Втора година по ред ни се преклопуваат две теми - пандемијата и велигденските празнувања. Во збирка кратка проза на Влада Урошевиќ објавена во 2010, значи една деценија пред Ковид-19, овие две нешта мистериозно коегзистираат на страниците на книгата, во два расказа. 

Во Јапонија постои здружение на автори кои пишуваат „хонкаку“, односно „автентични“, вистински мистерии. Традицијата на ваквата литература во оваа земја е долга, а во англиското говорно подрачје допрва се популаризира, со први преводи на повеќето од книгите.

Кај нас ги викаме „обетки“, а висечката верзија „балерини“. Научното име го добиле по германски лекар и ботаничар. А бојата „фуксија“ првично немала врска со растението.

По добивањето на Оскарот, данскиот филм на Винтерберг за алкохолизираните наставници ќе добие и верзија на англиски јазик. Во неа ќе го нема Мадс Микелсен, и тоа е доволно да знаеме дека џабе го прават.

Замислете дека сте во Париската опера, околу 1831. Покрај обичната публика, во првите редови има мажи кои ентузијастично плескаат на крајот на претставите, извикувајќи „Бис! Бис!“. Тие се всушност вработени во театарот, исто како и музичарите.

Ако еволуцијата важи на полето на биологијата, зошто не би важела и на полето на општествените науки? Ова било идејата на Херберт Спенсер, чија најпозната изрека за опстанокот на најприлагодените најчесто му се припишува на неговиот колега, Дарвин.

Мауро Моранди живеел сам на островот Будели од 1989, но по неколку закани со протерување и затвор, изгледа ќе мора да го напушти својот спокоен дом. Не помагаат ни бројните јавни повици и петициите.

Во нов филм на малку позната тема, Камбербач игра бизнисмен кој за време на студената војна пренесува тајни помеѓу западот и тогашниот Советски Сојуз. Негов контакт од другата страна е руски разузнавач. Нивната цел - одбегнување нуклеарна војна.

Се користи во правната и економската терминологија, како неспособност за плаќање на фирма или поединец, но и во секојдневниот говор за некој што пропаднал, останал без пари. Етимологијата на терминот „банкрот“ е од еден интересен италијански обичај.

Оваа година пораката ја упатува македонскиот писател и преведувач, Димитар Башевски.

Меѓународниот ден на книгата се прославува на 23 април, датумот на смртта на Сервантес. Оваа година одбележувањето вклучува и шпански превод и повторно објавување на заборавена верзија на „Дон Кихот“ на кинески.

Во 1879 почнал експеримент, кој допрва треба да даде одговор на прашањето - колку можат да издржат семиња закопани во шишиња во земја? Локацијата на којашто се наоѓаат до денес е тајна, а целиот потфат ќе трае и следните 80 години.

Бил еден од најозлогласените криминалци во САД на почетокот на 20 век. Но титулата „најпознат затвореник на Алкатраз“ не ја заслужил толку со своето криминално минато, туку со едно необично хоби за затворски услови.

Најстарата ружа на светот е толкава фраерка што издржала разни историски премрежја, меѓу другото и бомбардирање во Втората светска војна.

Верувањата на денес подзаборавениот Николај Фјодоров за космичка религија фокусирана на животот на Земјата инспирирала некои од најдобрите советски инженери.

На 25 април ќе се случи 93-тото доделување на престижното филмско признание. Во историјата долга речиси еден век, забележани се различни куриозитети. Меѓу нив и еден најдолг говор, кој не е на Хилари Свонк или на Ендријен Броди.

Станува збор за нешто како смоки, направено од пченка, со различни вкусови, меѓу кои и кокос. Грицките се користат како посебен вид заштита и поттик - на машините, за да работат како што треба.

Таканаречениот „продакт плејсмент“, или стратешко поставување производи и реклами во филмските кадри, е голем бизнис и за филмовите и за сериите. Сега вакви „сублиминални“ пораки може да бидат додавани дигитално, и во стари и во понови дела.

Вистинска приказна за четворица воени фото-репортери од Јужна Африка, која иако во филмска смисла е раскажана прилично површно, дава увид во едно значајно прашање - она за фотографската етика.

Оние кои ја гледале како матријархот на семејството Шелби, Поли Греј, во „Пики Блајндерс“, знаат за каква брилијантна актерка стануваше збор. Ја играше и Нарциса Малфој во последните три филма за Хари Потер, а беше наградувана и на театарската сцена.

Нова изложба во Лондон е опишана како „радикална субверзија на старите мајстори“. Всушност тука не се случува ништо посебно, освен што сликите се - вон фокус.

Пред 31 година се случила најголемата кражба на уметнички дела, вредни тогашни 500 милиони долари. Нова документарна серија ги истражува можните теории, но раскажува и приказна за основачката на ограбениот музеј.

Начинот на кој славните изведувачи, односно нивните агенти, знаат да изнудуваат права за песни од авторите е опишан како „булинг“, а просечниот процент кој притоа им се нуди почнува со 1% и стигнува до максимум 20%. Останатите 99-80% одат кај оние кои немаат придонесено ни нота во композицијата.

Нова книга, која ќе излезе на 1 јуни, содржи до сега необјавени писма на Калас, во кои се открива дека таа била дрогирана, сексуално малтретирана и злоупотребувана дури и од најблиското семејство.