Дури и на сателитски снимки се гледаат крвавите траги од масакрите во суданскиот регион Дарфур. Паравоени сили во еден ден убиле 460 пациенти и лекари во породилиште, одат по домови и ликвидираат цивили, пукаат во оние што бегаат. За само три дена убиле повеќе од 2.000 луѓе што не се Арапи. Градот Ел Фашер е Пекол на земјата. А западните влади упорно молчат.

Претстојната зима може да биде „последнииот чин“ на Зеленски и неговиот отпор кон руската нвазија, пишува надворешно-политичкиот колумнист на Тајмс, Роџер Бојес.  После речиси три години војна, Украина се соочува со сериозен недостаток на средства, уморни сојузници и сè помала волја на Запад да помага против Русите. „Спремете се за мир, нема да биде убав.“ 

Популарната германска активистка Наоми Зајбт, позната и како „Анти-Грета“ поради гласните критики на зелените иницијативи и миграцијата, побара политички азил во САД затоа што повеќе не се чувствува безбедна во својата земја. Тврди дека владините служби ги прогонуваат активистите, а полицијата воопшто не реагирала на смртните закани што ги добива од Антифа.

Европската Унија едно време беше мировен проект што на своите земји-членки им обезбедуваше економски придобивки и други бенефиции од заедништвото. Сега ЕУ бара од своите членки или да станат одметнати од меѓународниот поредок држави со тоа што ќе крадат туѓи средства или да ги дотепаат своите национални буџети за да финансираат војна.

Ексон, нафтена компанија на која ѝ се префрла одговорноста за големи емисии на јаглеродни гасови, ја тужи сојузната држава Калифорнија поради два закони фокусирани на климата, за кои тврди дека ѝ го нарушуваат правото на корпорацијата на слобода на изразување. „Не сакаме да бидеме гласноговорници на идеи со кои не се согласуваме“, наведува Ексон.

Откако претседателот Володимир Зеленски пред два месеци ги олесни правилата за излез од Украина, речиси 100.000 украински мажи на возраст за воена регрутација ја напуштиле земјата. Сега секој ден по 200 доаѓаат во Германија, и го зголемуваат притисокот врз социјалниот систем. Домаќините се жалат: наместо да ја бранат својата земја, живеат на туѓа сметка.

Бил Гејтс, кој вложи милијарди во проекти за кревање паника поради климатските промени, прави голем пресврт во политиката. Ги повика владите да ги запрат очајничките обиди со неостварливи климатски цели да го намалат глобалното затоплување. Бара повеќе да им се посветат на благосостојбата на луѓето и да поттикнат иновативни начини за да ги ублажат последиците.

Најпопуларните јазични модели со вештачка интелигенција се обвинети дека се пристрасни и промовираат „санкционирана руска пропаганда“. Нивната вина, всушност, е тоа што на барањето информации за војната во Украина наведувале и податоци од државни руски извори и медиуми, и тоа по една на секои четири од западни извори за кои не се испитувало дали шират пропаганда.

Комитет на Конгресот на САД ја оспори легитимноста на наредбите што не биле своерачно потпишани од поранешниот претседател Џо Бајден и го повика Министерството за правда да спроведе нова истрага за неговиот мандат. За да ја прикријат сенилноста на Бајден, неговите помошници потпишувале документи со автоматско пенкало без знаење на претседателот.

Трговијата и дилањето дрога во Белгија повеќе не е класичен криминален проблем. Нарко-бизнисот прерасна во организирана закана што ги поткопува државните институции, предупредува во отворено писмо судијка од Антверпен. По улиците на Брисел се пука, масовно се поткупуваат цариници, дури и судии, а киднапирања и бомбашки напади може да се нарачаат преку Снепчет.

Најголемата онлајн енциклопедија во светот прераснува во бастион на „будноста“. Ова го вели никој друг, туку нејзиниот коосновач Лари Сангер, кој ја критикува Википедија за либерална пристрасност, наместо да ја штити неутралноста и да им нуди енциклопедиски факти на корисниците. Бара укинување на „црните листи“ за извори и темелна ревизија на содржината. 

Британската радиодифузна корпорација им дозволува на вработени жени да работат од дома ако и пречи политиката за заеднички тоалети. Иако уште во април Врховниот суд пресуди дека трансродовите жени не се жени, ББЦ дозволува биолошки мажи да користат женски тоалети, соблекувални и тушеви. Вели дека ќе ја промени политиката само ако добие упатство од владата.

Американските судии, во голема мера, се пристојни и совесни. Соочени со кршење на законите од страна на извршната власт, тие се чувствуваат должни да ѝ се спротивстават. Но, тоа бара храброст овие денови. Според Службата за маршали на САД, која го обезбедува судството, 395 судии добиле закани оваа година. Ваквите закани доаѓаат и од левицата и од десницата.

Германија наскоро може да добие Министерство за вистина. Највисокиот граѓански суд во Берлин пресуди дека онлајн платформи имаат право да бришат објави што соодветствуваат на ставовите на меѓународните организации или на владата, без оглед дали се вистинити или не. Државата се прогласува за непогрешлива, а спротивставените мислења се „дезинформации“.

Европската Унија во оваа форма не е способна да се соочи со предизвиците од променетиот светски поредок, предупредува влијателниот банкар и поранешен премиер Марио Драги. Како излез од длабоката криза, тој бара од ЕУ да премине кон „прагматичен федерализам“ – да се реформира од темел и да овозможи внатрешни здружувања на земји околу заеднички интереси.

САД ги отвораат резервите на критични материјали за да поттикнат изградба на повеќе нуклеарни реактори. Бајден лани забрани увоз на руски ураниум, па администрацијата на Трамп сега ги отвора државните нуклеарни отпади, во кои има 19 тони плутониум од стари атомски бомби. Меѓу заинтересираните е и компанија на Сем Алтман. Мега-центрите за ВИ мора да се хранат со струја.

Колку и да се трудеше да биде сериозен, како што му личи на претседател што коментира санкции против неговата земја, Путин не издржа да не ја трола Европската Унија, која во новите санкции за Русија забрани и увоз на ВЦ шољи. Да потсетиме, ако заборавил Брисел, целта на санкциите беше да се притисне руската воена и економска машина за да запре војната во Украина.

Лидерите на ЕУ беа наострени да ги запленат 140-те милијарди евра што ѝ ги замрзнаа на Русија за да ѝ ги дадат на Украина. На Киев му ветија многу пари, а немаат доволно свои. Белгискиот премиер сам го спречи овој луд грабеж. Руските пари се чуваат во неговата земја. Ако Москва си ги побара милијардите, ЕУ може да се прави наудрена, па Белгија ќе мора да ги врати.

Магазинот „Економист“ побара легализација на кокаинот како најефикасен начин да се намалат криминалот, убиствата и корупцијата. Тоа би ги смирило пресметките за профит меѓу нарко-бандите, кои на корисниците им го продаваат кокаинот по цена 120 пати повисока од производствената. Потрошувачите би добиле побезбедна дрога со строго контролиран квалитет.

Разгневени од силување на десетгодишно девојче под државна грижа во Даблин од страна на имигрант, демонстранти ги нападнаа полициските кордони што го штитеа хотелот пренаменет во центар за азиланти. Дваесет и шест годишниот маж што го нападнал девојчето бил имигрант на кој му било одбиено барањето за азил и наскоро требало да биде депортиран.

За само неколку часа синоќа одекнаа експлозии во рафинерии во Романија и во Унгарија што преработуваат руска нафта. И двете земји спроведуваат истраги, сомневајќи се на саботажа. Истовремените инциденти поттикнаа шпекулации дека веројатно се дел од украинската кампања против руската енергетска инфраструктура, исто како и нападот врз гасоводот Северен тек во 2023.

За да ја направи германската армија повторно најмоќна во Европа, канцеларот Фридрих Мерц издвои стотици милијарди евра за инфраструктура, оружје и муниција, но никако не може да ги пополни касарните со регрути. Дури 63% од младите Германци не сакаат да облечат униформа. Коалициските партнери сега му го блокираат и планот на сила да го пополни стројот со лотарија.

Државната хакерска служба на САД, надалеку позната и како НСА, се уфрлила во кинескиот Центар за време - научна институција што буквално го чува времето преку прецизна координација на часовниците во клучните институции. Хакерскиот напад ги загрозува комуникациските мрежи, електричните системи, финансиските пазари, па и меѓународното стандардно време.

Европската Унија разгледува нова формула како да го продолжи процесот на проширување додека го демонтира сопствениот проблем со правото на вето што го има секоја членка. Македонија и другите кандидати би можеле да бидат примени како членки без целосни права, барем во почетокот. Полноправни ќе станат кога Брисел ќе премине на гласање со квалификувано мнозинство.