Сите што посетувале каква било настава / градинка до 11-годишна возраст се враќаат во училниците, одлучи владата на Данска.

Домашниот притвор ќе заврши само и само кога ќе се стабилизира бројот на луѓе кои го имаат вирусот и кога здравството ќе има доволно капацитет за да се справи со бројот на заболени. Во пракса ова значи дека тие што нè затворија по дома периодов треба како знаат да најдат доволно тестови за масовно тестирање и да го унапредат системот да може да се справи со заканата, инаку џабе дремењето по дома.

Финансиската помош за Американците ќе биде одложена на некое време се додека надлежните не отпечатат нови чекови на кои ќе стои името и презимето на американскиот претседател, чисто за Американците да знаат кој им дава пари.

СЗО ќе остане без парите од САД додека администрацијата на Трамп не спроведе истрага за улогата на СЗО „страшно погрешното менаџирање и прикривање на ширењето на коронавирусот“, објави Трамп на прес-конференција.

Равенството е многу едноставно: кој не верува во препораки од доктори, сигурно верува во духови (и слично). Штом е така, тогаш извади им духови на улица.

Во неколку наврати американски дипломати ја посетуваат кинеската лабораторија во Вухан и по враќањето го алармираат Вашингтон на неадекватната безбедност во лабораторијата во која се спроведуваат ризични експерименти на коронавируси од лилјаци, објавува Вашингтон пост.

Откако ги постави црните рекорди за заразени и умрени од ковид-19, ситуацијата во Њујорк почна да се смирува, многу, многу, полека.

Со години политичари и луѓе што се занимaваат со економската страна на медицината, се жалеа дека Германија има премногу болници и бараа нивно драстично намалување. Веќе не бараат.

Повеќето заразени се по дома а не по болници каде што Италијанците се испозаразија, државата плаќа 66% од платата на сите кои имаат деца за гледање, еден од првите кои отидоа во самоизолација беше шефот на државата, истиот кој им порача на банките дека „тие му се должни на овој народ“. А ја имат и Фатима.

Хрватски бизнисмен изнајмува авион во Лондон и со уште други 9 души слетуваат на аеродромот во Марсеј каде ги чекаат хеликоптери за да ги однесат директ до приватната вила што ја изнајмиле. Сосе хеликоптерите ги дочекала и тамошната полиција.

Американски граѓани во Либан, со комплет документи и без никакви проблеми со законот, одбиваат да се вратат назад затоа што им е побезбедно во Бејрут отколку во родната грутка.

Ковчези со починати од ковид-19 во градот Њујорк се редат во дупка на неколку спрата во десетина реда и се потрупуваат со земја на островот Харт во близина на Бруклин.

Ако постоеше ситуација во која Обединетите нации можеа да го оправдаат на своето име, тоа е актуелната пандемија која ем е првенствено здравствен а не политички проблем ем е беља која навистина бара нациите да делуваат обединето. Ама, кризата ја соголи и оваа помпезна глобална институција покажувајќи дека е обична скапа шасија за нешто што во мирни времиња се претставува како моќен диригент на меѓународниот оркестар.

После Втората светска војна, скандинавските земји со децении педантно трупаа резерви на медицинска опрема, гориво, храна и воена опрема за во случај на кризни времиња. По завршувањето на Студената војна, проценувајќи дека главната гео-стратешка опасност поминала, Норвешка, Шведска и Данска престанаа да го прават тоа.  Не и Финска. 

Првиот човек на водечката научна институција на ЕУ, професор Мауро Ферари, поднесе оставка на својата позиција во знак на протест за начинот на кој ЕУ реагираше околу ковид-19 кризата.

„Секоја пролет е некој вирус, така и сега е некој коронавирус“, оптимистички ќе каже белорускиот асимптоматски лидер кој „лично ги анализирал податоците“ (има човекот завршено Земјоделско) и видел дека тука нема ништо страшно. Во отсуство на официјални бројки на кои им се верува, луѓето во Белорусија почнуваат меѓусебно да се информираат за состојбата со испишување графити со тоа колку жртви има во маало.  

Рускиот претседател се тестира секој ден откако пред некое време беше објавено дека еден доктор со кој имаше личен контакт е позитивен на ковид-19. Исто така рускиот претседател се уште држи состаноци во Кремљ како на времето.

Кој е Чарлс Либер, уапсениот професор од Харвард за кого на многу интернет инстанци ќе сретнете дека е тоа е злотворот кој го создал коронавирусот и потоа им го продал на Кинезите?

Секоја земја има свои специфики на пулот инфицирани од коронавирус и ќе треба уште долго време сите тие податоци да се соберат, спастрат и анализираат за да се извлечат некакви поуки. Во Русија на пример, оние преку 60 години се само 15% од вкупниот број заразени. Интересно е и зошто Русија не ги тестира веднаш оние што се враќаат со авион.

Наредбата за карантин во Индија важи за цела држава, само што пред наредбата цела држава не се наоѓаше на место на живеење според лична карта, ниту пак баш цел држава има „домашна адреса“.

Гневни што нивните страдања се игнорираат, надополнето со повторно ЕУ финансиско ценкање (повторно посебно од Германија), на Италијанците моментално не им е потребен Салвини за да се чувствуваат предадени од Унијата која до пред неколку недели се колнеше во единство и солидарност.

Оптимизмот на ваквата порака на англиската кралица Елизабета Втора до јавноста има посебна драж: жената има 94 години.

Ги бркаат од маaло, ги каменуват, ги плукаат. Сето тоа уплашената раја од некои заедници го прават за да не се заразат од лекарите и медицинските сестри. Кога ќе затропа корона во нивно маало, ќе нема кој да ги опули. Дарвин пуштен на најјако.  

Земјата до сега има тестирано вкупно 47.000 луѓе, а се организира за наскоро да може да тестира по 30.000 луѓе на ден. До сега имаат само 5 потврдени смртни случаи од ковид-19, и околу 1400 заразени. Реакцијата на Јужна Африка се опишува како „побрза, поефикасна и побезмилосна“ од најголемиот дел од остатокот на светот.