Украина призна дека нејзината војска се повлекла од кварт во предградието на Часив Јар, стратешки  важниот град во источниот регион Доњецк кој е претворен во урнатини после повеќемесечни руски напади. Само последната недела Русите извеле речиси 1.300 напади врз градот чие освојување ги доближува до целта да го поседуваат цел Доњецк.

„Врховниот суд му даде правно ОК на Бајден да изврши атентат врз Доналд Трамп“ е насловот на текстот во кој Хафингтон пост ја пренесува веста дека Врховниот суд на САД го признал имунитетот на Трамп.

На Украина наскоро ќе и биде кажано дека е премногу корумпирана за да може да се приклучи кон НАТО, и дека преговорите за членство нема да можат да продолжат се додека земјата не го среди проблемот со корупција, пишува британски Телеграф.

Владеачките конзервативци на Риши Сунак се подготвуваат за сдсм-овски дебакл на изборите иако премиерот се надева дека ќе извлече нешто во последна минута, како Англија против Словачка на Европско. Лабуристите очекуваат голема победа и иако досега не зборуваа многу за односите со ЕУ, последната порака на нивниот лидер јасно дава до знаење дека Брегзит останува на сила.

Обвинението што доаѓа од агенцијата на О.Н. за комуникациска технологија е дека во руската ексклава Калининград се наоѓа  базата од која се нарушува работењето на сателитите што ја опслужуваат Унијата.

Доколку американскиот претседател предвремено ја заврши изборната трка, неговата потпретседателка би била јасен фаворит за Демократската партија и покрај нејзините политички слабости, пишува Вол стрит журнал.

Еден американски новинар седум години водеше правна битка со две администрации кои му бараа да ги открие изворите за негова приказна за ЦИА. На крајот победил, но комплетно исцрпен. Вели дека главната стратегија на државата во такви случаи е да ги банкротира и ментално да ги потроши луѓето, за на крај да прифатат договор наместо да одат на судење.

Претседателот Џо Бајден има проблем со својата изборност. За да се спротивстави на таа реалност - евидентна со месеци, но сега ставена во центарот на вниманието после катастрофалната ментална кондиција покажана во дуелот со Трамп, неговиот тим промовираше анкета според која осум други демократи ќе загубат со слични маргини како него.

Горењето фосилни горива ја ладело планетата додека во исто време и ја загревало, гласи новиот официјален научен став околу климатските промени кои ни се случуваат.

Своевремено, француската крајна десница беше толку токсичен бренд што дури и кога имаа изборни успеси, беше Бабарога со која никој нејќе да си има работа. Меѓутоа, Марин Ле Пен 15 години ја чисти партијата од таквиот имиџ и денес таа од широкиот електорат се перцепира како нормална партија. Или пак, во меѓувреме сè наоколу стана толку лудо што дури и овие заличеа на нормални.  

Канадскиот министер за одбрана во времето на падот на Кабул, Харџит Саџан, им наредил на канадските специјални сили да започнат со евакуација на 225 авганистански Сики од Авганистан, и на тој начин ускратил ресурси од мисијата за спасување на канадски државјани во земјата и Авганистанци поврзани со Канада.

Не само што ќе треба многу време за да се осети ефектот од Ф-16 на фронтот, туку и очекувањата на сите страни не треба да бидат премногу високи, порачува првиот човек на данските воздушни сили, кои ги обучуваат украинските пилоти.

Неодамнешниот обид за воен удар против боливискиот претседател беше многу краток и многу мирен. Можеби премногу. Штом работата се врати во нормала, започнаа гласини дека тука нешто изгледа не штима и дека така не се прават пучеви во земја која има видено речиси 200 во својата историја. Муабетот е дека претседателот сам го има инсценирано пучот, за да ја зајакне позицијата која му е лабава и во државата и во партијата.

Министерката за животна средина на Малдиви и уште двајца други се уапсени затоа што се обиделе да употребат црна магија против претседателот на Малдиви.

Меѓународниот кривичен суд реши да го одложи носењето одлука дали да му дозволи на главниот обвинител Карим Кан да издаде налог за апсење на израелскиот премиер Бенјамин Нетанјаху и министерот за одбрана Јоав Галант за извршени воени злосторства во Газа.

Американскиот претседател цела недела во Кемп Дејвис се подготвуваше за соочувањето со противкандидатот Трамп. Тој и неговите бараа соочување, тие го одредија местото и правилата (CNN, микрофон да се исклучува додека зборува другиот). Конечно почна дебатата и инстантно се создаде паника меѓу Демократите: Нема џанам стварно со него да излегуваме на избори?

Не може човек да го суди Асанж што ги прифати условите на неговото пуштање на слобода после толку години егзил и притвор и прогон и закана со доживотен затвор, но длабоко неправедно и педерски е како Американците го принудија да признае едно од делата, односно да потпише дека е виновен. А не да не е виновен туку е заслужен за отворање на најголемиот прозорец во мрачните тајни на големата и валкана политика.

Владејачката данска коалиција се согласи на годишна давачка за сточарите за загадувањето со стакленички гасови што доаѓа од нивната стока, што ќе биде првиот карбон данок во земјоделството во светот.

Канцелариите за социјална помош и други агенции во 49 американски сојузни држави почнале да им издаваат формулари за гласање на изборите во ноември на мигранти без воопшто да им побараат доказ за американско државјанство.

Доколку на парламентарните избори во Франција победи нешто крајно, без разлика дали десно или лево, тоа би можело да предизвика граѓанска војна во Франција, предупредува лидерот на ни крајно левата ни крајно десната опција во земјата, Емануел Макрон.

Двајца клучни советници на Доналд Трамп му изработиле план за ставање крај на војната во Украина кој се базира на прекинување на воената помош се додека Киев не прифати да започне мировни преговори со Москва.

Планот на организаторот на Летната Олимпијада 2024 да го намали загадувањето од Игрите со тоа што во ниту една соба во Олимпиското село нема да има клима уреди, само што беше нарушен со стотици клима уреди кои САД ќе ги инсталираат во собите на своите спортисти. САД обично ја имаат најбројната репрезентација на Олимпијадите.

Џулијан Асанж е ослободен од затворот во Велика Британија и веќе е качен на авион, откако успеа да постигне спогодба со американското обвинителство.

Годинашниот аџилак во Мека се случува сред топлински бран за време на кој во повеќе наврати температурите надминаа 50 степени Целзиусови. Најголемиот дел од загинатите се аџии кои решаваат да испешачат големи дистанци сред горештините.