„Толку многу загинати за толку малку резултати,“ кратко ја прокоментира Илoн Маск фамозната контра-офанзива на Украина која требаше да го сврти курсот на војната. Тоа беше негов коментар на веста на Политико дека и во редовите на конгресното тело кое важи за најголем поборник за помош на Украина доаѓа до мислење дека војната не може да се добие и дека е време за преговори.

Руската Дума едногласно се согласи дека во иднина народните претставници ќе возат само автомобили од руско производство додека се на работа или службено патуваат некаде.

Досегашниот исход на западните санкции врз руската воена индустрија е дуплирање на производството на тенкови и дуплирање на производството на артилериска муниција, а руското производство на муниција е 7 пати поголемо од западното.

Скијачкиот центар Ла Самбуј во близина на Монт Блан одлучи да ги демонтира сите ски-лифтовите и целосно да престане со работа откако минатата сезона само 4 недели имаа снег и тоа минимално. Највисоката патека во центарот започнува од 1.850 метри.

Напредокот што Украина го има деновиве не е ни од блиску напредокот кој беше очекуван да го има пред почетокот на контраофанзивата. Од една страна украинскиот успех на фронтот никако не е за потценување, од друга страна тој е крајно занемарлив во однос на западните предвидувања и очекувања.

Јужна Африка дозна дека фармацевтските гиганти не само што ги дереле за ковид вакцини и им наплаќале повеќе отколку на земјите од Европската Унија туку и дека додека властите стандардно уверувале дека вакцините се „сигурни и безбедни“, морале да потпишат признание дека 'знаат дека не знаат' дали е баш така.

Мексиканската имиграција во САД отсекогаш постоела но во последно време, бројките на оние кои влегуваат преку јужната американската граница се без преседан. Само во еден месец имало 10.000 мексикански мажи жени и деца без документи. За контекст, во цела една година на Трамп имало 6.000 илегалци.

Толку од Сана Марин. Некогаш најомилената премиерка во историјата на Финска и најмлада во светот која ја обавува таа функција реши да се повлече од политиката. Млада, убава и прогресивна, беше ѕвезда меѓу западните квази-левичари кои го обожаваат НАТО и храбро му се силеше на Путин, споредувајќи го со Хитлер. Знаете кај отиде? 

Во феврари Индонезија ќе бира нов претстедател. Заминувањето на актуелниот, од народот саканиот Џоко Видодо остава празен простор а империјата не може да си дозволи тоа да мине без нејзина контрола. Уште еден крвав пуч како на времето со Сукарно/Сухарто не е опција, па ќе се оди со проверената формула: „промоција на демократијата.“

10 од 31 ветен Абрамс М1 тенк треба да се во Украина до средината на септември, а луѓето што треба да управуваат со нив ја комплетираа обуката и се подготвени да излезат на фронт.

Авионот во кој загина Пригожин е од бразилско производство и по таа основа бразилски тим истражители треба да учествува во анализата на несреќата. По основа дека не се заинтересирани за какви било странци да им се појават, Русија го информираше Бразил дека нема потреба никого да праќа.

Западните сојузници имаат волја да ги обучат и опремат украинските војници, Украина има волја и луѓе кои сакаат да научат од западните сојузници за да можат да ја ослободат татковината. Тоа што фали е луѓе кои ќе помогнат двете страни да се разберат.

Т-64 ниту е најдобар, ниту е најбрз, ниту е најмоќен, ама го има во доволен број и Украинците доволно не го жалат за да може да ја заврши најтешката работа во контра-офанзивата - да отвора пат низ руските мински полиња.

Како дел од неофицијалните подготовки за претседателските избори 2024 Кремљ веќе има список на подобни противкандидати на Путин, објавува Медуза.

Една четвртина од европските ски ресорти секоја втора година ќе бидат во минус со снег доволно за да не можат да работат, се тврди во едно опсежно истражување кое го анализира покачувањето на просечната температура за 2 степени Целзиусови.

Додека Вашингтон официјално е на ставот „не им се мешаме на Украинците,“ Њујорк тајмс во улога на гласило на Пентагон го објавува украинскиот генерал кој според американската воена врхушка со својата стратегија спречува поголем успех на контраофанзивата.

Украина потроши 3% од американскиот воен буџет за да уништи половина од руската армија гласи победничката пресметка на високиот републикански функционер Линзи Грем, која доаѓа со минимален обѕир за десетиците илјади загинати Украинци кои го овозможија така триумфалниот резултат за Американците.

Кралството повеќе нема да може да ги игнорира барањата за исплата на обештетување за трансатлантската трговија и користењето робови од Африка, порачува еден од водечките судии на О.Н., Патрик Робинсон.

Американски и украински функционери со недели имаат „интензивна дебата“ околу стратегијата и тактиките неопходни за оживување на заглавената контраофанзива, пишува Вол стрит журнал, додека во исто време Њујорк тајмс пренесува американски и западни функционери кои ги критикуваат Украинците дека преголем број единици им се распоредени на погрешни места.

Ако Русија на толку бомбардирање на Киев ништо посебно не го наруши функционирањето на главниот град и украинската влада, тогаш Украина уште помалку предизвика какво било посериозно пореметување во Москва. Дури Украина и да ги добие посакуваните ракети, тие нема да ја решат војната. Пресудно за војната е колку Украинци се подготвени да излезат на фронт.

Европа почнува да си признава дека убиството на човекот што ја чуваше европската граница од Африка, а и стабилноста на целиот тој таму регион, е грешка која се уште се плаќа.

Спречени од минските полиња Украинците нема да ја остварат клучната цел на контраофанзивата да стигнат до Мелитопол  стои во процената на ситуацијата изработена од американското разузнавање.

Поранешниот американски претседател и кандидат за иден, Доналд Трамп, одлучи дека нема да се појавува на партиската претседателска дебата на Републиканците, затоа што и онака е многу понапред од сите други конкуренти.

Претседателскиот кандидат кој се бори за републиканска номинација ги објави фундаменталните принципи и ставови на својата програма во форма на десет (божји) заповеди. Со содржината може да се согласувате или не, ама ни се бендисува таа форма на политичките понуди, во десет точки да кажеш кои се твоите фиксови, да нема после: ај уште ова, ај уште она...