Како дел од програмата за протерување што е можно повеќе нелегални мигранти администрацијата на Трамп постави и кодошка телефонска линија на која анонимно можеш да пријавиш некој од оваа група. Неочекуван нус-производ на ова е бројот на луѓе што тајно пробуваат да ги депортираат роднините на својот партнер/ка.

Без да им кобиме, ама не само што Италија заради Ватикан претставува најпосакуваната мета на исламистичките терористи, туку до сега по целата логика „мигранти = тероризам“ земјата требаше да биде редовно во глобалните вонредни вести.

На неодамна одржаните избори во Германија од мртвите се врати една партија, чиј харизматичен лидер изгледа и се однесува како американски бизнисмен. Неговата платформа ги поттикнува сограѓаните да станат (дигитални) претприемачи и да се фокусираат на личното богатење. Зошто ваквиот техно-либерализам не поминува масовно кај германските гласачи?

Технички Меркел го освои 4-от мандат како Канцеларка, ама она што ја потресе тамошната јавност е што крајно десната Алтернатива за Германија стана третата по бројност партија во Бундестагот и прва крајно-десна партија што влегла во германскиот парламент од 1950-те.

Занимливо е да се мозга како еден замислен просечен Македонец ќе ја прочита (доживее) приказната за Мијанмар и Рохинџите. Дали во Рохинџите ќе ги види македонските Албанци (заради нивниот муслиманскиот сепаратизам) или пак нивната ситуација повеќе ќе му асоцира на Македонците во Грција (заради обесправеноста и проблемот со името). Меѓу нас кажано, оваа енигма се потпира на една луда идеја: дека просечниот Македонец воопшто ќе прочита за што се работи.

Неколку месеци откако личното обезбедување на Ердоган сред главниот град на САД, пред полиција, медиуми и што уште не, потече од ќотек една група анти-Ердоган демонстранти, турскиот претседател одлучи додека е во Њујорк да одржи говор. На говорот дојдоа нови демонстранти, ама и ново обезбедување (на тие од Вашингтон ДЦ привремено им е забранет влез во САД).

Италијанско градче реши да воведува бесплатни паркинг места резервирани исклучиво за жени. И наиде на лавина осуда од  - жените. И не заради тоа што паркинг местата се со стандардна големина, то ест им се мали.

Успешно играјќи на подемот на крајната десница и резултати како брегзит и Трамп, Макрон низ целата претседателска трка против Ле Пен прилично добро успеа да ги камуфлира своите намери и планови за намалување на работничките права во Франција. Како што обично бива со нова власт, уште во првите денови од доаѓање на функција тој неповикано се фати да ги решава темите што никој не побара од него да ги решава.

По три месеци и три рунди од почетокот на преговорите, главниот преговарач на ЕУ за брегзит Мишел Барние, на крајот од август го сумираше дотогашниот тек: ниту една страна нема направено никаков значителен прогрес околу кое било клучно прашање.

Претседателот на Европската комисија Жан Клод Јункер в среда треба да го одржи своето годишно обраќање во Стразбур. „Ќе ве убедува дека ЕУ е мед и млеко. Ајде да видиме одблиску каква навистина ситуацијата“, пишува пратеничката на Европскиот парламент, Дајана Џејмс. 

Победата на Макрон на француските претседателски избори беше дочекана како пресвртницата што ќе доведе до големото враќање на левицата и доказ дека политиката од лева ориентација и понатаму може да победува на гласачките кутии. По само 100 дена од неговото владеење, ова звучи како присетување на некои дамнешни златни времиња.

Римските императори не се осмелувале да прегазат источно од Елба. Исто и Карло Велики. Векови подоцна, иако е денес река која минува низ една  земја, источно од неа луѓето се поблиски до некогашните идеолошки браќа од комунизмот, отколку од сегашните браќа по националност. 

Неочекувано соочен со неколку векови стариот план за арабизација на Германија, градоначалнички кандидат од германската крајно десна, антиимигрантска партија НПД, вети дека ако биде избран ќе ги укине арапските бројки.

Најавен речиси веднаш по експедитивното анектирање на Крим од Украина, работата на мостот се одвива со запазување на рокови на ниво на организација на Олимпијада. Следната година треба да почне патниот сообраќај преку мостот, а во 2019 и железничкиот.

Форбс пишува дека САД треба да почнат да размислуваат во поконкретни термини за можноста од напад од Северна Кореја. Би било тоа класично ширење милитантна параноја додека не ви текне дека на едната страна на клацкалката седи некој како Ким а на другата некој како Трамп.

Само еден месец откако комплетната постава на Европската Унија ја направи ненормална ако мисли дека Британија ќе ги плати трошоците за излегување од Унијата, британскиот министерот за надворешни работи во интервју за Бибиси ја изгуби својата брегзитерска невиност порачувајќи - ма нормално дека ние сè ќе си платиме. Цехот за кој се нечкаат е околу 100 милијарди евра.

Без разлика како изгледа лудилото на кој и да управува со Северна Кореја, на секој тамошен владетел му е кристално јасно дека напаѓање на САД со нуклеарки без сомнеж ќе резултира со одговор кој неизбежно ќе ја претвори земјата во еден џиновски кратер.

Во Америка е, кај ќе биде :) Сè уште не може да го поднесе Трамп но деновиве мора по медиуми да чита како токму неговите гласачи биле клучни за победата на цепаницата.

Американската амбасада во Авганистан го смета 5-минутното возење од своите канцеларии до аеродромот во Кабул како премногу ризично, заради што целиот свој персонал од точка А до точка Б го префрла со хеликоптер.

Хасан Зубиер е шведскиот турист кој во петокот се најде во Турку и со своето тело се обиде да заштити две жени од нападот на 18-годишниот убиец, инаку бегалец од Мароко.

Во саботата стотици националисти, припадници на алт-десница и нео-нацисти пристигнуваат во Шарлоствил, Вирџинија за да учествуваат на собирот "Обединете ја десницата". Во саботата вечерта тројца луѓе се мртви, една демонстрантка против гореспоменатите и двајца полицајци, а 34 се повредени.

Во новата епизода од Волт 7 серијалот од протечени документи на ЦИА, Викиликс објавува за Дамбо програмата, чија намена е вклучување и гасење на камери и микрофони на кој било Виндоус компјутер, и корумпирање веќе снимени видеа.

Во еден алармантен повик за будење на своите политички шефови, воената каста во Америка, преку Пентагон предупредува дека доаѓа крај на американската доминација во светот. Интересно е што опасноста веќе не се гледа само во растот на традиционалните непријатели (Русија, Кина, Иран, Северна Кореја) туку и во реалната можност арапската пролет да затропа на погрешна врата.  

Американскиот претседател одлучи да стави крај на тајната програма на ЦИА за вооружување и обука на сириски бунтовници кои се борат против владата на Башар ал Асад. На ова претходеа неколку најави од Тилерсон и американските медиуми дека САД ќе остават Русија да решава за судбината на сирискиот претседател.