"Колебање околу вакцинација" е термин кој СЗО го дефинира како "одложување на прифаќањето или отфрлањето на вакцините и покрај достапноста на можноста за вакцинација." Тенденцијата овие луѓе да се третираат како противници на вакцинацијата е штетно за сите, пишува Џули Бек во Атлантик.

Јују Ту годинава ја доби Нобеловата награда за медицина за откривањето на лек против маларија, артемисинин, на кој почнува да работи уште во 60-те за време на Виетнамската војна. Нејзина задача во тоа време е да патува по кинеските села во потрага по "тајни лекови".

Туринг Фармасутикалс за целата човечка драма, клетви и омраза што ги навлече, треба да му се заблагодари само и само на ЦЕО-то Мартин Шкрели. За разлика од нив, професионалците од Фајзер, за една година ги кренаа цените на 133 лекови и за тоа не се слушна ни глас.

Грам за грам мускулите на бодибилдерите се послаби отколку оние на луѓе кои никогаш немаат допрено тегови, тврдат истражувачи кои очигледно сакаат да ни направат проблеми на врата.

Способноста да се практикува самоконтрола и да се заузди импулсивното однесување се смета за клучна одлика на мозокот. Подеднакво важна карактеристика на мозокот е и меморијата. Излезе дека овие две функции си штетат една на друга.

Една американска ЈуТјуб комичарка и 68% од американската популација, веруваат дека дебелите сами се виновни за тоа што се дебели. Точно е, ама не е така.

Најиритантните луѓе во вашата близина, оние што несвесно цупкаат со нога додека седат, од науката добиваат неочекувана поштеда. Таквите не морале да вежбаат за да ги анулираат проблемите предизвикани од долгото седењето.

За време на републиканската претседателска дебата, Трамп со самоувереност карактеристична за секој противник на вакцини кој држи до себе, објасни дека аутизмот прераснал во епидемија и дека за тоа се одговорни вакцините.

Логиката е дека сапуни што се продаваат како антибактериски треба да бидат совршено добри, или барем подобри во убивање на бактерии отколку обичен сапун. Науката излезе дека антибактерискиот не е ништо подобар од обичниот сапун.

Консензусот во редакција е - земи две недели одмор, па и никаде да не одиш, пак убаво е да ти се промени денот, друго е. Ова "друго е" го потврдува и медицината.

Јер овдешнава влада е страшно ревносна во битката против пушењето (истовремено во нашиот Апсурдистан се субвенционира производството на тутун), еве еден фин и научно валидизиран пристап кон решавање на проблемот: покачете им плати на луѓето кои ги контролирате. Или тие ако пушат? 

Иако има луѓе кои само тоа и го прават, особено додека се на работа, за еден во 50 луѓе тоа е невозможна мисија. Може да замислите да не можете да замислите?

Истрагата е по основа на сериозно прекршување на човекови права, откако во рок од 6 недели по укинувањето на статусот неспособен за работа и правото на социјалната помош, починаа 2.380 лица со инвалидитет.

Според една многу лабава теорија неочекуваниот скок на бројот на заразени постари деца во споредба со пред 5 години е последица на "вошки од социјални медиуми".

Будењето деца за на школо зимно време (во погрешната временска зона во која упорно остануваме) личи на будење јадни фабрички работници. Данокот го плаќа нивното здравје и образовниот успех. Америка мисли да поместува.

Во 1945-та, американскиот борд за Храна и нутриција објавува препорака дека на луѓето им се потребни 2,5 литри вода на ден. Ова станува мантра на секој доктор и нутриционист. Она што сите тие го имаат пропуштено е дека препораката продолжува со "најголемиот дел од оваа количина е содржана во храната што ја јадеме."

Станува збор за една неодамна дијагностицирана состојба, од која страдаат мал број на луѓе, и која има многу мала но пркосна заедница на научници кои ја изучуваат - мизофонија – наплив на гнев од звукот на џвакање храна.

Мислевте само ние ќе ќариме од еволуцијата? Мутрирани вошки, отпорни на сите познати средства против нив, сериозно се шират низ градовите на Америка. Веќе добија таблоидно податливо име "супер вошки" а почнаа да фрчат медиумски предупредувања од типот: "Кријте ги децата, кријте ги главите!". Чешањето може да започне.

Витамин Ц (суплементот) не помага во лечење настинка. Можеби помага во лечење на други болести, ама настинка ниту лечи, ниту некогаш лечел.

Збор кој се однесува на вашето тело не може да биде срамен и непристоен збор. Затоа, викнете слободно и гласно. Ако сте помлади, не сте ослободени од обврската. Напротив.

Научна студија тргнува од тоа дека е речиси невозможно да дебатираш со противниците на вакцини користејќи факти и наука, и стига до заклучок дека тоа што ти треба се слики од деца кои не биле вакцинирани.

Живеење во населби со повеќе дрвја и зеленило не само што внесува аристократски нијанси во секојдневното битисување, туку и генерално го прави животот подобар.

Ако може да им се верува на луѓе кои цел живот учат и работат на темава, прошетка во парк или во природа го смирува мозокот и притоа го менува и неговото функционирањето на начин кој е добар за нашето ментално здравје.

Американската федерална агенција за лекови го има одобрено лекот Трувада како третман за спречување на ХИВ инфекција. Ова е прво вакво лекарство што има добиено дозвола од агенцијата за лекови.