Кога љубезно се одбива или се одложува некаква понуда, во англискиот буквално се вели дека се зема „чек во случај на дожд“. Иако звучи како некаква метафора, изразот всушност имал прилично буквално значење.

Се вика „Заеднички Скребл“ (Scrabble Together) и во неа не играте за да соберете што повеќе поени и да победите, туку се обидувате колективно, како тим, да решавате предизвици. Ни отвораат работа за правење нова верзија и на неофицијалната македонска.

Тутунските компании од времето на Првата светска војна на и во пакувањата не ставале ужасни предупредувачки пораки и слики од луѓе со рак на грло, туку нуделе илустрирани совети за тоа како да се запали чкорче на ветер, како да се избега од побеснето куче, како да се направи средство за гасење пожар итн. Сепак, некои од советите не сме сигурни дека би функционирале денес.

Песната - акустична балада - се вика „Примроуз Хил“, автор е Џејмс Мекартни, а е произлезена од соработката со Шон Оно Ленон. На прво слушање е фина, но во моментов поинтересно ни е колку двајцата личат на татковците. 

Во октомври 2016, Шведската академија објави дека добитник на високото признание за книжевност за таа година оди кај Боб Дилан, што предизвика лавина секакви коментари, вклучително и тоа дека писател би можел да конкурира за Греми. Контроверзата сепак поттикна интересна дискусија, не само за границите помеѓу поезијата и пеената песна, туку и за тоа што е воопшто книжевност. Нештата сè повеќе се комплицираат, па оттаму, зошто следен добитник да не биде и креатор на видео игра?

Вчера, 15.04., во аулата на Филолошкиот факултет се одржа навистина необичен настан за нашите книжевни кругови, во кои академици на себе ставија мачкести маски, професори глумеа јавни обвинители со перика позајмена од Драмски, декан удираше со дрвено чеканче по маса, а дел од публиката извикуваше „уа“ и фрлаше со грашок низ судницата. И сето тоа како омаж на едно уметничко движење, зачнато пред цел еден век, од коешто уште има што да се црпи. 

Најновото, и според негови зборови последно дело на 82-годишниот Хајао Мијазаки, прво после една деценија, е полу-автобиографски, eпски и фантастичен филм, кој истовремено восхитува и вознемирува. Тој, како и сите епови, зборува за поход чиј исход е неизвесен и за патување низ светот на живите и мртвите, кое на моменти изгледа како кошмар. Низ него се препознаваат алузиите на пеколот низ кои многумина поминале, но од кој малкумина излегле неповредени. 

Виолинист верува дека открил претходно непознат систем на динамичка интерпретација во Бетовеновите оригинални ракописи. Oва со други зборови значи дека славниот композитор предвидел многу повеќе варијанти во ознаките од оние стандардните „форте“, „мецофорте“, „пијано“, туку на своите тогашни и идни колеги им понудил широк спектар на емоционални изрази кои до сега не биле забележани во неговите генерално хаотични ракописи. 

Денес постираме и гледаме слики онлајн како да е тоа нешто многу едноставно и технички лесно изводливо. Всушност, историјата на пренос на фотографии содржи навистина иновативни, иако од денешна перспектива примитивни начини на нивно испраќање, особено ако работата била итна. 

Помеѓу 1920 и 1960-тите, десетици илјади луѓе се подвргнале на третман за различни болести со апарат кој емитувал светлина. Човекот што го смислил имал теорија која звучела научно и од која значајно заработил. 

Денес, 12.04., се одбележуваат значајните напредоци во истражувањето на вселената. Датумот е одбран бидејќи на овој ден во 1961 Јуриј Гагарин орбитирајќи околу Земјата со ракетата Восток 1 во тек на 108 минути станал првиот човек во вселената. Ова помогнало СССР да издоминира во глобалната светска трка, момент за кој се подготвувала долго време. Но сета мистерија околу подготовктие довеле до интересна теорија на заговор.

Рускиот опозициски политичар, кој почина во затвор во февруари, комплетирал автобиографија која ќе излезе во октомври оваа година. Во неа се покрива неговиот младешки живот, бракот, политичката кариера и активизмот, како и бројните обиди за атентати врз него и неговите блиски.

Самофинансираниот проект на славниот режисер на „Кум“, со Адам Драјвер, Обри Плаза и Дастин Хофман, ќе биде премиерно прикажан на фестивалот во мај. Реакциите на оние кои го гледале (главно потенцијални дистрибутери) во најмала рака се „мешани“, со по некој посуров коментар. 

Изгледа дојде и тој момент, кога компаниите веќе нема да „крадат“ нечии дела за врз тој јазичен корпус да си ги тренираат ВИ машините, туку најчесно ќе си купат издавач, а со тоа и авторските права на книгите. Волкот ќе биде сит, а за овците...

Интервјуто на Би-би-си во програмата Њузнајт од 2019 потсетува на оние телевизиски соочувања „еден-на-еден“ кои повеќе личат на судски процес, кога субјектот нема каде да се крие од добро информираниот обвинител. Сега Нетфликс направи филм за него, кој не зборува толку за последиците по кралското семејство, туку повеќе за тоа каква е моќта на квалитетното новинарство.

Одвреме навреме, особено во САД каде оставањето бакшиш е задолжително, се актуелизира оваа тема со аргументи за и против истото. Анти-бакшишџиите имале прилично јаки претставници во минатото, меѓу кои и некои од најпознатите американски писатели.

Во врска со денешното целосно замрачување кое може да се следи над Мексико и САД се изначитавме сè и сешто. Но едно од најнеобичните е убеденоста на голем број луѓе дека во текот на еклипсата не смее да се подготвува храна, затоа што таа ќе била затруена. 

Да, постои и вакво занимање. И некако му доаѓа логично, бидејќи луѓето на социјалните мрежи реагираат на објава на нечија смрт како и на останатите нешта на ваквиот медиум - понекогаш само со „Бог да го прости“ или расплакано емотиконче, но и со говор на омраза, оговарање и секакви теории доколку смртта била неочекувана. 

Парабола, драма со фантастични елементи, сатира, трагикомедија. Сите овие етикети се релевантни за филмот на Јоргос Joргопулос, кој ќе се прикаже на четвртото издание на Фестивалот на грчки филм што ќе се одржи од 7-9 април во Скопје и Битола. 

Создаден од Френк Ворен во 2004, овој концепт изгледа како никогаш да нема да запре. Затоа што луѓето секогаш ќе имаат тајни, и исто така секогаш ќе сакаат да ги споделат, особено анонимно, и макар и напишани на самоделски разгледници. Има само едно правило - тајната да е вистинита и никогаш претходно да не е споделена.

Како звучи наслов на стручен текст „Влијанието на цветањето на алгите и уништувањето на коралните гребени врз туристичката индустрија на регионот“? Не многу атрактивно, нели? Но што ако истиот биде придружен со музика која ја доловува тагата од последиците на истото, а е компонирана токму врз основа на податоците од истражувањето?

Осумнаесет Американци кои учествувале во војната одговориле на над 1000 прашања пред камера, за со помош на вештачка интелигенција да може да се креира нивна интерактивна видео верзија. 

Добро, не е буквално Ѓоргиевски туку е Сато, а еден од преводите на ова име, кое може да биде и лично и фамилијарно, е „селанец“ или „земјоделец“, исто како и Ѓорги (од грчкото Georgos или Јорго). Дека ова ќе стане единствената опција за некои пет века во Јапонија покажува нова студија, која истовремено алармира дека за да се превенира ваквата ситуација ќе мора да се смени важечки закон од крајот на 19 век.

Од мумифицираните фараони до Големата пирамида во Гиза, древната египетска историја изгледа дека е прилично позната. Но она што малкумина го знаат е дека оваа цивилизација го развила првиот познат даночен систем.