Британските медиуми пренесуваат една многу наивна сторија според која на главниот преговарач на Меј за брегзит, Оли Робинс, сред бар во Брисел му се испуштила тајната стратегија на британската премиерка за решавање на брегзит, додека во исто време во близина седи еден британски новинар.

Периодов од прашина се извадија планови од времето на Студената војна за безбедно сместување на британското кралско семејство вон Лондон, но овој пат намената им е во случај Британците по излегувањето од ЕУ да решат да се свртат кон анархија.

Од 30-те месеци што ги имаа до брегзит, на Британците им останаа уште едвај два. Додека политичарите се заглавени и држат тензија до последен момент што како ќе се случи, купувачите ги полнат своите шпаизи со резерви, а супермаркетите и компаниите купуваат нови џиновски магацини за своите залихи.

Тоа што брегзит е во мат позиција не е грешка на британската премиерка Тереза Меј, туку самиот процес на преговори е така поставен да мора да заврши со неуспех, а вината за тоа прво и најмногу лежи во Брисел.

Пишувајќи пред неодамнешното гласање со кое беше одбиен планот на Меј за брегзит, колумнистот на Гардијан, инаку Данец, пренесува како целата драма им изгледа на сите други кои живеат вон островот: „Извинете што не можеме да бидеме возбудени околу гласањето. Од надвор, тоа личи само како уште повеќе парализирање и илузии.“

Моменталното расположение во делот од Британија што уште не може да го прежали брегзит е дека само човек треба да дозволи втор референдум и Британија останува во ЕУ. Ова не е многу различно од позицијата од која тргна Дејвид Камерон кога реши да им направи мерак на луѓето од својата партија и да организира референдум за напуштање на Унијата.

Наместо долгогодишниот шеф на англиската Премиер лига доаѓа жена која повеќе од 20 години е во телевизиската индустрија и во која „се крстат“ оние коишто ја предложија за шеф на најгледаното првенство на светот. Ја чека многу работа и многу отворени прашања.

Не можејќи да сфати како Британија воопшто заврши на патот на отцепување од Унијата, премиерот на Шпанија, Педро Санчез, повика на второ гласање за брегзит, објаснувајќи дека не му е јасно што чека Тереза Меј за да свика втор референдум.

Бегалката од ЕУ на пет месеци пред брегзит има одново склучено само 14 од 236-те меѓународни договори што ЕУ ги има потпишано со земји низ светот, а Британија како членка активно ги користи.

Тоа што брегзит беше консултативен референдум, неговите резултати (исполнет цензус и само 3% разлика меѓу заминување и останување) на ниту момент вистински не ја поколебаа целата британска бирократска машинерија да тргне кон спроведување на крајниот исход, без разлика што тоа значеше отцепување од ЕУ. Сепак на околу 6 месеци пред заминување не се знае како тоа точно ќе изгледа.

Во последната од серијата европско пердашење во неделата британскиот министер за надворешни работи Џереми Хант ја спореди ЕУ со советски затвор.

Поранешниот директор од Асда и Пепси, Дејвид Ратли, ќе биде задолжен за надгледување и заштита на резервите со храна на Британија сред стравот за излегување од ЕУ без договор.

Додека неколкуте дена на Тереза Меј на самитот во Салцбург беа прогласени за дебакл, а по дома во игра се сите можни комбинации околу брегзит, на помалку од 6 месеци од отцепувањето од ЕУ просечниот Британец уште е збунка што точно е тоа брегзит.

Целата борба се води внатре во Конзервативната партија, каде закоравените евроскептици веруваат дека имаат доволно луѓе на располагање за да ја сменат британската премиерка. Она што ги кочи е што не можат да се договорат за тајминг и за тоа како точно го замислуваат брегзит.

Претстојното своеволно заминување на Британија од ЕУ најверојатно ќе значи повторно околчување на границата меѓу Ирска и Северна Ирска. Ако имате гледано барем едни вести пред 1990-та година, знаете како изгледаше тоа.

Поранешниот британски министер за брегзит, Дејвид Дејвис, низ цел свој мандат повторува дека Британците во 2016 гласаат за напуштање на ЕУ а притоа да ги задржат истите бенефити што ги имаат како членка. На помалку од една година до брегзит британската влада не може да собере доволно гласови во парламент за каков бил реалистичен план за напуштање на ЕУ, ситуација во која втор референдум не е ни приближно незамислив како што беше.

Предупредувањето доаѓа од првиот човек на Амазон во Британија, а дадено е на најофицијално ниво, на состанок меѓу британскиот министер за брегзит, Доминик Раб, и неколку бизнис гиганти од земјата.

Еден од патиштата по кои може да тргне брегзит, што од ден на ден станува се поверојатно, е да се случи парламентарна блокада и да не може да се изгласа планот што Меј го договорила со ЕУ. А ако дојде до тоа одлучувањето повторно се враќа кај народот, по една или друга основа.

Ако брегзит требаше да биде почетокот на трансформација на силите во ЕУ, по кој националните владите ќе почнеа да си враќаат дел од овластувањата предадени на Брисел, на крај тој се претвори во показна вежба зошто не треба да му се спротивставуваш на Брисел.

Како што успешно ја заврши кампањата за брегзит, така Борис Џонсон беше назначен за министер за надворешни работи во новата британска Влада која требаше заеднички да ја носи државата низ преговорите за напуштање на ЕУ. Таму продолжи во истиот стил од времето кога беше градоначалник на Лондон, овозможувајќи и на Тереза Меј десетина пенали за без никакво двоумење да му даде отказ. На крај се случи обратното, Џонсон во знак на притисок врз Меј ја напушти британската влада.

Претседателот на кампањата која одвои милиони Британци од ЕУ, Најџел Лосон, реши дека е крајно време да поднесе документи за добивање неограничен престој во ЕУ.

Од оние безброј италијански владини комбинации, актуелната коалиција е една од најчудните. Составена е од партнери од спротивните краеви на политичкиот спектар кои, освен што не поднесуваат мигранти, ги обединува тоа што не ја фермаат ЕУ.

Британската влада во јули ќе биде домаќин на самит на тема зошто останатите земји од Европа ТРЕБА да ѝ се приклучат на Европската Унија. Британската влада!