„Уметноста исцелува“ е филозофијата зад нова иницијатива на Монтреалскиот музеј на убави уметности, со која на докторите ќе им се овозможи да препишат посета на музеј наместо апчиња.

Како се толкуваат и спроведуваат законите кај нас, можеби веќе има ваков курс за правна магија за кого не знаеме. Ама еден сигурно ќе биде наскоро воведен, во Индија.

Ги викавме „Дебелиот и слабиот“ а нивните неми филмови ни беа еднакво смешни како оние на Чарли Чаплин. И некако ни е необично што никој до сега не се сетил на вакво нешто - да ја раскаже приказната за ова дуо кое има инспирирано бројни генерации комичари.

Адаптација на истоимениот мемоар на цртачот Џон Калахан од 1989, ова е приказна за зависноста, физичкиот хендикеп и патот до смислата во 12 и повеќе чекори. Кои треба да се изодат пешки.

По повод 20-годишнината од прекрасниот „Мезанин“, бендот го енкодираше албумот во нишки синтетичка ДНК. Еден спреј може да содржи околу еден милион копии.

Најпознат по бајките за деца, данскиот писател бил вешт и со ножицата - изработувал силуети од хартија. Сега дел од нив за прв пат се претставени на изложба во Бремен.

Што значи тоа „добар“ превод? Што значи воопшто тоа „добро“? Лекција по зборообразување, истражување, пловење и јазично нуркање, ова е истовремено и повест за еден интимен подвиг, осамено но одлучно замавнување со харпун кон еден кит од дело.

Го викале „Човекот-секира“, вршел брутални убиства токму со ова оружје, напаѓал луѓе во нивните домови и сакал џез. А, да. И никогаш не бил фатен.

Флаш е кокер шпаниел кој ѝ припаѓал на позната викторијанска поетеса. Вулф го искористила миленичето за да напише дело на кое самата не била горда, и кое денес е подзаборавено, но кое е визионерско за времето во кое настанало.

„Тоа е парче торта“. „Можеш да ставиш кармин на свиња“. „Имаш патлиџани на очи“. Идиоми како овие се голем проблем на бројни преведувачи, кои не можат да ги преведат буквално туку треба да ја доловат смислата на јазикот на кој преведуваат.

Во сцена од „Утрешнината никогаш не умира“, двојната агентка Ваи Лин го закачува Бонд за туш со лисици и го остава таму. И додека во оваа сцена поголемиот број луѓе гледаат еротски момент на доминација на жена врз моќен маж, други гледаат можност за изучување анатомија.

На 29 октомври во Малме, Шведска, се отвара институција која ќе се занимава со обратното од гурманлук - со нашите гастрономски хорори.

Ана Брнс стана прв автор од Северна Ирска кој го добива престижното признание, за романот „Млекарот“, приказна за млада жена која е сексуално малтретирана од моќен маж.

Лука Гвадањино, режисерот на прекрасниот Call Me By Your Name кој доби Оскар за најдобро адаптирано сценарио (а заслужи и повеќе), објави дека неговиот следен филм ќе биде eкранизирање на албумот Blood on the Tracks од Нобеловецот, господин господин Боб Дилан.

Eден холандски сликар, кого критичарите од времето пред Втората светска војна го сметале за „лузер“ и евтин плагијатор на делата на славните мајстори, решил им да се одмазди. И тоа скапо да го наплати. 

Што да се очекува во време во кое луѓето се чувствуваат тензично, изолирано, и во свет кој за многумина е нехуман? Романите кои зборуваат за емотивни, најчесто лични доживувања, и кои даваат надеж во луѓето и животот, се новите книги за самопомош.

Во 1905 шведската уметница Хилма аф Клинт почнала да работи на серија дела по директиви на дух наречен „Амалиел“. Повеќе од еден век подоцна, овие слики ќе поттикнат ново пишување на историјата на апстрактното сликарство.

Канабишн е новоотворен музеј во Лас Вегас, кој се рекламира како иднина на туризмот со канабис. Во него можат да влезат посетители постари од 21 година, и да се запознаат со културата на пушењето „трева“.

„Планети“ опус 32 е оркестарско дело во седум става од англискиот композитор Густав Холст. Секој од нив е наречен според планета во сончевиот систем и нејзиниот астролошки „карактер“, опишан од страна на авторот. Дали и денес тие се само метафори, или науката ги потврдила неговите толкувања?

Германската радикална десница се крстела во идеите на Ниче, но тој всушност го мразел антисемитизмот. И не е само ова - Ниче не е сфатен по повеќе основи, тврди нова биографија.

Преводов на насловот некако не ни легнува во однос на ритмичното Бетер кол Сол (и заради римата и заради двојното значење на транскрибираното `бетер`), но без оглед, по четвртата сезона на оваа серија таа, заедно со нејзиниот наративен сиквел Брејкинг бед, се покажува како една од најдобрите телевизиски серии на сите времиња.

Кога некој од скопското минато би можел да ги слушне денешните звуци на градот сигурно би се извадил од памет од сета таа врева и напнатост. А како би било кога ние би можеле да ги слушнеме звуците на Скопје од 18 век? Веројатно би си ја пуштале таа амбиентална музика за смирување во кола, додека се пробиваме на Бит-пазар во работно време.

Можеби царските фамилии во денешниот свет се архаична институција, но освежува кога ќе се види дека луѓе со толку големи ресурси и привилегии ги користат истите за интелектуални цели, а не (само) за излежување по јахти и полнење на жолтиот печат.

На програмата на фестивалот Киненова денес, понеделник 8.10, ова е филм за вината и малите нешта кои предизвикуваат големи последици.