Во моментот кога детето ќе може да чита лесни книги, ваша задача како родител е да почнете да му читате тешка книга што е далеку над неговиот капацитет, порачува авторот на книгата Teach like a Champion, Даг Лемов.

Приказна за тоа како шеќерната индустрија пред половина век ја префрли вината врз мастите. Како? Со пари. Кој ја изведе дубарата? Науката.

Точно пред 31 година на белградска Маракана пред 20.000 луѓе се одржа концерт со кој Југославија се придружи на хуманитарната акција „Live Aid“ на Боб Гелдоф, со која се собираа пари за гладните од Етиопија.

Кога Британците од Крас во 1978 година го прогласија панкот за мртов, беше тоа израз на револт поради комерцијализацијата на оваа супкултура и нејзино претворање во уште еден производ за консумеристичкото општество. Но бидете реални, има ли нешто попанкерско од хрватски бенд што се вика Срби?

Вишокот менаџмент (луѓе што те контролираат што работиш за вистинскиот менаџмент да не треба да се смара со тебе), ја чини американската економија 3000 милијарди долари годишно.

Ако колективно се договориме да не зборуваме за тоа што комплетно го прескокнавме 5-от вкус, умами (кој се дефинира како "пријатен вкус"), тогаш новоста е дека научниците идентификуваат и 6-ти вкус - скробесто, кој ја објаснува нашата желба за внесување јаглен-хидрати (од компир до тестенини).

Добра вест, најверојатно повеќе нема да има потреба од ректален преглед на простата. Уште подобра вест, сите вие што сте го минале прегледот треба да сте горди на тоа бидејќи лично (со сите расположливи сили) сте придонеле научниците да сфатат дека тој не е потребен.

Дека на организмот му треба протеин, му треба, исто како што му требаат и јагленихидрати и масти. Меѓутоа од овие три, протеинот е единствен што не е распнат од медиумите, факт кој одлично им легна на производителите на храна и посебно нивниот маркетинг оддел.

Минатата недела американската агенција за лекови и храна официјално им забрани на компаниите за производство на сапун користење на над десетина состојки во антибактерискиот сапун, по основа можни штетни нус-појави.

Летото е периодот кога Холивуд ги прави премиерите на своите најголеми и најскапи проекти, од кои за возврат се очекува да донесат приходи во горните граници на 9-цифрените суми, а ако баш сè-сè тргне како што треба и да префрлат накај 10-цифрени. Годинава изгледа како да пресисаа.

Со просечна работна недела од 47 часа, постојана изложеност на смартфони и работа и во приватно време, со заспивање пред смартфонот, и слични нуспоследици од модерниот живот околу 53% од американските работници изјавиле дека се чувствуваат "прегорени". Ако ви е некаква утеха, не е до модерниот живот, кога и да сте живееле би биле подеднакво папсани.

Како што забележува новинарот што разговара со Бордејн, минаа 16 години откако книгата Kitchen Confidential го прослави готвачот, што значи дека веќе има цела генерација млади кои комплетно се израснати во "пост-Бордејн" свет.

Кучињата не ја разбираат само интонација на она што им се зборува туку и содржината на кажаното. Тоа што некогаш ќе се посере кај што не треба е колку да ви покаже колку го цени вашето мислење. 

Бидејќи човечкиот ќеиф слабо проаѓа како кауза, оваа благородна цел за тродневен викенд може да се бутка во име на позвучните пароли за екологија и заштита на околината. Јер факт е дека кога ние одмораме, одмора и планетата.

Дента пред потпишување на договорот со Дизни, првиот човек на Вајс, Шејн Смит, во Лас Вегас на блекџек освојува 1 милион долари. Следната вечер во претседателскиот апартман во хотелот Белаџио, Смит добива уште 400 милиони долари, овој пат инвестиција од Дизни.

И не само што не си роден, туку не си ни еволуирал своеволно да станеш, во момент инаку предвиден за релаксација, да го прекинеш својот одмор и наеднаш да се посветиш на нешто кое е сосема спротивно - што е можно поголемо уморување и трошење на самиот себе. Едноставно не си.

Главното мајсторство е како да не ја преминеш границата, што во пракса би значело: "стави едно светло на погрешно место, и пасијата станува порнографија".

Меѓи големите сервиси за аудио стриминг се води жестока битка за потпишување договори со музички ексклузивци. И човек пак не може да најде едно место на кое ќе може да слушне што сака. Капитализам. 

Цената на инсулинот во последнава деценија е тројно зголемена. Но, во декември оваа година им истекува рокот на последните патенти.

Колите можат, и треба, да бидат многу повеќе од превозни средства, и ако производителите продолжат да мислат дека не можат, тие сами го предизвикуваат својот крај. Еден ден Гугл и Убер и Епл ќе создадат машини без возачи што евтино и безбедно ќе не носат од место до место, и сите ќе се возат во нив освен ако постојните производители не најдат начин како да нè воодушеват и возбудат, појаснува Кларксон околу потребата од создавање возбудливи автомобили.

Го знаете она кога утредента објаснувате: "Синоќа бев со едни, главата ми ја пукнаа"? Е па, тоа е.

Угледниот американски NPR се придружи на долгата листа сајтови кои ја укинаа можноста на читателите да коментираат под нивните статии. Откако пробуричкале во импозантните бројки, го сфатиле ноторниот факт дека целата бучава ја прават мала група луѓе; па ете им го ним Фејсбук да си вадат очи  (нагалено: дебатираат).  

Прашањето се базира на две статистики. Првата од американските избори 2008, кога од речиси 3000 прашања поставени на претседателските кандидати, само 6 се однесуваат на климатските промени. Втората, дека и покрај тоа што неодамнешните републикански и демократски дебати се одржаа на една недела пред 195 држави да го потпишат климатскиот договор од Париз, до кандидатите немаше ниту едно прашања околу климатските промени.

Во анализа на веста од пред неколку месеци дека Македонија, поточно Велес, претставува престолнина на про-Трамп сајтовите, Гардијан успева да идентификува над 150 домејни поврзани со вести со Трамп регистрирани на луѓе од Велес.