Кога умре, во 1996, Лири беше испратен како „кум" на контракултурата на шеесетите. Но новиот материјал откриен во архивата на Лири во Њујоршката јавна библиотека го прикажува и како ран авантурист во една друга област.

Нова книга, полна со документи, сеќавања и по некоја фантастична приказна, кои го опишуваат животот и делото на хрватскиот музичар.

Луча Либре е мексиканска верзија на кечерство. А Луча Либро е истото тоа, ама сам по сам, без тепање, туку со пишување. Мотото: „Твоите зборови се посилни од твоите удари“.

Млад и амбициозен, но социјално неприлагоден, Артур Шопенхауер му испратил на еден уредник ракопис од неговата книга „Светот како волја и претстава". Уредникот ја одбил, но на крајот од писмото му дал и неколку гратис вонкнижевни совети. Или можеби не?

Во пресрет на овогодишната Нобелова за литература, Њујорк Тајмс прашува: ако во тестаментот на Нобел навистина пишува дека наградата треба да оди во рацете на писател „чие исклучително дело стреми кон совршенство", тогаш зошто па зошто тоа да не биде делото на Дилан?

30. септември е меѓународен ден на преводот, според католичкиот календар празник на Св. Џером, библискиот преведувач кој се смета за заштитник на oваа професија. Епа нека ни е на помош на сите кои се занимаваме со оваа работа.

„Дури и помеѓу буржујските економисти, тешко дека има сериозен мислител кој ќе одрече дека е можно, со средства кои во моментов постојат во смисла на материјални и интелектуални сили, да се стави крај на гладта и на сиромаштијата, и дека сегашната состојба на нештата се должи на социо-политичката организација на светот" 
Херберт Маркузе, „Крајот на Утопија"

Во Лондон на 3. октомври ќе се отвори изложба посветена на сексот во јапонската уметност од 17-20. век. Сликите се толку експлицитни што музејот мораше да воведе забрана за посетители под 16 години, кои можат да ја разгледаат само „со родителско присуство“. Но во Јапонија тие никогаш не биле сметани за порнографски или скандалозни.

Четврто во светот, и прво на Балканот, македонското издание на бестселерот на германско-унгарскиот писател Вермеш.

Се сеќавате на изјавата на рускиот омбудсман дека најдоброто сексуално образование е читањето книга? Ајде да видиме кои се ставовите на писателите, во и вон книжевноста, по ова деликатно прашање.

За Едвард Вотсон се вели дека е еден од најдобрите британски современи танчари. Неговата најнова улога, како Грегор Самса во „Преобразба" на Кафка, во кореографија на Артур Пита, дефинитивно го потврдува тоа.

Били Кристл, актер, продуцент, комичар и режисер, кој стана најпознат по „Кога Хари ја сретна Сели", и по тоа што дури девет пати го има водено доделувањето на Оскарите, издаде автобиографија. Богами, има и што да раскажува.

Вчера (24.09) Френсис Скот Фицџералд ќе го славеше својот 117 роденден. Го замислуваме како прави журка на небото во стилот на Гетсби, и со Зелда танцуваат до сабајле. Но она што понекогаш се заборава кога се зборува за него е неговата нежна, татковска страна, која е очигледна во ова писмо до неговата ќерка Франсис.

Неодамна излезе од печат книгата „Турбо-фолк ѕвезда" на младиот босанец Златан Делиќ, кому ова му е всушност магистерска теза од областа на родовите студии. Дали е можно академско истражување на турбо-фолкот без да се плука по него? Изгледа да.

До 17-тиот век во Европа единствените луѓе кои имале широка насмевка, како во животот така и во уметноста, биле сиромашните, разузданите, пијаните, и оние кои ги забавувале масите. Зошто?

Марсел Рајх-Раницки повеќе од половина век беше највлијателниот книжевен критичар во германското говорно подрачје. Писателите му се плашеа, а читателите го обожаваа, особено кога се сликаше како кине книга која не му се допаѓа.

Aвторот на Брандербуршките концерти, Пасиите по Матеј и Јован, бројни кантати, корали, менуети - сите сјајни дела на барокната музика - изгледа не живеел под стаклено ѕвоно, како што сугерираа неговите досегашни биографи.

Извесен Тим Вокер, новинар во британскиот „Телеграф", напиша текст во кој го обвинува Фрај дека не e aвтор на сопствените твитови. Сиротиот, да знаеше што го чека, може никогаш немаше да го стори тоа.

Заборавете на кондоми, орални контрацептиви, море најубаво заборавате воопшто на секс, и фатете книга да читате. Не, не ви го викаме ова ние. Ова е порака од рускиот детски омбудсман.

Oткако неодамна ја релативизиравме вредноста на цитирањето како интелектуален чин, најлогичниот след на настаните е да објавиме - цитати за пишувањето!

Гугл поетикс е блог кој почнал да собира таканаречени Гугл песни од октомври 2012. Тоа се оние кои се формираат кога пребарувате некој поим, а Гугл ви сугерира цели реченици. Нивните комбинации често се смешни, апсурдни, но има и такви кои навистина имаат смисла.

За проблемот на погрешно припишаното авторство на некои познати изреки сме пишувале и порано. Но не знаевме дека за оваа појава веќе има и акроним - WAS (Wrongly Attributed Statement) или по нашки ППИ (Погрешно припишана изјава).

Наскоро од печат ќе излезе биографија на Френк Нетер, несуден сликар, кој по желба на мајка му станал доктор, но и најпознат современ медицински илустратор.

Вчера (16.09) се појави вест дека отсега за престижната Букерова награда за литература ќе можат да конкурираат и американски автори. Некои, главно Британци, се скандализирани. Други, главно Американци, се живи среќни.