Барајќи начин како сами себе да си го осветлиме утрово, наидовме на филмчево, кое нема шанси да не ви предизвика блага насмевка. Заради едно пијано кое се вика св. Франкештајн, и еден симпатичен тип, кој го вози. Да, го вози.

Во „Последната битка" на Стивен Хардинг, која излезе од печат пред неколку дена, се опишува еден необичен настан: заедничка битка на американски војници, француски затвореници и германски војници, на крајот на Втората светска војна.

Ги знаете оние „рајдер листи" на музичарите, кои често содржат бизарни барања? Уметникот Хенри Харгривс ги оживува во фото серија, направена во стилот на старите сликарски мајстори.

Вака од уво, може да се каже дека македонскиот е прилично богат со зборови кои искажуваат чувства. На пример „сакам" може да биде и „имам мерак", „ќеф ми е" или „сакаааам!". Ама во некои јазици тие - зборовите и чувствата кои ги опишуваат - се поизнијансирани.

Филмот на Ангелопулос трае два часа и 49 минути. Има добиено специјална награда од жирито во Кан. Го опишуваат како „епски" и „храбар". Главната улога е на Харви Кајтел. И зборува за - браќата Манаки! Ама...

Нешто повеќе од еден век пред Хитлер, германско-еврејскиот поет Хајнрих Хајне напишал: „Онаму кадешто палат книги, наскоро ќе горат и луѓе". Токму тоа се случило на денешен ден, 10. мај 1933, во Берлин. Мирисот на изгорена хартија предупредува и осумдесет години подоцна.

Канабето на Фројд, под тежина на повеќе од еден век соништа, трауми, фобии и комплекси на оние кои на него ја отварале неговата душа, полека попушта. Музејот на Фројд во Лондон издаде повик за собирање средства за негово реставрирање.

Звучи како скеч од Монти Пајтон, ама во Данска, во чест на 200 годишнината од раѓањето на познатиот филозоф, е направен - мјузикл.

Новиот роман на Ден Браун, под симболичен наслов „Инферно", ќе биде објавен на 14. мај, и тоа на 11 јазици. Како романот на време да биде симултано преведен на толку јазици, а да не „истече" во јавноста? Решение - стави ги преведувачите во бункер.

Двајца пријатели се возеле со такси. На излегување едниот од нив го поздравил таксистот и му посакал убав ден, заблагодарувајќи му на пријатното возење.

Додека локално ја решаваме дилемата дали жената е темел, столб, тераса или лоџија на семејството, Американците си имаат свој проблем: сите писателки на Википедија, полека исчезнуваат од категоријата „Американски романсиери" и мигрираат во башка-башка категорија - пак романсиери, ама жени.

Вчера (6. мај), точно една година откако д-р Хаус ги батали бастунот и стетоскопот, Хју Лори го издаде вториот албум, на кој повторно свири и пее блуз. И си го тера ќефот.

На 22-годишнината од смртта на војникот од Кавадарци, текст на Дежуловиќ од 2003., посветен на до заби голоракиот херој.

25-годишната поранешна порно суперѕвезда ќе објави роман. „Друштвото на Џулиета", кој ќе излезе на 9. мај, е за девојка која влегува во таен секс клуб, во кој ја учат на дисциплина и покорување. За разлика од книгата на Е. Л. Џејмс, за оваа сме сигурни дека во голема мерка се потпира на знаење од прва рака.

Хедер Дуи-Хагборг е таканаречен „информациски уметник", таа создава уметност која отсликува различни типови истражувачки резултати. Еден од нејзините проекти - правење портрети врз основа на ДНК анализа на влакна и исплукани мастики за џвакање.

Францускиот композитор бил далеку пред своето време, имал премногу идеи, бил спектакуларен и без скрупули. Пајтоновецот вели дека, накратко, тој бил - како него. И режира негова опера, по втор пат.

Документарец за неверојатната судбина на Сиксто Родригез, музичар од седумдесетите, на кого многумина му предвидувале слава поголема од онаа на Боб Дилан. Филм за мрачните страни на музичкиот бизнис, природата на славата и можноста работите некогаш и некаде да дојдат на свое место.

Некои во пишувањето се инспирираат од поглед низ прозорецот, некои од читање туѓи книги, трети од слушање музика. Но има еден начин кој докажано поттикнува креативни сокови. Некои автори отворено проговориле за оваа нивна стратегија.

Некои звучат неверојатно, на пример тоа дека некој на Буковски би му доверил таква одговорна задача каква што е разнесување пошта. Ама, сите се историски вистини.

Од 1984 Џеф Бриџис почнал да го фотографира светот во кој живее тој и неговите филмски ликови - сетовите на снимањата, и она што се случува зад нив. Резултатот: голема збирка на широкоаголни фотки, со инсајдерски шмек.

Ако денес одите некаде на излет, не заборавајте по себе да си го соберете ѓубрето. Освен што со тоа ќе ѝ направите добро на природата, отпадот после можете да го искористите за креативни цели. Пример да ги искористите испиените стаклени шишиња пиво за - да купите уште пиво.

На повеќето од оние кои страдаат од дермографска уртикарија ова сигурно не им е ниту забавно, ниту кул. Но тоа што нивното тело практично претставува живо платно врз кое може да се црта и пишува некои од нив решиле да го искористат за уметнички цели.

Вонегат во 1960 имал 38 години, два објавени романа и биографија која успеал да ја зипува во два пасуса нудејќи му се како волонтер на тогашниот кандидат за претседател, сенаторот Џон Ф. Кенеди. Една реченица во неа е посебно шармантна.

Кога веќе почнавме со чудните навики на познатите писатели и уметници (како на пример онаа да стануваат пред зори), да продолжиме во тој стил. Писателите и нивните бизарни опсесии.