Авион натоварен со маски и спремен да полета за Франција, на аеродромот во Шангај е пресретнат од неколку ликови кои нудат три пати повеќе пари за маските отколку што платиле Французите. Понудата е прифатена на лице место и наместо во Франција, пратката завршува во САД.

Со оваа стапка на тестирања од почетокот на ширењето на коронавирусот во Германија се опфатени речиси 920.000 лица.

Враќање на „старото нормално“ кое важеше до пред пандемијата нема да има и сите треба да се подготват за „новото нормално“ е пораката од гувернерот на Њујорк, Ендру Куомо, до остатокот на земјата.

12,5 милионскиот Шензен ќе стане првиот кинески град што ќе забрани продажба и јадење месо од мачки и кучиња.

Како што имаат право на лице место да убијат нарко-дилери, така властите на Филипини сега имаат право на лице место да убијат секој што ќе се побуни или ќе се обиде да го наруши делењето храна за време карантинот во земјата.

Одреден број влади од Европа ја одбија кинеската опрема за справување со коронавирусот затоа што била подстандардна или дефектна.

Капетанот на нуклеарниот носач на авиони УСС Теодор Рузвелт во очајнички апел побара од американската морнарица да му испрати медицинска опрема која ќе дозволи третман на над 100-те заразени морнари и нивна изолација за да се избегне ширење на болеста на целата посада. На бродот во моментов има 4.000 лица.

Секаква употреба на зборот „коронавирус“ од сега е забранет во Туркменистан, а заедно со тоа се забранува и носење маски во јавност. Може ќе изгледа како коинциденција, ама Туркменистан е и една од ретките држави кои до сега немаат пријавено ниту еден случај на коронавирус.

И претходно кога даваше прогнози, американскиот претседател зборуваше за 100.000 жртви како оптимистички исход, и дека ако им успее таму да го запрат вирусот дека ќе треба да си честитаат. Вчера за прв пат спомна дека по ново се пресметале дека вирусот може да однесе 240.000 животи.

Во моментов во ЕУ не е можна ниту слобода на движење на луѓе, ниту слобода на движење на производи, а и двете се едни од главните столбови на кои се базира Унијата. Паралелно со ваквата идеолошка трагедија на Унијата, во Шпанија и Италија се одвива и човечка трагедија за која Унијата допрва ќе треба да одговара.

По неколку месеци карантин и комплетна изолација на земјата и сите можни индустрии во неа, народот почна да снемува пари за подмирување на најосновните потреби. Како што снема пари, така се случија серија грабежи на супермаркети, па сега италијанската полиција е распоредена пред нив.

„Може ли маж ми да се гледа со швалерката?“ е едно од прашањата околу коронавирусот што деновиве е поставено на телефонскиот број на француската полиција.

Кога жариштето на заразата беше во Кина, Твитер забележа 900% зголемување на хејтспич кон Кина и Кинезите. Ама, тркалото се врти. Сега таму кога ќе видат плави очи, домородците ги фаќа паника.  

Цела Европа е угасена и стишана. Свети и бучи само Шведска (ок, таа не бучи и онака). Таму решија да ги остават отворени училиштата, угостителските објекти, теретаните, бизнисите. Надлежните процениле така, луѓето им веруваат. А си веруваат и меѓусебе.

Во подвиг кој никогаш претходно не е ни помислен, а не па направен, Индија планира една петина од населението на планетава цели 21 ден да го држи дома во изолација.

Кога Франција реши да ги затвори границите за да се заштити од пандемијата, најголемите земјоделци во земјата крикнаа во болка: а кој ќе ни работи на нивите? Исто и во Италија, исто и во Германија, исто и во Шпанија.

Шпанија можеше да види што се случува во Кина, Иран или Италија со која нема земјена граница и од која ја делат „безбедни“ 600 километри море. Ама тоа е дел од проблемот, кога ќе мислиш -  далеку е. 

Во отсуство на државата, а државата таму е хорнично отсутна во фавелите, дисциплинирањето на граѓаните во време на пандемија го преземаат оние кои имаат „организациони капацитети“ за тоа.

САД го обвинија претседателот на Венецуела за нарко-тероризам, и понудија награда за информација која ќе доведе до негово апсење. До сега Мадуро беше обвинет за „водење корумпиран и брутален режим“.

Ниту корона, ниту коронавирус, ни пак (најточнот) ковид-19 не се називи што се по мерак на американската администрација, која инсистира актуелната пандемија да ја брендира како „кинески вирус“. И сето ова се одрази на покажување какво било заедништво на Г-7, по он-лајн самитот.

Уште кога решија олимпискиот факел со кола да се провози низ Јапонија наместо да го истрчаат, почна да се насетува дека Олимпијадата годинава можеби ќе биде ставена на пауза. Од вчера, на неколку месеци пред отворањето, и официјално Олимпијадата 2020 стана Олимпијада 2021.

Британското кралско семејство објави дека вечниот престолонаследник, 71-годишниот Принц Чарлс бил позитивен на тестот за коронавирус, дополнувајќи дека тој се чувствува добро.

Палатата на фестивалите во Кан, без блицеви и без црвен тепих, ги пречека бездомниците од Кан кои немаат каде да се сместат во време на општа изолација во земјата.

Не е логично тоалет хартија да е една од критичните работи што мора да се поседува сред пандемија на заболување на дишните патишта. Ама паника не прашува што е логично, што не.