Сè повеќе Германци не можат да излезат на крај со поскапувањата на киријата, храната и на струјата, па решаваат да се „ресетираат“ со личен банкрот. На таква процедура лани се решиле  речиси 108.000 луѓе, а годинава се очекува нивниот број да се зголеми. Од маката на должниците профитираат приватни агенции, која даваат оценки за кредитната способност.

Министерството за правда конечно ги објави документите од досието за Џефри Епстин кои се однесуваат на Доналд Трамп. Од содржината, јасно е зошто не биле вклучени во големите пакети. Документот ФБИ 302 е извештај за жена која го обвинила Трамп дека сексуално ја нападнал кога била тинејџерка - ја присилувал на орален секс и ја удрил откако таа го гризнала за пенисот.

Некој го имаше убедено Доналд Трамп дека Исламската република блефира кога се закануваше дека ќе го затвори Ормускиот теснец.  А преку тој премин не поминуваат само енергенсите туку и храната за земјите од Заливот. Наталожените милијарди долари не можат да ја победат артиметиката на пустината а оние што заминаа таму, сега сфаќаат дека цело време биле на „Блискиот исток.“

Истрагата спроведена од американски воени истражители укажува дека САД „најверојатно“ се одговорни за нападот врз иранското училиште во кој загинаа повеќе од 150 девојчиња. Ако се потврди одговорноста на САД, овој напад би бил еден од најкрвавите масакри со цивилни жртви во повеќедецениските американски интервенции на Блискиот Исток.

Пекинг ја посвети измината петолетка на забрзан развој на технологијата. Во следната планира да  ги вгради иновациите во индустријата за да го зацврсти своето место во светот. Ќе се посвети на технологиите на иднината, како квантните компјутери, нуклеарната фисија и вештачката интелигенција. На Кинезите никогаш не им се брзало, но веќе стигнаа до светскиот врв.

Пентагон и најмалку еден сојузник на САД од Блискиот Исток се во преговори со Киев за купување евтини оружја кои во војната во Украина се покажаа ефикасни во одбраната од ирански проектили Шахед. За да уништат дрон од 30.000 долари, арапските земји користат ракети што чинат милиони. Плус, брзо им се троши муницијата.

За да ја прогласат Револуционерната гарда за терористичка група, како увод во војната против Иран, западните лидери се повикаа на сомнителен извештај дека режимот во Техеран убил 30.000 луѓе при задушувањето на протестите. Овој крвав биланс не е поткрепен со докази, туку потекнува од компромитиран извор, легитимизиран и проширен од новинарка во Гардијан.

Европското јавно обвинителство активно води повеќе од 500 истраги за измами поврзани со фондот на ЕУ за закрепнување од пандемијата со кои била направена штета од вкупно 5 милијарди евра. Две третини од случаите се за Италија, која побара и доби најмногу пари. Фондот ќе биде затворен во август, а непотрошени останаа 183 милијарди евра.

Трамп вели дека нема намера за копнена инвазија врз Иран, но бара сојузници кои би го сториле тоа наместо Американците. ЦИА преговара со курдските милиции од регионот да отворат фронт во западен Иран и да поттикнат народно востание. Израел со проектили веќе им го чисти патот. Ова води кон граѓанска војна, во која Турција и Пакистан нема да останат рамнодушни.

Трамп неодамна јавна ја пофали ВД претседателката Делси Родригез за кооперативност со САД и ја поздрави Венецуела како „нов пријател и партнер“. Во бекстејџ, сосема друга приказна. Американските обвинители работат на бекап план и билдаат обвинение против неа, во случај да поверува дека стварно таа ја води државата и да заборави дека Вашингтон ја држи на краток ланец. 

Уште пред да ги истрелаат првите проектили врз Техеран, САД потрошиле 630 милиони долари на собирањето на армадата во Персискиот Залив. За операцијата Епски гнев се проценува дека ќе потрошат близу 200 милијарди долари. И тоа во најдобро сценарио. Ако војната ескалира и продолжи со месеци, трошоците за Америка ќе бидат уште повисоки.

„Војната е мир“ беше еден од слоганите на Министерството за вистина во романот „1984“ на Џорџ Орвел. Во таа приказна се вклопува Одборот за мир во Газа, кој Трамп го замислува како нови Обединети нации, ама од Тему. Повеќето од земјите чии лидери ја прифатија поканата за членство се обвинети за прекршување на човековите права, дури и од Стејт департментот.

Една од причините зошто Американците гласаа за Трамп е зашто не сакаат нивни војници да гинат на далечни фронтови. Трамп ги критикуваше воените авантури на своите претходници и се претставуваше како миротворец кој запрел осум војни. А, всушност за една година нареди повеќе напади отколку во целиот прв мандат, од Карибите до Персискиот залив.

Насер Макарем Ширази, еден од двајцата шиитски верски лидери што ги повикаа муслиманите да ја одмаздат смртта на Али Хамнеи, своевремено во Британија формирал добротворна организација и добил грант од 15.000 фунти за промовирање религиозна толеранција. Повикот за крвна одмазда на Хамнеи досега најжестоко одекна во Ирак и во Пакистан.

Разни извори потврдуваат дека преговорите со Иран течеле добро и дека Техеран прифаќал и услови кои претходно, уште од времето на Обама, му биле неприфатливи. Па сепак Иран беше нападнат. Преговорите беа само маска, одлуката за војна е донесена неколку недели претходно а скриптата е позната со децении. Венс немаше што попаметно да каже па рече дека отстапките на Иран „не им мирисале добро“   

Иранскиот режим ги користел камерите за безбедност на сообраќајот во Техеран за да ги следи своите противници. Но, камерите пред години биле хакирани и од израелската служба Мосад, која будно следела сè на улиците. И кога во саботата специфична колона возила се паркирала пред резиденцијата на ајатолахот, биле лансирани проектилите што го убија Али Хамнеи.

Војна на Трамп против Иран веројатно ќе го задоволи само Израел. Едвај една четвртина од Американците ја одобруваат неговата ризична воена авантура, покажува нова анкета. Токму падот на поддршката се толкува како една од причините зошто на САД и на Израел им се брзало да ја почнат војната, пред да им се затвори целосно „прозорецот“ на одобрување од јавноста.

Неколкумина коцкари заработиле стотици илјади долари од смртта на Али Хамнеи и од несреќата на Иранците. Непосредно пред да почне војната, се обложиле дека ајатолахот „повеќе нема да биде на власт“. Одлуката за нападот ја знаеле само најблиските соработници на Доналд Трамп и на Бенјамин Нетанјаху. Синот на Трамп е советник во кладилницата Полимаркет.

САД и Израел можеби се излажале во планот дека со бомбардирање и ликвидација на иранските лидери ќе го соборат режимот во Техеран и ќе воспостават целосна доминација на Блискиот Исток и во светот. Американскиот економист Џефри Сакс предупредува дека судирот може да прерасне во светска војна, бидејќи Иран дава силен отпор и има моќни сојузници.

Ако германската индустрија сака да се натпреварува со автомобилите и роботите од Кина, промените мора да почнат од основното образование. Нови податоци покажуваат дека рекорден број од над 41.000 ученици го повториле првото одделение. Ова е најизразено во средините со имигранти, каде што децата не одат во градинка и не знаат да зборуваат германски.

Милиони возачи на електрични автомобили во Британија со години биле следени од владата преку нивните мобилни телефони. Операторите O2, Tesco и Sky Mobile, доставувале до владата историја на сообраќајот на интернет и записи од апликациите ако било кој во колите барем еднаш месечно се најавувал на веб-страницата поврзана со електричните возила.

Освен што сведочат за педофилијата и уцените во кругот на американската и светската елита, досиејата на Епстин ја откриваат и стратегија со која ултрабогатите додаваат милијарди на своето богатство. Ремек-делата од сликари од рангот на Пикасо не само што им ги красат салоните во палатите, туку и им даваат пристап до заеми од стотици милиони долари.

Експертката на ОН Франческа Албанезе обвинува европски земји дека се придружиле во обидите на САД да ја отстранат од позицијата само поради тоа што ги критикува израелските напади врз Газа. Нејзиното семејство поднесе тужба против администрацијата на Трамп, која ѝ ги блокира сметките за да ѝ го направи приватниот живот неподнослив. 

Планот на социјалистичкиот премиер Педро Санчез за масовна легализација на половина милион имигранти може да пропадне, зашто Шпанија нема капацитет да обработи толку многу барања. Канцелариите се преоптоварени со барања од лани, нема упатства за апликациите, а имигрантите им плаќаат на посредници да им обезбедат термини.