За други пак актуелизирањето на овој термин беше повод да потсетат на големата измама поврзана со него.

„Грабнатото џакетче", или за еден генијален потег

Има различни начини да се реагира на суштински баналните семрежни расправии. Ретко кој од нив е толку софистициран како овој.

Расте како лампа после дожд

Даниеле Трофе дизајнира еколошки издржан мебел, кој не само што е инспириран од природата, туку користи и такви, природни материјали. Нејзиниот последен проект е наречен Mush-lume, и претставува лампа изработена од печурки.

Уметноста на магнетната резонанца

Во пресрет на денешното јадење книги во Пепер (облечете се топло), ви претставуваме мешавина на храна, наука и уметност. Скенови се, ама не на похован мозок.

Почина Светлана Велмар-Јанковиќ

Вчера на 81 година во Белград почина писателката и академик, за чии дела се вели дека го сочувале од заборавот исчезнатото српско граѓанство.

Стриповска сатира на книжевноста

Прв пат го забележавме Том Голд преку неговото стрипче за улицата на која растел Вејтс. И кога би требало да се одлучиме помеѓу него и, на пример, xkcd на Рандал Манро, тоа навистина би бил тежок избор. За среќа никој не го бара тоа од нас.

Гугл локации на познати корици на албуми

За најтврдокорните фанови на некој бенд или музичар посетата на местото каде е сликана корицата на некој нивен албум е рамна на аџилак. Благодарение на Гугл сега не мора да се малтретирате по авиони за да можете да кажете дека сте биле таму.

Најдобрата публика на Леонард Коен

Во новата книга „Скршена алелуја: рокенрол, покајание и животот на Леонард Коен" од Лиле Либовиц има една луда епизода. Во неа, на почетокот на својата кариера, тогаш речиси непознатиот кантавтор свири за една благородна и софистицирана публика во - психијатриска болница.

Отвoраме #твитерфилмскиклуб

Добредојдовте во новата Букбокс рубрика, во која твитерџии гледаат филм и коментираат за него. Како за прв пат формиравме „работна група", која би сакале да ја прошириме со вас.

Кои се 8-те книги кои треба да ги прочита секој интелигентен човек?

Вака гласи прашањето на кое одговара познатиот астрофизичар и водител на новата серија „Космос", продолжение на онаа на Саган од 1980. 

Маркиз де Сад се враќа дома

„120 дена Содома" се опишува како едно од најперверзните дела на 18. век - оргии, педофилија, некрофилија и - последно но не и најмалку важно - eпизода на секс со лебед. Па сепак, Французите го сметаат за свое национално богатство, и сега се среќни што тоа од Швајцарија конечно се враќа дома.

„Мистер Гвин“ од Алесандро Барико

Одамна не ми дошло уште во првата реченица да напишам: Ова е баш убава книга.
Барико, по образование пола филозоф, пола музичар, стана познат по неговиот краток роман „Свила".

Читателите на Букбокс не читаат!

Честитки што откако го прочитавте насловот продолживте со овој вовед. По оваа фаза бројот на читатели обично уште повеќе се намалува, за при крајот на текстовите (кои во рубрикава - признаваме - знаат и да забегаат) да останат само најупорните. Тоа го забележале и во NPR.

Оцетот на Бајрон и млекото на Кафка

Најава за четвртото издание на вашата омилена книжевно-гастрономска манифестација, која ќе се одржи на 11. април (петок) од 16 часот на старото место - Пепер на Ленинова. Со време ви најавуваме да си размислите што ќе донесете. Ние ќе купиме пијачки, ќе наредиме тоа масите, ќе смислиме награди и ќе ве чекаме.

Ана Голејшка, или девојката чија младост е заразна

Во продолжение на рубриката „Писмо од вашиот омилен писател", после Венко и Румена, продолжуваме со една девојка и нејзиното „перпетум пишувабиле“. Дами и господа, Ана Голејшка.

Сте чуле за Вилијам Онјебор?

Нормално дека не сте чуле. Пионер на електронската музика од седумдесетите, тој до скоро беше сосема заборавен. До моментот кога Дејвид Брн му објави албум, а син му на Стинг сними документарец за него.

Meчка страв, мене перформанс

Еден француски уметник ќе помине две недели во стомак на препарирана мечка. Зошто? Така.

Дизајн направен за да предизвикува шубе

Чинија, кофичка за вода, чизми за дожд...Ова се сосема обични предмети кои ги користиме речиси секојдневно, и за кои вообичаено и не размислуваме. Сè додека некој не се сети нешто да им смени, детал кој одеднаш ја претвора нивната приказна од банална во бизарна.

Французите учат англиски во воз

Часови со професор во воз за наши услови е незамисливо. Но како би било во автобусите да се пуштаат лекции по кој и да е странски јазик? За некој кој секојдневно шпарта од Ѓорче до Железара тоа по една година може да значи диплома за завршен курс. А за возачот - магистратура.

Првоаприлски книжевно-филмски мајтап

Дружејќи се со луѓе кои го разбираат мајтапот со ближните како врвна форма на љубов, сме биле сведоци на главно бенингни, но крајно креативни заебанции, кои секако не биле ограничени на 1. април. Но некои размислуваат порадикално, а притоа користат и соодветна опрема со висока пренковска моќ. На пример - четкичка за заби.

Кога се слуша со душата

Вечерта на 1. февруари 1924, Њујоршкиот симфониски оркестар ја свирел Бетовеновата 9-та во Карнеги Хол, а концертот бил пренесуван во живо на радио. Неколку дена подоцна оркестарот добил писмо.