Затоа што е „бел“, „елитистички“ и вкоренет во „бели европски идеи“ британската школа за современи танци реши целосно да го збрише балетот од приемните испити.
Самопрогласената „прогресивна институција“ Северна школа за современ танц, одлучила дека балетот претставува „бариера за инклузивност заради исфрлувачкиот финансиски товар за одење на часовите, и затоа што идеализира одредени европски форми на тела, и заради поделбата на улогите по родови линии“.
Објаснувањето на танцовата школа е дека балетот морал да се тргне од примениот затоа што потенцијалните студенти морале да доплаќаат за дополнителни часови за да се запознаат со него.
За школото проблем е и „вокабуларот“ на балетот, во кој се прави строга разлика меѓу балерина и балетан, а на часовите секојдневно се користат термини како „мажи и жени“ и „девојчиња и момчиња“. Плус, самите улоги и движења во балетот се поделени по строго родови линии, кои речиси никогаш не се мешаат.
Претседателот Емануел Макрон предупреди дека ќе ги ограничи граѓанските слободи за да ги запре немирите во Франција, кои од протести поради лошите услови во училиштата прераснаа во демолирања, палења јавни згради и ограбување продавници.
„Префектите ќе соработуваат со локалните власти за да воведат забрани за одредени собири, кога тоа ќе биде потребно“, изјави Макрон.
Во саботата беа уапсени повеќе од 2.300 луѓе, откако протестите против високите трошоци за живот и условите во училиштата прераснаа во општо насилство и хаос. Речиси 1.000 полицајци и жандарми беа повредени, а еден демонстрант починал од срцев удар. Во Лимож беше запалено градското собрание, изградено во 1873 година.
„Штетата е значителна и без преседан. Париз е град на слободи, дебати и демонстрации и мора да остане таков. Но, исто така, мора да биде и град во кој секој може безбедно да работи и да води бизнис“, напиша заменик-градоначалникот Емануел Грегоар во отворено писмо до владата.
Макрон тврди дека причина за немирите е војната во Иран, која ги зголемила трошоците за живот во Франција. Опозициската лидерка Марин Ле Пен ги обвини претседателот и левицата дека ги поттикнале немирите. Американскиот претседател Доналд Трамп како причина за насилството ја истакна политиката на Макрон кон миграцијата.
„Би сакал нашето искуство некому да му помогне да најдат пократок и подобар пат“, им порачува Никола Димитров на надлежните во Загреб и Подгорица кои се најдоа во клинч околу пристапувањето на Црна Гора во ЕУ.
„Знам колку е тешко да се постигне компромис што задира во најчувствителните прашања, а потоа и тој да се брани пред сопствените граѓани. Во истиот град – понекогаш дури и во истиот ден – за едни сте човекот што направил чудо (еве уште не можеме да се изначудиме -н.з.) зачувувајќи го она што е најважно – македонскиот идентитет – додека за други сте некој што отишол предалеку“.
Потписникот на Преспански успева да забележи дека откако ветувањата за во ЕУ се изјаловија, „луѓето почнуваат да се прашуваат дали направиле грешка што верувале во договорот“.
