Едно од прашањата што произлегува од оваа споредба е: ако САД по нападите почнаа глобална војна против тероризмот, дали досегашниот биланс на жртви е доволен за САД да започне глобална војна за заштита на човековото здравје?

Кај нас некои носат маска, некои не. Можеби затоа што сме некаде на средина од двете крајности: Азија каде што сите носат маски и Америка каде што никој не носи.

За нас останува мистерија зошто во овие корона времиња јагмата е најголема баш по тоалетна хартија, односно зошто на луѓе побитен им е газот отколку, да речеме, устата. Тоа е особено видливо во САД (еј, во какви времиња живееме - Холивуд да кубури со гз папир!) и пошто во стампедата по хартија некои играат нефер, редици купувачи почнале да се прават и пред - продавници за оружје. Па да видиме кој е фер.

Додека Западот изгледа како да колабира со секоја купена ролна тоалет хартија, Британија ги алармира своите граѓани дека замените за тоалет хартија што ги користат ќе ја оптоварат канализацијата на островот.

Конзистентноста е последната работа на која мисли портокаловиот андроид кој управува со САД. Временски редослед на изјавите на Трамп за ковид-19.

Непристрасно занимавањето со бројки некогаш може да доведе до бизарни корелации. На пример дека поради пандемијата и мерките што се преземаат поради неа, во крајниот жртвен биланс ќе бидеме во позитива.

Последниве година-две, особено по излегувањето на неговата книга „12 правила за живот: противотров за хаосот“, не поминуваа ни неколку денови а да немаше нешто ново во врска со Питерсон - со кого се скарал, каде настапил, какво видео снимил. И одеднаш човекот го снема.

Стравот од ковид -19 не доведе само кај нас до празнење рафтови и купување огромни количини „стратешки“ производи. Освен дека глупоста е рамномерно распоредена на земјината површина, универзалноста на таа паника говори за тоа дека примарните биолошки механизми не фермаат ни големина на БДП ни развиеност на „check and balances“ ни други ставки кои ни се битни во нормални времиња.

Стравот од коронавирусот и Ковид -19 драматично го спушти бројот на патници. Но, поради правилата на индустријата, авиопревозниците мораат да го одржуваат бројот на летови за да не го изгубат местото во распоредот.

Во конзервативни и традиционалистички средини, нечија политичка кариера може веднаш да заврши ако му извадат муабет дека е геј. Америка го има поминато тој рубикон па во 2020-та го имаат првиот кандидат за претседател кој отворено е геј. Но, Пит Бутиџеџ сега има сосема поинаков проблем со својата сексуална ориентација. Неговите му замераат дека е премалку геј. 

Зошто западните елити некои малцинства ги сакаат повеќе од другите? Првенствено затоа што им се покорисни на елитите и им се попогодни за политичко менаџирање, да си ги одгледуваат за една долгорочна зависност.

Земјите од ЕУ и други држави од континентот имаат амбициозен план до 2035 да престане да продава дизел коли а до 2050 континентот да биде CO2 неутрален. Само што, ќе се најде ли толку струја за сите тие коли?

Швајцарски суд донесе одлука по која 80 годишното лого на нивниот Пелинковац не е навредливо кон христијаните. Што значи дека крстот меѓу роговите нема ништо против нив а - додавеме ние - истиот може  да се толкува како предупредување дека ако фатиш да се инаетиш и да ѝ покажуваш рогови на пијачката, утредента само господ може да ти помогне.  

Пoтпирањето на навигациските сателитски констелации е клучно за многу индустрии како и за нaционалната и економска сигурност на државата. А нивните сигнали е релативно лесно да се пореметат.

Во целото туркање меѓу Западот и Русија, Европскиот парламент минатата година донесе резолуција која ги изедначува нацистичка Германија и Советскиот сојуз како одговорни за почетокот на Втората светска војна, истиот Советски сојуз што имаше над 27 милиони жртви во војната против Нацистите, меѓу нив и братот што рускиот претседател никогаш не го запознал.

„На Марк Закерберг не треба да му се дозволи да го води Фејсбук!“ изјави милијардерот по одлуката на Фејсбук дека нема да се меша во содржината на политичките реклами. Сорос стравува дека со слободно пуштање политички пораки, Трамп купува нови 4 години во Белата куќа.

Маж осуден за повеќекратно сексуално малтретирање нема да ја отслужи целата казна што требаше да ја одлежи, откако реши да се идентификува како жена, и номинално и хормонално.

Навиндер Сарао е човекот кој во 2010 помогна за крахот на берзата во Чикаго во која беа изгубени околу 1.000 милијарди долари, и сето тоа од дистанца од речиси 6.500 километри, од својата детска соба во лондонски Хаунзлов.

Тоа што многу малку знаеме за коронавирусот (меѓу лекарите познат како 2019-nCoV) и начинот на кој се шири, не е причина „зналците“ од цел свет да не ги откриваат заверите кои стојат за него. Последната теорија за која чувме е дека вирусот намерно го пуштиле Кинезите за да ги смират протестите во Хонг Конг. Во продолжение, трите најчести конспирации кои се мотаат по интернет и како се тие склопени.

Во 23 часот во петок Британија и официјално (сега веќе без можност за одложување) ја напушта Европската унија. За разлика од 1-ви јануари 1973, овој пат ќе нема никаква свеченост за обележување на моментот.

Прво за оние кои ги занимаат само локални аспекти. Македонија ја нема меѓу 82-те држави на кои им бил мерен индексот за општествена подвижност, индикатор кој покажува колку некаде можат да се надминат класните и други бариери за да се напредува во животот. Луѓето надвор знаат дека овде уште е на сила Рациновиот „Бенџамин Батон закон за социјална мобилност“ кој гласи: „Роди се човек - скот умри“. 

Изгорена од долготрајните пожари кои им направија триста бељи и на луѓето и на животните, Австралија на секој можен начин се обидува да превенира идни случаи. Возачите во Нов Јужен Велс кои ќе бидат фатени да фрлат пикавец од кола, ќе треба да jа продадат колата или на некој друг начин да дојдат до 11.000 долари за да ја платат казната.  

Анализата на Фајненшл тајмс е како кроењето на гласачките единици ќе ги реши изборите во САД. Кај нас не мора теоретски да се анализира затоа што во пракса знаеме како Скопје заврши двојазично после еден хируршки зафат од пред 15-на години познат како Закон за територијална поделба.

Од пожарите во Австралија во атмосферата отишле 400 милиони метрички тони јагледод диоксид, Тоа е девет пати повеќе од рекордните пожари во Калифорнија во 2018 и е еквивалентно на волуменот кој го испуштаат 116 држави од долниот дел на светската листа.