Сумата е еднаква на 18% од БДП-то на земјата, што значи дека во САД во 2016 секој шести долар потрошен бил на здравство, што е повеќе отколку која било друга група вклучувајќи облека, храна, живеалиште, па дури и војска. И пак не им се сите луѓе осигурани.

Едно 20 години фотографката Лорен Гринфилд документира пациенти на пластична хирургија исклучиво во салата за операција и во центрите за закрепнување. Најчесто ова се луѓе кои не го прават тоа од медицинска потреба, туку затоа што така им дошло.

Американската академија за педијатри има еден совет за родители и еден за деца. За првите: сокот нема никаква есенцијална улога во здравата и балансирана исхрана на децата. За вторите: пробајте да не пиете сок.

И интуитивно е јасно дека за да си хард кор верски фанатик, треба да си малку гребнат во мозокот. Сега барем знаеме во кој дел од органот е гребнатината.

На стар глушец, за неколку недели третман со ТХЦ, му го направиле мозочето како на Џери од најдобрите времиња. И уште да им викал на другиве: Шта је, мишеви!

Текстот за Вашингтон пост го пишуваат три специјалистки (докторки и професорки) за дијабетес, и го почнуваат со случајот на една госпоѓа (со навика да пие цеден сок секој ден) која оди на доктор за редовна проверка, а од таму излегува со дијагностициран дијабетес. И ова ништо посебно не ги зачудува трите, "цело време гледаме вакви пациенти, кои од една или друга причина веруваат дека цедениот сок е здрава храна."

Лесно е да се советува да се пие умерено. Но, најновите научни сознанија го олеснуваат и избегнувањето на ваквиот совет: Како да пијам умерено кога толку ме боли?

Смартфоните создаваат генерација на искривени вратови. Ортопедите не се сигурни дека денешно 8 годишно дете кое окапува на телефон веќе на 28 години нема да биде зрел за операција.

Во САД се организираат 1.100 маратонски трки годишно. Студија што ги споредува бројките на маратони и смртоносни срцеви удари, покажува дека секој пат кога се случувале првите растел бројот на вторите.

На шеќерот му требаа неполни две децении да стигне од "оди касни нешто благо ќе ти даде енергија", до "создава зависност како кокаин".

На глобалниот индекс на здравјето, од 166 земји Македонците го држат 44 место. Не е тоа сјајна позиција но е подобра од рангирањето на повеќето македонски репрезентации.  

Солзите во себе носат толку корисни информации за состојбата на вашето здравје што е греоат да ги трошите на глупости. Во иднина преку леќи ќе може да се следи шеќерот во крвта, додека некој не ве хакне па да ви го загорчи животот.

Некаде во текот на 1960-те холестеролот во сите негови можни појави и извори, беше прогласен за душманот на човековото здравје, со посебен нагласок на вечно прождерливите мажи. Тоа е периодот и кога почнува да се зачестува муабетот за ниво на холестерол и срцеви заболувања кај луѓето.

Заради нивната достапност и човечката мрза, оние машини со грицки и чоколатца се сметаат за едни од најголемите виновници на американската дебелаана. Сега пробуваат да ги превоспитаат на еден многу чуден начин.

Науката се согласува со вашиот колега со кој никој не сака да се вози во лифт: само полошо правиш кога често се тушираш.

Редовната физичка активност го продолжува животот за три години и ја забавува појавата на кардиоваскуларн болести, потсетуваат две здравствени студии.

Звучи како едноставен и здраворазумски совет: јади овошје и зеленчук, движи се или вежбај и земај витамини. Последново, не баш. Ама па убави се бе!

И покрај примерот што го дава силуетата на безбројни хронични алкохоличари, алкохолот е широкоградо забрануван во речиси секоја можна диета, а и таму каде што е дозволен тоа обично е во епски квоти од - една чаша вино неделно.

Управата на еден американски медицински центар неодамна дошла до едноставна идеја: што ако на своите хирурзи им сугерираат колку аналгетици да препишуваат за секој тип на операција. Резултатите испаднале драматични

„Верувам дека природните елементи можат да бидат инструменти во подобрувањето на здравјето и доброто на децата“, со сиот свој медицински и научен авторитет им порача најпознатата Словенка на група американски педијатри и пациенти.

Научно гледано луѓето што се под постојан стрес произведуваат зголемени количества кортизол, хормон кој ја регулира реакцијата на телото на стрес. Гледано пред огледало ова значи дека се дебелеете од стрес.

Прво да кажеме дека станува збор за мала студија, второ да кажеме дека во неа истражувачите имаат откриено дека безглутенската храна содржи зголемени нивоа на отровни метали.

Руската академија на науки ја обележа хомеопатијата како здравствена опасност и сега бара од руското министерство за здравје да престане со користење хомеопатска медицина во државните болници низ земјата.

Американскиот проблем со здравството е што неколку децении имаат "ескалација на трошоците без споредливо подобрување во квалитетот." Неодамнешно решение што американските власти го смислија за проблемот е воведување на "плаќање според резултати", и во пракса значи дека докторите добиваат бонуси за одреден "квалитет во стандардите за грижа."