Слично како и ивермектинот, во битката за профит настрада и диметил-сулфоксидот, кој пред половина век беше прогласен за медицинско чудо поради способноста да ја смири хроничната болка и да помага при разни болести. Но, фармацевтските компании не можеле да го патентираат, па тргнаа во војна против евтиното средство што ги загрозува нивните скапи и профитабилни лекови.

Проверувале податоци за 1,3 милиони жени од Чешка, кои пред зачнување биле невакцинирани или вакцинирани за ковид. Утврдиле дека стапката на зачнувања кои воделе до успешно родени деца била, на 1.000 лица, далеку помала кај оние кои примиле вакцина против ковид - 19.   

Американската администрација за храна и лекови (ФДА) одобрила стотици лекови без докази дека делуваат, дури и некои што предизвикуваат штета, покажува новинарска истрага. Соочена со политички и индустриски притисок, ФДА ги напушта стандардите за да стигнат лековите побрзо во аптеките. Несакани ефекти од лекови издадени на рецепт сега се меѓу трите главни причини за смрт во светот.

Научници од неколку универзитети открија потенцијална врска помеѓу редовното дремнување и здравјето на мозокот. Нивните наоди сугерираат дека оние човечки „само да дремнам на кратко“ помага да се одржи мозокот млад. Разликата воопшто не е за потценување. Виталноста на мозокот на оние кои сакаат да дремнат преку ден е најмалку 6 години подобра од останатите.

За 1.135% бил поголем ризикот за аутизам кај бебињата во САД вакцинирани против хепатитис во споредба со оние што не биле вакцинирани, покажало истражување на Центрите за контрола и превенција на болести. На здравствените власти не им одговарале резултатите од сопствената студија, па манипулирале со податоци за да ја прикријат вистината, тврди министерот за здравство на САД.

Луѓето вообичаено ги отстрануваат умниците, дури и пред да почнат да создаваат проблем во устата. Осумките по интервенцијата завршуваат во ѓубре, иако се регенеративно богатство - содржат матични клетки кои може да помогнат за третмани против разни болести. Лаборатории во соработка со стоматолози сега нудат комплети за чување на „вишокот“ заби како биолошко осигурување.

Министерот за здравство Роберт Ф. Кенеди Џуниор објави дека САД повеќе нема финансиски да ја поддржуваат глобалната алијанса за вакцини Гави, за која тврди дека ја игнорира науката. Ги оспорува препораките за ревакцинирање бремени жени против ковид-19 и програмата за имунизација девојчиња против дифтерија, тетанус и голема кашлица во сиромашните земји.

Човекот е совршено суштество, кое секој маж и жена може да го направат за пет минути. Научници ќе се обидат да го направат тоа по потежок и поопасен начин. Четвртина век по револуционерното декодирање на човечкиот геном, одобрен е проект што ќе овозможи не само читање на ДНК како бар-код, туку и создавање делови од неа по вештачки пат од нула, молекула по молекула.

Милиони пациенти со висок ризик од фатален срцев удар земаат лек кој можеби не е ефикасен, предупредија лекари по обелоденувањето на податоци за тоа дека лекот бил одобрен врз основа на нецелосни лабораториски податоци. За ова се дознава после цели 14 годинио откако апчето на АстраЗенека против згрутчување крв е во продажба. 

Ново истражување од Универзитетот Џонс Хопкинс откри дека туморите тивко ослободуваат генетски материјал во крвотокот и до три години пред да се појават клиничките симптоми. Откритието, објавено во списанието „Cancer Discovery“, сугерира дека мутациите поврзани со ракот можат да се откријат во примероци од крв многу порано отколку што претходно се сметаше дека е можно.

Редовни физички активности на отворено, пред сè возење точак или пешачење до работа, се поврзуваат со помал ризик од деменција и поздрав мозок. Студија со која биле опфатени навики на половина милион луѓе на долг период покажува дека активните начини на патување го зголемуваат волумен на хипокампусот, кој е клучен за когнитивната функција и подобра меморија.

Мозокот е штедлив, динамичен и неверојатно ефикасен орган - го регулира биењето на срцето, варењето на храната и рамнотежата додека во исто време се напрега да реши тешки задачи. И тоа го прави без да запре. Дури и кога се опуштате по напорен ден тој самиот си наоѓа работа и цица гликоза. Во мирување согорува енергија само 5% помалку отколку кога максимално се напрега.

Пет години по најсериозната глобална здравствена криза во еден век, сè пострашни се последиците од лошото управување со пандемијата. Агресивната кампања за вакцинирање против ковид, цензурирањето мислења за безбедноста и криењето несакани ефекти предизвика општа одбивност кон вакцините. Медицински лица од првите редови сега бегаат и од вакцини против грип.

Администрацијата на претседателот Трамп ги поништи барањата до итните служби низ САД да им овозможат итни абортуси на жени на кои им е загрозено здравјето, дури и во сојузните држави што го забрануваат тоа. Политиката ја воведе поранешниот претседател Џо Бајден во 2022 година, веднаш откако Врховниот суд го поништи правото на абортус на национално ниво. 

Кај илјадници пациенти во Англија ќе се применува револуционерната „течна биопсија“ со која во крвта на пациентот рано се откриваат фрагменти од ДНК на тумор. Со рутински тест на крвта ќе се избегнат биопсии и скенирања. Тестот ќе биде стандарден за откривање рак на белите дробови, ќе се применува и на жени со рак на дојка, а се планира да се прошири на уште шест видови канцер.

Англичаните и Велшаните ќе ја тестираат ефикасноста на вакцина прилагодена против трипер, прва во светот. На Островот во изминатата деценија за 2,5 пати се зголемил бројот на случаи на гонореја. Се лекува само со антибиотици, но бактеријата ја засилува отпорноста и го отежнува третманот. Ако не фати вакцината, единствената опција против триперот е безбеден секс.

Европски научници кај глувци тестирале коктел лекови и утврдиле дека им го продолжува животот за 30 проценти. Проблем е што состојките во „коктелот на младоста“ се лекови со кои се третира рак. Уште поголем проблем ќе биде ако приказната почнат да ја тркалаат холивудски и инстаграм инфлуенсери па луѓе почнат сами да си го прават коктелот.

Американските здравствени власти го поништија договорот со фармацевтската компанија Модерна за развојот на вакцина против птичји грип наменета за луѓе. За време на мандатот на Џо Бајден ѝ доделија 766 милиони долари за завршната фаза од развојот. Проблем е недоволно  тестираната технологија мРНК, која се користи и во вакцините против коронавирусот.

Еден од отровните и опасни пестициди е најден во неочекувана средина. Станува збор за глифосат, кој го нашле во концентрации 40 пати повисоки отколку што се дозволени во водата. Каде? Во тампони. На овој начин директно во крвотокот влегуваат токсичните хемикалии за кои е докажано дека предизвикуваат канцер. Ние имаме други проблеми: менструацијата е табу.

Американскиот министер за здравство Роберт Кенеди уште повеќе го стеснува кругот за вакцинирање против ковид. Од денеска повеќе не се препорачуваат засилувачки дози од вакцината за бремени жени и за деца. Кенеди објаснува дека нема клинички податоци што би го поткрепиле старото правило сите луѓе да се ревакцинираат еднаш годишно. 

Во завршна фаза од испитувањата е првиот лек од новата класа на антибиотици против „грам-негативните“ бактерии. Ќе биде тестиран кај 400 пациенти. ОН ги истакнаа супербактериите отпорни на антибиотици како најитна глобална здравствена закана и предупредија дека до 2050 година може да предизвикаат по 8 милиони смртни случаи годишно. Сега убиваат по милион луѓе.

Дебатата за тоа колку често треба да се користи сперма на ист донатор се разгоре во Европа, откако 67 деца биле зачнати со сперма на маж со ретка мутација која предизвикува рак. Кај десет деца е дијагностициран рак. Дури и прегледите да се максимално темелни, а не се, постои ризик донаторот да страдал од сериозно нарушување што без да знае им го пренесува во наследство на многу деца.

Слично на фармерите, и луѓето што живеат во близина на терени за голф се изложени на значително поголем ризик од Паркинсонова болест, покажуваат резултати од ново истражување. Како причина  се истакнуваат пестицидите со кои се прска тревата за да биде мазна и зелена. Уште поголема опасност е подземната вода од терените, во која навлегуваат отровните хемикалии. 

Највисоките здравствени институции во времето на Џо Бајден со месеци свесно ги криеле од јавноста предупредувањата дека мРНК вакцините против ковид може да предизвикаат воспаленија на срцето. Лекарите што укажувале на ризикот биле цензурирани и обвинувани дека шират дезинформации. Во тие неколку месеци стотици млади вакцинирани Американци развиле миокардитис.