Супер-ѕвездата на "Видимо се у читуљи" повторно е актуелен во српските медиуми. Деновиве тој ги мина речиси сите редакции во Србија, без разлика дали се пишани или електронски медиуми. Еве некои од работите што тој ги кажа.

Македонија ја нема во поединечните листи на најбарани пребарувања на Гугл во 2013-та година, но затоа ги има комшиите па им буричкавме малку по паметот. Србите сакаат да ослабат по диетата на ОН (на второ место би пробале со зелка), Бугарите најмногу ги интересира што е љубовта, а кај тисучљетните Хрвати високо котира Сулејман Величествениот. 

Приказната е од еден јапонски фотограф, се случува во самиот центар на главниот град на Германија, а главни ликови се Роми кои тука се дојдени од Добрич, Бугарија.

Според објавената листа на приоритети, јавните банки од ЕУ во нашиов регион ќе инвестираат во мегаломански и валкани технологии, како и во производство за извоз во Унијата. Ако се знае дека и Американците агресивно буткаат термоелектрана на лигнит во Косово, енергетската иднина на Балканот е 'чиста" работа.

Таткото и мајката на 8-годишната Тијана Огњановиќ која почина на 15-ти јули, а за чие спасување и операција цела Србија се крена на нозе и собра над 2 милиона евра, одлучија сите пари од донациите да ги задржат за себе.

Благајник во локалната власт од околината на Кавала во 2009-та со Узи го убива градоначалникот заради проневера на пари. Како што е ред добива доживотна казна затвор. Во меѓувреме убиецот (додека е во затвор) се уште е на платниот список на општината.

Во писмо испратено меѓу другите и до Хилари Клинтон и Оли Рен, професор по класична археологија од калифорниски универзитет предлага Грција да нè покори и да нè натера да учиме грчки јазик.

Економски колапс, масовна невработеност, униформирана паравојска, улично насилство, политички атентати и апсење на пратеници. Грција разурната од еврото почнува да морничаво да наликува на Вајмарска Германија.

Николаос Михалолиакос, години 55, занимање нео-нацист. Еден вообичаен работен ден во неговиот живот се приближи кон крајот....

"Вие господа, многу мудро решивте дека одржувањето на геј парадата е во интерес на државата а веднаш потоа, храбро објавивте дека во таа манифестациија не мислите да учествувате. А од нас, српските полицајци сега чекате ние тоа да го овозможиме и обезбедиме," вели меѓу другото во своето отворено (супер отворено!) писмо до Николиќ, Дачиќ и Вучиќ, првиот човек на српскиот полициски синдикат.

Во организација на самите себе, велосипедистите од Загреб одлучија секоја сабота да се собираат на плоштад и на нешто како мини-саем да видат на кој што му треба околу велосипедот (делови, помош, информации...).

Реакцијата на грчките весници еден ден по убиството на раперот Killah P од страна на член на Златна зора.

На веб сајт за онлајн продажба, човек од Зворник го огласил за продажба својот син, опишан како дебил. Го ставил во рубриката коњи.

Речиси две децении по срамното повлекување на холандскиот контингент од Сребреница што го овозможи масакрот врз муслиманите од градот, на Холандија ѝ се разбуди совеста па реши дека треба да обесштети - еден свој војник.

Секоја свеќа што ќе биде купена надвор од српската црква ќе биде веднаш изгасена, а и генерално од сега забрането е внесување на свеќи што не се купени од црковната продавница.

Претседателот на република Пешченица, новинарот, патописец и авантурист, Жељко Малнар почина во загребската Клиника за белодробни заболувања. Тој имаше 69 години.

Аца Лукас е една од ретките преостанати појави кои не се обидуваат да бидат нешто што не се. А кога веќе се фаќам за споредби на „урбанлукот" на Белград и Берлин ќе додадам, па што ми даде Господ, дека Аца Лукас е поградски, побелградски и поурбан од сето она што тука како такво се претставува. Или, во најмала рака, и тој е она што го прави еден град она што е, и тоа не кој било град туку Белград, и дека е едно од неговите поавтентични лица.

Минатиот петок започнаа немирите во Истанбул откако турските демонстранти го окупираа малиот зелен простор во центарот на градот познат како паркот Гези. Затоа што не го чуваат само со викање, тие не дозволија паркот да се претвори во гнаса.

Од идната школска година Хрватска започнува проект кој треба да го зголеми конзумирањето овошје меѓу децата од пониските одделенија.

Земјата што е заглибена во бескрајна и разурнувачка војна, сосема цивилизирано на своите граѓани им порача да не патуваат во Турција "заради насилството на владата на Ердоган врз мирољубивите протестанти."

Емигрантите црнци во Атина почнаа да се организираат во групи за заштита и да ги патролираат населбите во кои живеат, за да се одбранат од постојаните напади од нео-нацистите од Златна зора.

Се сеќавам, беше сабота. Здравите сили на редакцијата и јуришниците на ХДЗ ја заземаа Слободна Далмација. На вратите нè чекаше соопштение дека штрајкот е завршен, а на портата беше отворена Книга на предавањето, во која мораше да се потпише секој кој сакаше да влезе во зградата.

Гледачите на вечерните вести на грчката државна телевизија ЕТ3, меѓу извештаите за немирите во земјата, добија повеќе порно отколку што обично се навикнати.