Британски камионџија е запрен и претресен на холандската граница (пред камерите на една холандска телевизија) по што инстантно му е запленет - сендвичот со шунка, затоа што ЕУ забранува внесување месо во Унијата од земји што не се членки.

Објавата е од претседателката на Европската комисија и следува по целовечерни преговори меѓу двете страни.

Во продолжение од Лига Европа, а паралелно со излегувањето на Британија од Европскиот сојуз, луѓето од ФК Копенхаген спремија необично видео на темата (со келтска детелинка со сè) во пресрет на мечот со шкотски Селтик (четврток 18.55)

Меѓу ставките што ќе треба да се испреговараат за Британија да добие пристап до пазарот на ЕУ, по инсистирање на Грција беше додадено и враќањето во Грција на купот антички мермерни плочи што Британците своевремено го крадат од Атина.

„Мир, просперитет и пријателство со сите нации“, гласи текстот на новата монета која треба да излезе на денот на истапување на Британија од ЕУ, 31 јануари. „Неписмени!“, реагира славниот автор Филип Пулман, посочувајќи дека во реченицата фали тн. „оксфордска запирка“.

Во 23 часот во петок Британија и официјално (сега веќе без можност за одложување) ја напушта Европската унија. За разлика од 1-ви јануари 1973, овој пат ќе нема никаква свеченост за обележување на моментот.

Иако референдумот не создаде нови поделби туку само ги освежи старите, 3 години одолговлекување на почетокот на брегзит ги растури врските што ја држат Британија заедно, пишува Нил Ашерсон во колумна за Гардијан.

Британски психијатар ја алармира јавноста дека во земјата веќе е регистриран еден случај на психоза предизвикана од нервоза околу брегзит и сè што се случува околу него.

Секој од партнерите на Прајсвотерхаускуперс годинава ќе добие над 800.000 евра, откако компанијата собра над 1 милијарда од консултантски услуги за британските компании извадени од памет од неизвесноста околу брегзит.

Во интервју што како едвај да го чекаше, поранешниот британски премиер, и човекот кој го организираше референдумот за брегзит, меѓу другото порача дека уште еден референдум за брегзит е возможен, и дека крив за сè е сегашниот британски премиер.

Благодарејќи на една прастара опција во британските закони, на барање на премиерот Џонсон британската кралицата Елизабета Втора го распушти парламентот. Луѓе сега имаат проблем што човек избран од нула луѓе (кралицата), отпушти луѓе кои ги имаат сите гласови на британските гласачи (парламентарците).

Во сите кампањи што последниве две-три години ги водеше Борис Џонсон проникнуваше по некоја излудена идеја којa никој не веруваше, а тој ветуваше, дека ќе може да ја истера. Сега веќе не е во кампања, ама идеите му се исти како да е.

Милиони брегзит монети од 50 пени ќе бидат пуштени во оптек на 31-ви октомври, последниот ден на Британија во Европската Унија.

До Гардијан протекува ревизорски извештај според кој британските власти имаат исплатено над 110 милиони евра народни пари на најразлични приватни советници и консултанти кои биле ангажирани на тема брегзит.

Армагедонот е на повидок. Борис Џонсон е тргнат кон бр. 10 и нема ништо неискрено, нерепутабилно па дури ни доволно скандалозно што тој може да направи што би ја спречило неговата партија да го избере. Тие ги знаат сите негови лаги, мрза и нарцизам, и пак не им е гајле.

Вистински тунел е, само што не е ископан баш помеѓу двете држави, туку помеѓу нивните павиљони на Венецијанското биенале, кое почнува денес, 11 мај.

Стравот е дека како што тргнало брегзит ќе стартува без договор со ЕУ, што во перцепцијата на Британците може да доведе до некои апокалиптични сцени низ островот, заради што врвот на тамошната полиција реши да активира засилување од 10.000 полицајци.

На 23 јуни 2016 Скај њуз го започнува своето покривање на резултаите од гласањето во 22:00 точно во моментот на затворањето на гласачките места за референдумот за брегзит. Во првата минута ја објавуваат изјавата на Најџел Фараж, кој на изненадување на сите веднаш признава дека противничката кампања за останување во ЕУ најверојатно победила. Неколку минути подоцна идентично предвидување дава и првиот човек на угледниот ЈуГов. Како што се емитуваат изјавите така почнува да расте и вредноста на фунтата.

Би-би-си вонредната вест за гласањето за брегзит ја објави како „спектакуларен пораз за Тереза Меј“. За разлика од нив, европските медиуми само сакаат да заврши сето ова.

Леонид Бершидски, коментатор на Блумберг, проценува дека Брегзит и непопуларноста на Трамп се закана за иднината на „англосферата“ - културното, интелектуалното и политичкото влијание на Британија и САД. Па сепак, англискиот ќе си продолжи, иако по можеби сосема нов пат. 

Доколку брегзит сапуницата заврши без договор, ЕУ ќе застане зад Шпанија во однос на еден спор што земјата го има со Британија околу Гибралтар. ЕУ не се заканува, само кажува.

Без разлика што двете држави немаат никаква сличност во однос на пари и моќ, ЕУ имаше слична стратегија за справување и со двете. Со таа разлика што за Грците, планот остана во фиока.

Уште една од неброените дебати околу брегзит на британските телевизии, со таа разлика што овој пат една од анти-брегзит активистките (инаку академик на Кембриџ, а и феминистка) решава на дебата да дојде топлес, за луѓе да почнат да обрнуваат внимание на она што го зборува. Жената добива поддршка.

Норма Перси жената која е зад документарецот од 1995, „Смртта на Југославија“, и уште дузина слично сериозни дела, на Би-би-си го објави својот нов документарец за тоа како Британија стигна до брегзит. Документарната серија од 3 епизоди почнува со тоа како Дејвид Камерон доаѓа на власт.