Bookbox › Набрзинка

Почина Ренато Баретиќ

1 јули 2025

Хрватскиот новинар, писател, сценарист и актер Ренато Баретиќ, чии дела беа преведувани и на македонски, почина на 63 години во сплитската болница.
Романот „Осмиот пратеник“ се смета за негово најдобро дело за кое има добиено бројни книжевни награди, а адаптиран е и во истоимениот филм (Букбокс осврт од 2010 за книгата тука).
Роден е во Загреб, каде на Филозофскиот факултет студирал компаративна книжевност. Во 1983 се вработува како новинар и пишува за бројни хрватски весници и списанија. Меѓу другото беше редовен колумнист на Слободна Далмација. Еден е од основачите на сплитската културно-забавна манифестација Причигин.
Во ексклузивно интервју за Букбокс даде ветување дека на 80 ќе оди во јавна куќа. За жал не го дочека 80-тиот роденден.

Види и: „Сплит за почетници - абецеда на градот“ од Ренато Баретиќ и Ивица Иванишевиќ

извор

„Скопje 63/63″: поезиja и фотографиja во спомен на земјотресот од 1963 година

27 јули 2026

Во вторник, 28 јули од 20:30 часот во Сули-ан ќе биде промовирана поетска антологиja, подготвена од проф. д-р Иван Џепароски, која обединува избрани творби од македонски и странски автори посветени на Скопje и неговата мемориja. Проектот е надополнет со фотографиите на Сашо Алушевски, кои преку визуелен jaзик сведочат за архитектонското наследство што го преживeaло земјотресот.
Фотографската изложба опфаќа триесетина фотографии и претставува лична авторска интерпретациja на Скопje како простор во кој минатото и сегашноста постоjaно се преплетуваат. Низ фотографиите се отвораат асоциjaции за времето, сеќавањaта, насобраните конотации и симболите што со децении се таложеле околу градот и неговите обjeкти.
Посебно место во изложбата имаат фотографии кои се изработени со посебна техника така што под дejство на сончевата светлина со текот на времето постепено ќе исчезнат, метафора за Скопje кое полека го менува своjот лик. На тоj начин, изложбата не е само навраќање кон сеќавањето на земјотресот од 1963 година, туку и размислување за современото Скопje, неговите трансформации и постепеното исчезнувањe на делови од неговиот препознатлив урбан идентитет.

извор

Изложба на фотографии од тажачките кои етнологот Васил Хаџиманов ги снимил по скопскиот земјотрес

25 јули 2026

Утре ( 26 јули) во 20: 30 часот, во Музејот на Град Скопје ќе се отвори изложбата „Архив на тага: Скопје 1963“, со фотографии на етномузиколог и фоклорист Васил Хаџиманов од тажачките обреди по земјотресот. Монографијата „Тажачки песни од скопскиот земјотрес во 1963 година“ од Ана Мартиноска и Жарко Иванов беше промовирана во декември 2023.
Веднаш по земјотресот во Скопје на 26 јули 1963, Хаџиманов со касетофон ги снимал тажачките песни или редачките на гробиштата на погребите на загинатите, потоа нотно и текстуално ги запишувал, а овие белешки и снимки стоеле долго во архивата на МАНУ, каде што ги однел неговиот син Зафир.
Утре покрај изложбата, ќе биде промовирано и дополнетото и двојазично (на македонски и англиски) издание на книгата „Тажачки песни од скопскиот земјотрес во 1963 г. (Од архивските материјали на Васил Хаџиманов)“. Настанот се одвива во знакот на одбележувањето на 120-годишнината од раѓањето на Васил Хаџиманов.

извор