Најмалку две лица се умрени откако одлучиле да послушаат еден Јутјуб надрилекар според кој аутизам се лечи со пиење варакина. До сега еден од клиповите на темава има над 2 милиона прегледи, па веројатно ова нема да бидат последните два случаја.

Во 2017 година, надлежните американски институции одобруваат еден безобразно скап лек кој на докторот му кажува дали си го испил. Две години подоцна, признаваат дека можеби и не било најпаметно на човек кој страда од шизофренија да му нудиш апче кое има чип во себе. 

Казна од 2.500 евра за сите родители кои нема да си го вакцинираат детето е предвидена во новиот предлог закон на германскиот министер за здравје.

Се чини како контра здравиот памет но терапии со неспиење се применуваат со децении и им имаат помогнато на илјадници луѓе кои страдаат од депресија. Накратко: да се заспива само секоја втора вечер.

Светските здравствени авторитети заземаа цврста линија во поглед на тоа колку време треба да им се дозволува на деца да минуваат заковани за екраните на смарфони и таблети. До 4 години, максимум саат време дневно.

Конечно, клиничари решија јавно да проговорат за тоа како ранливи деца збунети околу својот сексуален идентитет, премногу лесно и премногу неодговорно се брзаат кон транзитирање и промена на полот.

Габата се вика Кандида аурис, се има појавено на неколку континенти, смртоносна е и отпорна на сè што човекот досега има смислено на таа тема. Толку агресивно се шири, што онаму кај што луѓе умреле од неа, морале да се рушат ѕидови и тавани за да биде уништена.

Ретко која земја има толку успешен брак меѓу капитализмот и медицината. Уште поретки се земјите во кои можело да се наиде на рекламирање хероин за деца.  

Предупредувањето не дискриминира дали ќе седиш 6 часа на биро пред компјутер или пред телевизор, исто му се фаќа, последиците се идентични.

Судирот меѓу внатрешната опуштеност и релаксираност како човек, и надворешната намќорестост пред колеги и општо во работна средина, се повеќе мажи почнале да го решаваат со ботокс.

Инстаграм селебрити веганка (звањето сигурно одлично го личи на визит карта) со над 1 милион и 300 илјади следбеници е фатена на видео како јаде риба. Реакцијата од следбеници е отприлика како девојкава на видеото да го јаде сопственото дете.

Висок италијански функционер на владејачката Лига со години корне од пропагирање против задолжителното вакцинирање против сипаници, а минатата влада ја нарекуваше „сталинистичка“ затоа што терала задолжително вакцинирање. Што мислите од која болест моментално е заразен?

60% од личните пријави за банкрот во САД се должат на неможност да се платат добиени здравствени услуги. Човек некогаш ќе куртули и од рак, или барем ќе добие време во таа борба, само што тоа време ќе го минува снаоѓајќи се како да ги плати трошоците за лекувањето.

Индустријата која во 2017-та во САД вреди 2,6 милијарди долари, до 2023 се очекува да порасне на 3,9 милијарди долари, и тоа не значи дека прочистувачите на воздух функционираат, ниту пак дека не функционираат.

Со екстензивна студија во Данска се испитувало дали постои врска меѓу ММР вакцината и појавата на аутизам. Наше е да ви пренесеме дека нема. Н е м а. Ама се разбира, на Фејсбук сте виделе и поинаку што тврдат.

Плановите за викендашко надополнување на дефицитот отспиени часови можат само сметководствено да завршат работа па на крај на недела да имате доволен број часови во сон, ама од тоа нема вистински ќар.

13-годишно дете со тип-1 дијабетес умира откако неговите родители го носат на хербалист (тревкар), кој му го укинува инсулинот и му препишува масло од лаванда што родителите требало да му го мачкаат по 'рбетот. Наодот на судскиот вештак покажува дека детето ќе останело живо ако добиело соодветна докторска нега.

Француско семејство оди на годишен одмор на Костарика и тоа во состав татко, мајка, деца и сипаници. До тогаш Костарика тера серија без ниту еден случај на сипаници од 2014.

Изгорен тост може да ги изложи луѓето на повеќе загаден воздух отколку ако стојат на улица сред сообраќајна гужва. Ништо полесно не се минува ни со печењето месо.

Иако нема човек што се налева со жесток (или помалку жесток) алкохол и утре дента ќе помисли - ова мора да е здраво за мене; приказната е многу поинаква кај луѓето кои самоуверено се закачени на лајт или без шеќер газирани пијалаци.

Доволно е едикојси научник лежерно да нафрли неодговорна проценка, тоа да го грабнат неколку медиуми (има ли појак наслов за лајкови од „За една година ќе имаме лек за рак!“), а колективната амнезија да се погрижи да имаме чувство дека сево ова ни е првпат. 

Тинејџери израснати со анти-ваксер родители стравувајќи од сите можни заболувања почнаа по интернет форуми да бараат помош како тајно да се вакцинираат, објавува Салун.

Вашингтон е последно од неочекуваните места во кое надлежните прогласија епидемија на сипаници. Нашиве антиваксери последниот пат се бунеа дека овде била прогласена епидемија од премал број случаи. На Вашингтон од 7,2 милиони луѓе им беа доволни 30-тина случаи да го сторат истото.

Проблемот со многу корисните здравствени информации на интернет е што најчесто се обраснати со плевел од надрилекари, дилетанти и злонамерници со сопствена агенда.