Годината е 1928. Во белградска Политика излегува текст за „една наша црна гостинка“, родум од село близу Битола, чедо на Првата светска војна, чиј татко, Сенегалец, војувал на Солунскиот фронт. Новинарски текст како расказ, приказна како за филм.

Филм кој ве вози по жанровски кривини - почнува како „лајтерица“, комедија на забуни и сатира, за подоцна на моменти нагло да сврти во поинакви води, доволно кратко за да не оптовари, но и доволно јасно за да разоткрие силна социјална критика, особено кон поделбата на „градски деца“, растени на чиа и електрични велосипеди, и „провинцијалци“ кои се радуваат на хамбургер. Ама додека првите само го цитираат Чехов, вторите навистина го читале.

„Град“ е скулптурален проект во пустината Невада, кој е толку голем (во должина од 2,4 километри) и чие создавање трае толку долго (половина век) што неговото постоење долго време се сметаше за урбана легенда. На 2 септември тоа конечно ќе биде претставено на јавноста, иако тешко дека ќе има побарувачка за билет повеќе.

Целата приказна личи на онаа од документарецот „Барајќи го Шугармен“. Во семпл искористен на албумот „Мојот живот во шумата со духови“ од 1981 се појавува глас на девојка која никогаш не го дознала овој факт, и покрај тоа што Ино и Брн коректно ги надоместиле авторските права на издавачот. 41 година подоцна работата се исправа.

Ова го кажа Лиса Кудроу, и тоа не злонамерно, туку тотално трезвено - бели се, како да пишуваат за искуствата на тие што не се?

Парма го купува Верон за 15 милиони фунти, Милан инвестира во Бироф за да игра во тандем со Веа и дава 19 гола од кои 14 со глава, а Симоне Инѕаги завршува како подобар стрелец од брат му Пипо и од Роналдо. Какви носталгични времиња.

Во Загреб на Кире му велеле дека стилот му е застарен, а Талант од тој негов стил го извлекол максимумот. На играчите им се поставувал само на еден начин, а тоа е како да бидат добри. Приватно бил многу забавен лик, ама во соблекувална знаел да полуди и да крши сè пред себе.

Пред неколку години во затворите во Европа и Северна Америка започнал необичен тренд - затворските ќелии почнале да се фарбаат во розово. Ова станало толку вообичаено што во 2014 еден од пет затвори и полициски станици во Швајцарија имале најмалку една ќелија во „фламинго“ розе. Зошто?

На тие што сакаат само да се најдат во муабет, па фрлаат со дрва и камења и кај што треба и кај што не треба, се наоѓа човек на кој му се смачува и студиозно ги затнува. Се работи за пост каде што се плука по Дизни затоа што „ја обелил“ Елса, а можела, замислете, да биде - црна!

Членот на „Сплеш браќата“, Клеј Томпсон, еден од најдобрите шутери кои НБА ги имала во последниве 20-ина години, после тешката повреда и 2-годишно отсуство од паркетите, се опорави, се врати и имаше огромен придонес во освојување на нова титула на Голден Стејт Вориорс.

Сијукс Фолс е најголемиот град во Јужна Дакота. А во него има зграда која некогаш била судница, каде се слевале незадоволни сопружници во потрага по едноставен крај на своите бракови. Новинарите од 19 век го нарекувале местото „колонија на разводи“.

2015, 2017, 2018, 2022. Четврта НБА титула во последните седум сезони за Вориорс и вкупно седма во историјата со која го поминаа Чикаго Булс и се искачија на третата позиција по број на титули. Време е за рап.

По страшно напорната сезона со безброј натпревари, кошаркарите на Голден Стејт конечно можат да здивнат и со прослава на нова шампионска титула да го исфрлат целиот психолошки товар кој го носеа сезонава. Заслужено се на врвот иако беа четврти фаворит за титулата пред сезоната.

Игра голф со поранешни американски претседатели, а богами и пишува романи со некои од нив. Неодамна објави книга со Доли Партон, роман базиран на нејзината животна приказна. Веројатно ни сам не знае колку наслови има на свое име, и колку од нив завршиле на врвот на топ листите. Па сепак, човекот се чувствува дискриминиран. 

На почетокот на 20 век, „Доматните клубови“ биле начин младите девојки да се образуваат во областа на земјоделието, но и да се здобијат со вештини кои им овозможувале приход и поголема независност.

Наводно е goth girl summer. Знаете како медиумите на секое лето мораат да му дадат тема, па сега сме биле во гот-фаза. Е па, штом сме во гот-фаза, тогаш пригодно е Марк Џејкобс да си ја прибере Винона Рајдер за новата кампања.

Замислете вие тоа како ќе изгледа.

Читајќи ја „дебелата“ биографија на Хемфри Бартон за Бернштајн (преведена и на македонски), човек не може а да не се праша зошто до сега никому не му текнало да сними филм за овој бескрајно талентиран и необичен лик. Во меѓувреме сепак му текнало, и тоа на Бредли Купер. 

Да не можеш на раат да се израдуваш на Греми за „нов уметник“.

Неофицијалниот совет е од водителот Стив Харви, кој има разработено цела филозофија околу оделата, и според нејзе првото одело на секој маж треба да биде црна боја.

Бели влакна се океј, без разлика дали ги имаш од тинејџерските години, или се појавиле после 35. Може се залутани 5-6, може имате цели прамени, но ако баш ви пречат, тогаш има паметни и непаметни начини да се справите со нив.