ЕХФ го одбра најдоброто од тазе завршениот ракометен празник во Данска, Шведска и Норвешка. Направи топ 10 листа на голови и одбрани. Празник за очи се видеата.

За време на дуел од младинската лига на УЕФА во кој Жилина У-19 со 2-1 го победи Ливерпул У-19, домашните навивачи кренале интересна кореографија. „Денес одиш сам“ стои на паролата како алузија на ливерпуловото You'll Never Walk Alone и како индијанецот како што се викаат навивачите на словачкиот клуб ги протерува членовите на „Битлси“ кои се од Ливерпул.

Иван Чупиќ како гостин во Пресинг објаснува како брзо и изненадно добил понуда за кам бек во Вардар, овој пат како тренер. Одма прифатил. Со Столе Стоилов е во контакт, но не го одбрал, бидејќи сакал комплетно нов стручен штаб, кој ќе работи исклучиво во Вардар.

Карлингот се врати како спорт за медали после 74 годишна пауза. На игрите пак во Нагано 1998 дебитираше сноубордингот. Слоупстајл и хафпајп фрискинг беа додадени во програмата во Сочи 2014 година. На Зимските Олимписки игри во Милано Кортина (6-22 февруари) ќе има нов спорт кој се вика скимо.

Одличниот 22-годишен крилниот напаѓач од Уганда, Рожерс Мато прво му донесе есенска титула на ФК Вардар со врвни игри, 12 гола на 13 натпревари и бројни асистенции па неминовно беше да замине во поголем клуб. Неговиот договор го откупи изненадниот лидер во шкотски Премиершип, Хартс.

Арсенал уште е активен на сите четири фронта. Синоќа обезбеди големо финале на Лига Купот откако на реваншот од двомечот со Челси го совлада големиот ривал со 1-0. На првиот меч „топџиите“ славеа 2:3 на „Стемфорд Бриџ“. Синоќа немаше голови сè до седмата минута од судиското продолжение (90+7') кога Кај Хаверц, германскиот репрезентативец го реши победникот со гол од контра.

Фенербахче го совлада Кочалиспор, каде игра Чурлинов, со 0:2. Машала, Марко Асенсио го има можеби голот на месецот во Турција.

Фудбалерите на Барселона избегнаа голем срам каков што претрпе Реал Мадрид и го совладаа второлигашот Албасете на гости 1-2 во четвртфиналето на шпанскиот Кралски Куп.

Детроит Пистонс го совлада Денвер Нагетс 124-121 а најефикасниот кошаркар кај победникот Кејд Канингем постигна 29 поени и имаше 10 асистенции и два скока. Кај поразениот Денвер Нагетс Џамал Мареј уфрли 32 поени со 8 асистенции а Никола Јокиќ запиша дабл-дабл со 24 поени и 15 скока и 4 асистенции. Канингем во еден момент го удри Јокиќ на болно место но судиите не видоа неспортски фаул.

Навивач на Интер направи глупост на гостувањето на Интер против Кремонезе. Му рокна петарда на голманот на домаќините под нозе, по што овој се виткаше на земја. Полицијата го идентификуваше и поради него Интер ќе игра без поддршка на гости на следните три меча. Глупак.

Исландскиот ракометен стратег, кој лани освои сребро со Хрватите на Светско, а сега бронза на Европското, го бива не само на спортски терени. Вчера видовме како знае да тера ќејфови со гитарата во кафана, а сега налетавме на видео и од бина.

Сега појасно ли ви е како на времето се мамеа врвни голмани од рангот на Оливер Кан?

Интер го победи Кремонезе на гости 0-2 но овој натпревар остана во сенка на фрлениот топовски удар близу голманот на домашните Аудеро кој остана да лежи на земја и да се држи за глава. Навивач на Интер во истиот момент сериозно повредил три прста поради втор топовски удар кој паднал до него. Поради ова министерството за внатрешни работи на Италија на итна средба донел одлука да забрани влез на навивачите на Интер на гостински натпревари сè до 23-ти март. Од ова е исклучено дербито Милан - Интер закажано за 8-ми март кога битката за скудето би можела да се разгори дополнително.

Најнов гостин во емисијата „Еден на еден“ е Светислав Пешиќ. Легендарниот српски стратег, кој со Југославија стана светски (2001) и европски првак (2002) и кој на Србите им донесе сребро на СП 2023 и бронза на Олимписките игри 2024, зборува за тоа колку Јокиќ оди напред од сезона во сезона и колку работел за да стигне до ова ниво.

Необичен прекин се случи на мечот меѓу Славен Белупо и Вараждин. Кога судијата свирна, на никој не му беше јасно што се случува. Македонскиот дефанзивец, Марио Младеновски влегол на терен со бурмата.

Откако на 14-ти јануари го направи најголемото чудо сезонава во шпанскиот фудбал и со 3:2 го елиминираше големиот Реал Мадрид од Кралскиот Куп, Албасете вечерва лови нова сензација. На гости им доаѓа страшната Барселона, лидер во шпанска Ла Лига.

Една година по златниот медал на Светско, Данците го прославија и европското злато на нивен начин. Наместо со шампионски панорамски автобус, прваците прво беа пречекани на плоштадот во Копенхаген, а потоа следуваше трационалното јадење на палачинки, обичај во Данска кој има длабоки корени со децении и кој претставува знак на чест и признание за голем успех.

Николас Барос Скелото е 10-ка во Химнасија Ла Плата. Има само 19 години а веќе е лидер на екипата. Во 1. коло од аргентинската фудбалска лига постигна прекрасен гол од корнер, а сега даде можеби уште поубаво од скратен корнер. Вредноста на пазарот му е 500.000 евра и наскоро би можел да замине во некој голем европски клуб ако продолжи вака.

Првиот човек на светската фудбалска куќа ФИФА Џани Инфантино вели дека тој лично сака забраната за Русија да настапува на меѓународни фудбалски натпреварувања конечно после четири години да прекине затоа што ништо не се постигнало со тоа.

Триесет и осум годишниот бразилски голман кој бранеше и за репрезентацијата пред неколку години, а бранеше и за Гремио, ПСВ и Спарта Ротердам, стана легенда на Коринтијанс со 548 настапи. Сега е во Крузеиро. Пред некоја вечер на дуел против Бетим на гости, на старт на вториот дел побарал од судијата да го прекине на кратко натпреварот за да отиде до тоалет. И го чекаа 5-6 минути.

Џовани Мпетши Перикард е 57-ти на АТП и веројатно прв тенисер на кој му успеало вакво нешто со топчето. Се работи за турнир во Монпеље. Епилог? Морал да го предаде мечот поради болки во окото на крајот од првиот сет.

Со необичнииот погодок на Јирген Екеленкамп во 49' минута кога топката се одби од Дориен Мален кој беше во живиот ѕид и го зафркна голманот Миле Свилар, Удинезе со 1-0 ја победи Рома.

Кој вика дека Дагур Сигурдсон е Исланѓанец? Пази ова. Од плоштад, ракометарите продолжија со кафанско славје, а таму во еден момент селекторот на Хрватска со една рака го остави пивото на маса, со другата му ја зима гитарата на музичарот. Потоа се ореше песна по име „Далматинац сам“, која во негова чест ја имровизираа и му ја отпеаа со рефрен „Са Исланда сам“. Јак момент. Добар лик е Дагур, може и кај Чамо да го земеме.