Дигитал трендс го прогласува апдејтот на Галакси С8, Галакси С9, за најдобар уред на МВЦ 2018. Главен визуелен напредок на 9-та е поместувањето на сензорот на отпечаток под камерата, што беше и најголема забелешка за С8-та.
Остатокот од изгледот е речиси идентично задржан, а под хауба го има редовното билдање на капацитетите, посилен процеоср и повеќе рам. Главниот напредок во спевификации е кај камерата, посебно кај леќите и додавањето на можност за правење забавени снимки со 960 фрејмови во секунда.
Најдобар додаток за телефон е Декс пад, кој твојот Андроид, претежно Галакси, го претвора во десктоп компјутер, за кој ти треба само монитор со ХДМИ кабел, за да почнеш да го работиш.
Иако Галакси С9 е севкупен победник како најдобар уред, за најдобар телефон е прогласен Нокиа 8 Сироко. Телефонот работи на Андроид, потенок е од Ајфон Х, и успеваат речиси да ги слеат стаклото и челичната рамка. Има систем со двојна камера и напукан е со солидни бројки за што е можно побрзо работење, Снапдрагон 835, 6 гигабајти рам и 128 гигабајти меморија. Солидните карактеристики доаѓаат со солидна цена од околу 900 долари.
Таблет на конгресот е Хуавеи Медиапад М5 про, со речиси 11 инчи, резолуцијата му е 2560 x 1600, и генерално треба да е мултимедијален центар. Плус, има стилус; минус, нема приклучок за 3,5 милиметарски џек за слушалки.
За Дигитал трендс „најдобра технологија во зачеток“ е КаиОС, оперативен систем кој дозволува евтино приклучување на 4Г мрежата, со ограничен избор на достапни апликации, преку „глупи телефони“, притоа опфаќајќи пазар и демографии кои „сериозно се запоставени од почетокот на смартфон револуцијата.“
