Додека светот ја одбележува 100-годишнината од крајот на Првата светска војна, да слушнеме како тоа звучи кога одеднаш оружјето ќе стивне. Со други зборови, како звучи мирот по долга и исцрпувачка војна.

Дело на 13 автори, двајца искусни стрип цртачи и неколкумина етнолози-консултанти, кои се обидуваат да ги визуелизираат митските претстави за светот, кои на овој начин оживуваат, токму како да се под, над и околу нас.

Денес, 9.11, во Лондон почна серијата мечеви помеѓу актуелниот светски шампион во шах, Норвежанецот Магнус Карлсен и Американецот со италијанско потекло Фабиано Каруана (кој во живо може да се следи тука). Добар повод да видиме кои од актерите, писатели и музичарите сакале и играле шах. 

Нова изложба во галеријата Барбикан во Лондон под наслов „Модерни парови“ претставува уметници и писатели кои биле истовремено и љубовници и креативни партнери. А понекогаш броеле повеќе од двајца.

Кога неодамна на сцената на уметничкиот центар Мос во Блексбург, Вирџинија, одекнале стиховите од операта на Верди „Магбет“ - „Умрените нема повторно да се кренат од гробовите“, иронијата не можела да биде поголема.

Вилијам Кингдон Клифорд не спаѓа во пантеонот на големите филозофи - можеби затоа што починал на само 33 години. Но иако живеел во 19 век, неговите идеи се пророчки за нашиот.

„Зад секој успешен маж стои жена“ можеби звучи како излитена и стереотипна изрека. Но во овој филм таа е доведена до екстрем.

„Да ја очовечиме технологијата!“ е повик кој не е нов, но кој се наметнува со сè поголема итност. Во ваквиот проект хуманистичките науки можат многу да помогнат, но само доколку се земат сериозно, а не исклучиво како извор на „финти“ за зголемување на ефикасноста и добивање уште поголема моќ.

Неодамна пишувавме за необичните навики на некои од најпознатите писатели. Сега се на ред композиторите, и нивните каприци во врска со исхраната.

На сајтот The Red Hand Files обожавателите на Ник Кејв можат да постават прашање, а тој да одбере на кое ќе одговори. Во најнова таква преписка зборува за комуникацијата со духовите на оние кои ги сакаме.

Таман ќе помислите дека нема веќе нешто што не е кажано и напишано за некои од големите автори, кога ќе излезе дека имало уште сочни детали за нив. Кои покажуваат дека секој добар уметник мора да е и по малку чудак.

Веројатно сте го виделе на социјалните мрежи, како начин нешто (лажно) да се прикрие. Но и како ознака на иронија или презир. Стар знак кој добива нови значења.

Нов британски стрип под наслов Punks Not Dead (Панкот не е мртов) спојува навидум неспоиви нешта: панкери и баби. Поточно ликот и делото на мртвиот Вишс со една стогодишна тајна агентка, која се обидува да излезе на крај со неговиот дух.

Креаторите на серијата Чарли Брукер и Анабел Џоунс во „Инсајд Блек мирор“ откриваат куп занимливости од зад сцените на нашата омилена серија. Таа не случајно излезе вчера, ден по Халоуин, веројатно како знак за тоа од што навистина треба да се плашиме.

Акцијата се однесува на собирање пари за проектот „Слобода од тортура“ (Freedom from Torture), а она за што читателите наддаваат (и плаќаат) е да можат да именуваат лик во дело на некои од познатите писатели кои учествуваат во неа.

Oграничувањето на еден твит во моментов е 280 карактери. Но неодамна еден млад истражувач покажа дека е можно во него да се спакуваат комплетните дела на Шекспир. И тоа не во вербален твит, туку во слика со ептен мали димензии.

Следната година НАСА ќе прослави 50 години од слетувањето на месечината, а нејзината соработка со уметници кои би придонеле кон едно такво одбележување е веќе започната.

Кога на пазарот излегуваат нови производи и услуги, заедно со тоа понекогаш се случува промена на парадигмата, не само во смисла на состав, дизајн и рекламирање, туку и во јазикот кој се користи за да се зборува за нив.

Заборавете го есперантото и сличните обиди за создавање јазик кој ќе ги надмине лингвистичките бариери за разбирачка меѓу луѓето. Една иницијатива на музички педагог и композитор од 19 век, која во своето време не доживела широка популарност, е можеби трошката надеж која му недостасува на светот во моментов.

Сите војни на светот се глупави на свој начин кога предизвикуваат смрт и страдање. Ама некои се издвојуваат по својата глупост.

Текстов е стар повеќе од десет години, објавен на некогашниот он.нет како колумна. Ама уште е свеж, и уште некако грозен. Таман како што треба.

Никогаш не била на доктор, на 17 години прв пат влегла во училница. Нејзиното мормонско семејство постојано ја подготвувало за крајот на светот. Ова е приказна за растењето и градењето на самиот себе - процес кој ослободува, но кој остава и големи лузни.

По форумите за класична и современа музика често пати се прават листи на најсложените нотни записи и најоткачените дела. Неколку од нив се повторуваат, но едно отскокнува по своето лудило.

Draw on This Website е проект кој се обидува од интернет да направи фино место за уметничка соработка. Беше бесплатен цели 24 часа.