Најголемата заблуда околу Дејли Шоу, Ласт Вик Тунајт или кој и да може како по нарачка да извади клипови од архива, е претпоставката дека тие имаат цела легија ботови кои следат и паметат се што се случува на телевизија, па во секое време можат да го најдат потребниот исечок и потребните зборови што ти требаат за во сегментот. Нормално дека немаат.

Авторката презема драстични мерки откако забележува дека еден нејзин колега никогаш го нема видено со мобилен во рака, а знае дека има. За да покаже дека и таа може, решава цела седмица да не го допре телефонот.

Главниот проблем на технолошките гиганти е што откако нивните производи стануваат претерано успешни, тие почнуваат да се губат под притисокот за одржување на производот што ги збогатил, што пак ги оддалечува од сите промени околу нив и напредокот на технологијата. Ова му се случи на Хјулит-Пакард (кој сега ќе се разделува на две компании), му се случи на Микрософт, а ќе го снајде и Гугл.

Паметните очила на Гугл беа еден од ретките производи на светот кои успеаа да дигнат толкава фама, а производот да не доаѓа од Епл. Приказната се пумпаше неколку години за на крајот, Гугл да соопшти дека дига раце од наочарите.

На Гугл моментално одлично му оди, со приходи од околу 3 милијарди долари на секои три месеци и раст од 20% годишно. Тоа што нам ни изгледа одлично некому му личи како почеток на крајот на Гугл, поточно дека сме го достигнале пикот на Гугл.

88 минута од финалето во Бразил, Германија и Аргентина се 0-0, Јоаким Лев во игра го внесува Марио Геце на местото на Мирослав Клосе. Марио Геце во 113-та минута го дава победничкиот гол. Геце станува национален херој, Лев станува фудбалски гениј. Никој не го споменува Дарси Норман, аналитичар на податоци кој работи со германската репрезентација.

Бројот е до 6-ти декември 1994-та и како што е редот за декември ја содржи листата на најдобрите конфигурации што можат да се купат. Во тоа време 486-ки и Пентиуми.

Кон крајот на мај 2012-та, во магацин на ФедЕкс во Калифорнија еден оштетен пакет се распаѓа пред очите на вработените и од него излегуваат десетици неотворени Ајфони. Вработените го контактираат Епл, од каде им потврдуваат дека станува збор за уреди кои ќе завршат на црниот пазар.

Годинава Епл има два модела на Ајфон, еден многу голем што многу им се продава, и еден голем што претерано многу им се продава. Проблемот им е што можеа да направат уште многу повеќе пари, ако стигнеа да произведат многу повеќе уреди.

Откако неколку години флертуваше со други производители (Тајван Семикондуктор Мануфактуринг), годинава Епл легна на брашното и потпиша договор според кој од 2016-та Самсунг ќе ги произведува чиповите за сите идни Ајфони и Ајпади. До сега Самсунг сериозно крвавеше заради заминувањето на Епл.

Последната алтернатива на Ајфонот нема батерија, нема камера и хеј -  нема телефон! Ваквиот ултра паметен дизајн е смислен да ви помогне да се конектирате со вистинскиот свет.

За прва годишнина на врска, девојката добива ворд документ со сите смс пораки што си ги испратила со дечкото (ова е 2008-ма и навистина се смета за подвиг). За 6-та годишнина (веќе во брак) таа на партнерот му прави компаративна анализа на сите пораки што си ги испратиле во врска и во брак.

Во конкуренција со Дизни, Никелодеон, ЈуТјуб, Нетфликс, МекДоналдс, Тојс ар ас и неколку видови бонбони и чоколади, АјПад е број 1 бренд кај деца од 6 до 12 години.

Годишно Микрософт од Самсунг заработува повеќе пари отколку што му носaт Скајп, Виндоус телефонот и ИксБокс, заедно. Се на се, околу 1 милијарда долари им се од Самсунг.

Кога сите го чекаа Виндос 9 (што е логично ако последниот ти е 8-ца), Микрософт го објави Виндоус 10. Официјално објаснување - премногу е добар. Неофицијално објаснување - од мрзливи програмери си патиме.

Новата генерација на издржливи спортски камери ќе има три верзии - најјака со 4К квалитет на снимка, средна што има екран на допир и евтина што ќе чини 130 долари. Ова е 4-та генерација на Херој на ГоПро.

Вработениот на Епл одговорен за тестирање на апдејтот на иОС 8, по кој добар дел од Ајфоните останаа неупотребливи, е истиот човек кој беше надлежен за откривање на пропустите на Епл Мапс пред премиерата во 2012-та.

Како што малку се стишуваат работите околу новиот Ајфон, така луѓето почнуваат да сфаќаат дека годинава Епл тивко и многу суптилно успеа да го поскапи новиот модел.

Како што е редот, секоја година фановите на Епл на 2 - 3 дена пред премиерата на телефонот почнуваат да се редат пред продавниците. Годинава (барем во Њујорк) редовите беа преплавени од Кинези, претежно луѓе во години, секој купуваше по 2 телефона и секој плаќаше во готовина.

Вчера низ светот почна продажбата на двата нови Ајфони, кои кај нас би требало да стигнат некаде околу Нова година. За до тогаш, еве го упатството на Вајард, дали треба да го купите 6-та (или плусот).

После години со наслови и рецензии од типот нечовечки и апсурдно големи телефони (за Ноут на Самсунг), годинава Верџ (како и добар дел од досегашните корисници на Ајфон) инстантно легна на брашно во моментот кога Епл објави дека новиот Ајфон ќе има нечовечки големи димензии. Ова на страна, еве ја една од првите рецензии за 6-та.

И до сега имаше скриншотови од следниот Виндоус, меѓутоа ова е прв пат да добиеме поблизок поглед на тоа како во иднина ќе биде променето работењето на декстоп компјутерите.

Како што е редот во последните неколку години, Епл во септември ја одржа годишната конвенција на која презентираше се ново што има сработено и што очекува вие да го купите во следната година. Без многу објаснување, ова се главните точки.

Комплетно ненамерно, кинеската дивизија на Микрософт на социјалните медиуми ја откри следната верзија на Виндоус. Народ ова инстантно го сфати дека Микрософт се со 9-та.