Годините никој не може да ти ги врати, освен владата, и тоа под услов да живееш во Јужна Кореја. Граѓаните наскоро формално-правно ќе станат помлади за година-две, како резултат на промената во начинот на кој официјално се бројат годините.

Исправањето на две нозе не била лесна и едногласна одлука на еволуцијата. Не бадијала цели четири милиони години сме се фемкале околу тоа, вагајќи ги компромисите на тој процес. Следниот пат кога ќе ве стегнат синуси, сетете се дека тие дренажни канали се свртени нагоре, контра гравитацијата.

Во недостаток на други предизвици, американски оддел за флуидна механика решил да истражи кој облик на писоар најмалку „прска“. Имаат фаворит иако експертите за флуидна механика ја потценуват способноста на сељачиштата да му најдат слаба страна и на идеално дизајнерско решение. 

Наспроти прекрасните пропорции на Витрувиевот човек на Леонардо Да Винчи, совршено опфатени во кружница и квадрат, нашиот физикус е една збирштина од фабрички грешки, инженерски утки и еволуциски ќорсокаци, што изгледаме како дело на Хомер Симпсон повеќе отколку на кој било друг. 

Жил Мартин, основачот на компанијата за лабораториски тестови Еурофинс која се збрлави од пари за време на пандемијата, и неговиот брат купиле 4 куќи на „Полуостровот на милијардерите“ на француската Ривиера за топтан цена од 130 милиони евра.

Да го судеа по шеријатски закон, студентот кој маваше по кралот со јајца ќе останеше без раката со која фрлал. За негова среќа, остана само без ова другото.

Американските групите за планирање на родителството ја изгубија битката околу правото на жените на слободен избор по одлуката на Врховниот суд за абортусот. Но, жените се само половина од битката. Сега се фокусирани на другата половина, мажите, на кои им се нуди бесплатна вазектомија. 

Когнитивна дисонанца е кога ти е непријатно што имаш две мислења кои се судираат меѓу себе. Ама барем ти е непријатно. Има и кога тераш две контрадикторни приказни а не ти чуе. Тоа се нарекува двојно мислење и му беше познато уште на Орвел.

Добитник на џекпот од 30 милиони долари од јужна Кина одлучил за парите да не им кажува ни на сопругата, ни на детето, не за друго, туку да не ги расипат парите и да станат мрзи.

Ако во вселената гледаме за да видиме „бледосина точка“ како што нашата родна планета изгледа на онаа фамозна фотографија пратена во 1990 година од сателитот Војаџер 1, направена од оддалеченост од 6 милијарди километри - ќе се изнагледаме.

Еве, рокнала. А веќе имате пуштено бојлер и глупо ви е со немиена коса да се појавите на куќен совет на кој ќе се утврдува кој е крив што подрумот, пред многу години, е издаден на некои приватњаци кои никој не ги знае. Додека под туш го конципирате својот настап на состанокот, знајте го и ова.

Будалестата ритуалност на британскиот монархизам оди во толку бизарни детали што постои протокол дури и за кралскиот пчелар во случај на смрт на монархот: треба да оди од кошница до кошница, да им ја соопшти тажната вест на пчелите и притоа да им каже да не се секираат.

20 сопственици на автомобили Тесла од Норвешка започнаа штрајк со глад заради дефекти во нивните коли и незадоволство како тие проблеми им се решаваат. Гладот победи веќе првиот ден. А Илон Маск поштено ги затрола.

Пријавувањето патенти и заштитувањето трговски марки се стандардно досадни и сувопарни случаи. Но, чат-пат знае да се појави и некоја помрсна епизода. Надлежните во САД неодамна решија дека никој не може да поседува ексклузивно право и на таа основа да заработува од омилената пцовка на англиски јазик.

Две миризливи супстанци, деканал и недеканал, потсетуваат на мирис од кора на портокал но најпрепознатливи се во култниот мирис на Коко Шанел, легендарната Петка. Истражувачите сега откриле дека токму тие две супстанци се оние кои ги привлекуваат комарците кај луѓето. И оние што не користат Шанел.

Транссексуалната ќерка на Илон Маск официјално побарала менување на своето име „во согласност со нејзиниот нов идентитет“, а за да не оди два пати по шалтери во исто време се откажала и од својот татко Илон.

- Кај се, што не доаѓаат? - со векови се прашуваат луѓе во недостаток на недвосмислени докази дека нашата планета е, или била посетена од вонземјани. Една нова хипотеза дава можен одговор кој не е баш охрабрувачки. 

Соочени со недостаток на пилоти заради што почнаа сериозно да откажуваат летови, авиокомпании од САД планираат мерки за полесен и побрз тренинг за пилоти. Меѓу другото, веќе се бараат дозволи за двојно кратење на потребните часови летање од оние што се бараат сега.

Американски универзитет ќе му плати добра цифра на свој професор кого го има казнето затоа што на машки студент му се обраќал како на машко а овој сакал да му се обраќаат како на женско.  Професорот случајот го добил откако се повикал на своите верски права и убедувања по кои се знае што е машко а што женско.

Безобѕирно сељачиште се удира во жена во супермаркет и прави таа да ја згреши лото грепката што сака да ја купи, и сега жената е побогата за 10 милиони долари.

Научници ќе почнат во вселената да испраќаат порака која ја содржи точната локација на нашата планета во универзумот, иако Стивен Хокинг им викаше да не си играат со таква идеја. Бидејќи кога ќе нè најдат, може и да не биде „домаќине, добри гости ти дојдоа“.

Писател кој треба да одржи неколку предавања на тема Достоевски деновиве е откажан од државниот Универзитетот во Милано - Биока, заради почетокот на руската инвазија.

Меѓу Викинзите кои пред 1.000 години ја пустошеле Шкотска можеби имало транссексуални воини, е новиот правец на размислување што го пренесува Сандеј тајмс.

Германија е позната по тоа што нема ограничување на брзината на нејзините автопатишта, но еден чешки милионер допрва ќе треба да види каде се границите на ваквата толерантност.