Колеле овци за да се навежбаат со нож, учеле како се погодува вратна жила на противникот. Па тренирале како со тенкови се освојува Парламентот, за оттаму да ја оправаат државата. СС униформи, перење пари, силување, убиство....
Во рок од 4 години Ардиан Битрај краде милиони долари од сефот на Народната банка. Има разработено совршен план и никој не успева да го фати, ниту инспекциите, ниту безбедносните системи. На крај паѓа затоа што не може да додржи и да не се пофали.
Српските медиуми кренаа паника околу падот на цената на лимонот на Балканот, конкретно на тој што доаѓа од Турција. Основа: канцероген, отровен, ја иритира кожата.
"Џабе см'кнавме гаќа заради православните браќа," разочарано резимираат e - новине по последното истражување на политичките симпатии на Русите во кои меѓу пријателите на Русија ги нема Србите; нас па ич.
На веб сајтот на популарниот готвач решаваат да обрнат внимание на босанската кујна па понудуваат рецепт за плескавица. Во рецептот, ставаат и свинско. Ете ти беља.
2012-та уапсен е еден од лидерите на Пинк Пантери, сите веруваат дека ова е клучен удар на групата. Две години подоцна, излегува дека тие сето ова време го користеле само за тренирање нови регрути.
Европската комисија во Србија работи на начин на кој во Европа би се одело на робија, пишуваат "Е- новине" на вечно лутиот Петар Луковиќ кои анализираат како одредени поединци кои загубиле политички позиции сфатиле дека НВО секторот може да биде исклучително доходовен бизнис.
Откако уште еден советски споменик сред Софија беше урнисан со графити и боја, Москва и најофицијално побара од Бугарија повеќе да се потруди во спречување на вандализмот на советските споменици и да зачисти.
Српската новинска агенција вчера ја пренесе веста дека во основа Хрватска во 1991-ва противуставно излегла од Југославија. Анализата е одлична, само уште да не беше од еден од кромид сајтовите.
Зијах Гафиќ и е босанско-херцеговски фотограф кој изминатите неколку години прави колекција на фотографии од предметите со кои се закопани жртвите на масакрот во Сребреница. Деновиве неговите фотки беа објавени во магазинот Feature Shoot.
Српскиот премиер деновиве издаваше команди и глумеше експерт за сè а никој од стручните лица не собра доволно храброст да му издаде команда да заќути. Медиумите, башка непогода.
Од сите работни места кои ѝ недостасуваат, Грција има една професија на претек - фармацевти. Речиси дупло повеќе од која било друга држава на ЕУ. И на сите одлично им оди.
Истите луѓе што пред 10 години од најразлични Авганистани и Пакистани пребегале во Грција, денес бегаат од Грција затоа што животот таму не се поднесува. Сега патот за Европа ги води преку Лојане и Суботица.
Во Софија има центар за имигранти со капацитет од 800 луѓе, што не е доволно во однос на тоа колку му е потребниот капацитет. Разликата меѓу капацитетот и потребите, во последниве неколку недели предизвикаа судири со полицијата.
Гневни од непотизмот при вработувањата, работници од Тузла излегоа на протести на улица и пред Владата. По пат им се придружија и невработените, студенти и членови на организациите на борци. Неколку видеа од судирите во градот. Денес, на третиот ден од протестите тие упаднаа во владата.
Супер-ѕвездата на "Видимо се у читуљи" повторно е актуелен во српските медиуми. Деновиве тој ги мина речиси сите редакции во Србија, без разлика дали се пишани или електронски медиуми. Еве некои од работите што тој ги кажа.
Македонија ја нема во поединечните листи на најбарани пребарувања на Гугл во 2013-та година, но затоа ги има комшиите па им буричкавме малку по паметот. Србите сакаат да ослабат по диетата на ОН (на второ место би пробале со зелка), Бугарите најмногу ги интересира што е љубовта, а кај тисучљетните Хрвати високо котира Сулејман Величествениот.
Приказната е од еден јапонски фотограф, се случува во самиот центар на главниот град на Германија, а главни ликови се Роми кои тука се дојдени од Добрич, Бугарија.
Според објавената листа на приоритети, јавните банки од ЕУ во нашиов регион ќе инвестираат во мегаломански и валкани технологии, како и во производство за извоз во Унијата. Ако се знае дека и Американците агресивно буткаат термоелектрана на лигнит во Косово, енергетската иднина на Балканот е 'чиста" работа.
Таткото и мајката на 8-годишната Тијана Огњановиќ која почина на 15-ти јули, а за чие спасување и операција цела Србија се крена на нозе и собра над 2 милиона евра, одлучија сите пари од донациите да ги задржат за себе.
